முத்துப்பேட்டையில் கோலாகலமாக கொண்டாடப்பட்ட ஹஜ் பெருநாள் பண்டிகை.

முத்துப்பேட்டை, நவம்பர் 07 : திருவாரூர் மாவட்டம் முத்துப்பேட்டையில் இன்று தியாகத் திருநாளாம் ஹஜ் பெருநாள் பண்டிகை மிக சிறப்பாக கொண்டாடப்பட்டது. சரியாக காலை 8 .30 மணியளவில் குட்டியார் பள்ளி வாசலில் தொழுகை நடைபெற்றது. இந்த தொழுகையில் சுமார் 2 ,000 துக்கும் மேற்பட்டோர் கலந்து கொண்டு தொழுகையை நிறைவேற்றினர். இதில் கொத்பா பள்ளி முஹல்லாஹ், அரபு சாகிப் பள்ளி முஹல்லாஹ், குட்டியார் பள்ளி முஹல்லாஹ், பேட்டை பள்ளி முஹல்லாஹ், முஹைதீன் பள்ளி முஹல்லாஹ், மதீனாப் பள்ளி முஹல்லாஹ், ரஹ்மத் பள்ளி முஹல்லாஹ், ஆகிய 7 முஹல்லாவை சேர்ந்த பள்ளி நிர்வாகத்தினரும்,முஹல்லாஹ் வாசிகளும் கலந்து கொண்டு தொழுகையை நிறைவேற்றினார்கள். இதனைத்தொடர்ந்து கொத்பா பள்ளி தலைமை இமாம் பயானும் நடைபெற்றது. இதன் பின்பு ஒவ்வொரு சகோதரரும் தங்களுடைய அன்பை பரிமாறிக் கொள்ளும் விதமாக ஒருவருக்கொருவர் சலாம் கூறி முஸாபா செய்து கொண்டனர். இந்த முஸாபா மூலம் இனம், மொழி, ஜாதி, ஏழை, பணக்காரன் என்ற எந்த பாகுபாடும் பார்க்காமல் இறைவனை மட்டும் முன்னிறுத்தி நடைபெற்றதால் இந்த நிகழ்வு அனைத்து மக்களுகளுக்கிடையே ஒரு பொன் சிரிப்பாகவே இருந்தன.

குறிப்பு: முத்துப்பேட்டையில் மொத்தம் 6 பள்ளி வாசல்களில் இன்று ஹஜ் பெருநாள் தொழுகை நடைபெற்றது.

1) குட்டியார் ஜும்மாஹ் பள்ளி

2 ) மக்கா பள்ளி

3) புதுப் பள்ளி

4 ) ஆசாத் நகர் பள்ளி

5 ) தர்கா பள்ளி

6 ) நூர் பள்ளி

பெண்களுக்கான ஹஜ் பெருநாள் தொழுகை அந்த அந்த முஹல்லவை சேர்ந்த பெண்கள் அனைவருக்கும் அந்த அந்த முஹல்லாஹ் பள்ளி வாசல்களிலேயே நடைபெற்றது.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More

முத்துப்பேட்டை இஸ்லாமிய நலசங்கத்தின் கூட்டு குர்பானி திட்டம் நிறைவேறியது.

முத்துப்பேட்டை, நவம்பர் 07 : திருவாரூர் மாவட்டம் முத்துப்பேட்டையில் துபாயில் வாழக்கூடிய நமதூர் மக்கள் முத்துப்பேட்டை இஸ்லாமிய நலசங்கம் என்ற பெயரில் கடந்த 29 வருடமாக பல்வேறு சாதனைகளும், முத்துப்பேட்டை ஏழை, எளிய மக்களுக்கு மாத உதவித் தொகையும், மாணவ, மாணவிகளுக்கு கல்வி நிதி உதவித்தொகையும் இதன் மூலம் வழங்கி வருகின்றனர். மேலும் இதனைத் தொடர்ந்து இன்று தியாகத் திருநாளாம் ஹஜ் பெருநாளை முன்னிட்டு முத்துப்பேட்டை இஸ்லாமிய நல சங்கத்தின் சார்பில் இரண்டாவது முறையாக கூட்டு குர்பானி திட்டத்தின் மூலம் சுமார் 8 மாடுகள் அறுத்து முத்துப்பேட்டையில் உள்ள ஏழை, எளிய மக்கள் அனைவருக்கும் கொடுக்கப்பட்டது. இதில் முத்துப்பேட்டை இஸ்லாமிய நலசங்கத்தின் முத்துப்பேட்டை பிரதிநிதி சோழநாடு. ஜனாப் .KM .நெய்னார் முஹம்மது, ஜனாப். ஹுமாயுன் கபீர், சங்கத்தின் முன்னாள் தலைவர் ஜனாப். PM . ஜாகிர் ஹுசைன், சங்கத்தின் முன்னாள் செயலாளர் ஜனாப். S .நஜுபுதீன், புதிய தலைவர்.ஜனாப். S .ஜாபார் ஹுசைன், சங்கத்தின் செயற்குழு உறுப்பினர் ஜனாப். MRS .ராவுத்தர் (செல்லாப்பா), மேலும் சங்கத்தின் முன்னாள் உதவி பொருளாளர் ஜனாப். நாசர், முஹம்மது ரபீக், முஹம்மது அசாருதீன் , சபீர் அஹமது (சிங்கப்பூர்) மற்றும் முத்துப்பேட்டையில் அனைத்து மக்களும் கலந்து கொண்டு சிறப்பித்தனர்.
source from www.muthupettaiexpress.com, www.muthupettaiexpress.blogspot.om
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More

மவுத்து அறிவிப்பு: "ஹதீஜா நாச்சியா"

முத்துப்பேட்டை, நவம்பர் 07 : அதிராம்பட்டினம் மர்ஹும் மு.ஆ நெய்னா முஹம்மது அவர்களின் மகளும், மர்ஹும் M .முஹம்மது இபுராஹீம் அவர்களின் மனைவியும், முத்துப்பேட்டை கரடி M .முஹம்மது யாசின் அவர்களின் சகோதரியும், கரடி.M .சேக் அப்துல் காதர், M .அக்பர் அலி ஆகியோரின் தாயாருமாகிய "ஹதீஜா நாச்சியா" அவர்கள் இன்று காலை 7 :15 மணியளவில் அதிராம்பட்டினம் நெசவுக்காரத்தெரு அவர்களது மகனார் இல்லத்தில் மவுத்தாகிவிட்டார்கள். (இன்னாஹ் லில்லாஹி வ இன்னா இலைஹி ராஜிவூன்). அன்னாரின் ஜனாசா இன்று மாலை 4 மணியளவில் அதிராம்பட்டினம் மரைக்காப்பள்ளி மையவாடியில் நல்லடக்கம் செய்யப்படும் என்பதை அறிவிக்கிறார்கள்.
source from www.muthupettaiexpress.com
அறிவிப்பவர்

கரடி. M .முஹம்மது யாசின்

Read More

மனைவிக்கு உணவு ஊட்டுவதர்க்கும் இறைவனிடத்தில் நற்க்கூலி உண்டு...

உலகம்,நவம்பர் 06 : அல்லாஹ்வின் திருப்தியை மட்டுமே நாடி நீர் எதைச் செலவு செய்தாலும் அதற்காகக் கூலி வழங்கப்படுவீர், உமது மனைவியின் வாயில் நீர் ஊட்டும் ஒரு கவள உணவு உட்பட என்று அல்லாஹ்வின் தூதர் (ஸல்) அவர்கள் கூறினார்கள். அறிவிப்பவர்: ஸஅது பின் அபிவக்காஸ் (ரலி) நூல், புகாரி 56 . என்ற நபிமொழிக்கேற்ப இப்படத்தில் உள்ள சகோதரர் நிறைவேற்றிவிட்டார். ஆனால் நமது நாட்டில் கணவன் சாப்பிட்ட எச்சில் இலையில் தான் மனைவி உணவு உண்ண வேண்டும் என்ற வழக்கம் இருந்து வருகிறது. ஆனால் இஸ்லாம் மார்க்கமோ மனைவியுடன் ஒன்றாக இருந்து உண்ணுதல் என்ற நிலையைத் தாண்டி, மனைவிக்கு ஊட்டிவிடச் சொல்கிறது. இவ்வாறு உணவு ஊட்டுகின்ற இந்த செயலுக்கு இன்றைவனால் நன்மையையும் அளிக்கப்படுகிறது. ஆம் மனைவியின் மீது பொழிகின்ற இந்த அன்பு இறைவனின் அன்பைப் பெற்றுத் தருகின்றது.
www.muthupettaiexpress.com
நமது நிருபர்

அஹம்மது சித்திக் (லண்டன்)

Read More

முத்துப்பேட்டையில் ஜாக் சார்பில் நடத்தப் பட்ட ஹஜ்ஜுப் பெருநாள் தொழுகை..

முத்துப்பேட்டை, நவம்பர் 06 : திருவாரூர் மாவட்டம் முத்துப்பேட்டையில் ஜாக் சார்பில் இன்று ஹஜ்ஜுபெருநாள் தொழுகை,நமதூர் ஜாமியா மஸ்ஜிதில் சரியாக காலை 7 மணிக்கு நடைபெற்றது. இதனைதொடர்ந்து டாக்டர்.முஹம்மது மீரான் அவர்களின் பயனும் நடைபெற்றது இதில் அதிகமான ஆண்களும் பெண்களும் கலந்து கொண்டனர்.
source from www.muthupettaiexpress.com
நமது நிருபர்

முஹம்மது முஃபாரிஸ்

Read More

INTJ வின் பாபரி மஸ்ஜித் மீட்பு மற்றும் சமூக நல்லிணக்க ரத யாத்திரை!

சென்னை, நவம்பர் 05 : INTJ வின் பாபரி மஸ்ஜித் மீட்பு மற்றும் சமூக நல்லிணக்க ரத யாத்திரை வருகிற 19 .11 .2011 அன்று இந்திய தவ்ஹீத் ஜமாஅத் சார்பில் நடைபெற உள்ளதாக அதன் தலைவர் ஜனாப்.SM .பாக்கர் தெரிவித்துள்ளார்.இது குறித்து சென்னை பத்திரிக்கையாளர்கள் சந்திப்பில் பேட்டியளித்த ஜனாப்.SM .பாக்கர் அவர்கள், பாபரி மஸ்ஜித் இடிக்கப்பட்டு 19 வது வருட நினைவு தினம் வரும் டிசம்பர் 6 ஆம் தேதி அனுசரிக்கப்படுவதை ஒட்டியும், அயோத்தி நிலத்தை மீண்டும் மசூதியை எழுப்பிட வலியுறுத்தியும், இந்து, முஸ்லிம்களுக்கிடையே சமூக நல்லிணக்கத்தை பேணவும், வருகிற 19 .11 .2011 அன்று இந்திய தவ்ஹீத் ஜமாஅத் சார்பில் ரத யாத்திரை துவக்கப்பட உள்ளதாக ஜனாப்.SM .பாக்கர் தெரிவித்தார். நெல்லை மாவட்டம் மேலப்பாலயத்திளிருந்து இந்த ரதயாத்திரை துவக்கப்பட உள்ளதாகவும் மேலும் தமிழகம் முழுவதும் பயணித்து பாபர் மஸ்ஜித் இடிக்கப்பட்ட தினமான டிசம்பர் 6 ஆம் தேதியன்று சென்னையில் நிறைவுபெற உள்ளதாகவும் அப்போது அவர் தெரிவித்தார். இந்த ரத யாத்திரையில் யாதவ மகா சபை தலைவர் டாக்டர். தி.தேவநாதன், புதிய தமிழகம் கட்சி தலைவர் டாக்டர். கிருஷ்ணசாமி, விடுதலை சிறுத்தைகள் கட்சி தலைவர் திரு.தொல்.திருமாவளவன், மூவேந்தர் முன்னேற்றக் கழக தலைவர் டாக்டர். சேதுராமன், உள்ளிட்ட பல்வேறு கட்சிகள் மற்றும் சாதி அமைப்பினர்கள் இதில் கலந்து கொள்வார்கள் என்றும் SM .பாக்கர் மேலும் தெரிவித்தார்.இந்த பத்திரிக்கையாளர் சந்திப்பின் போது INTJ வின் துணைத் தலைவர் ஜனாப். முஹம்மது முனீர் சேட், பொருளாளர் ஜனாப். அபூ பக்கர் தொண்டியப்பா, துணைப்பொது செயலாளர் ஜனாப். சையது இக்பால், மாநில செயலாளர் ஜனாப். அபூ ஃபைசல் ஆகியோர் உடனிருந்தனர்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ரிப்போர்ட்டர் உமர் முக்தார்.

Read More

மமக சார்பில் உள்ளாட்சி பிரதிநிதிகளுக்கு பயிற்சி முகாம்! வியந்தது பல கட்சிகள்!

சென்னை, நவம்பர் 03 : நடைபெற்ற உள்ளாட்சி மன்ற தேர்தலில் மமக சார்பில் வெற்றிபெற்ற மக்கள் பிரதிநிதிகளுக்கு ஒருநாள் நிர்வாக பயிற்ச்சி முகாமும், சான்றிதல் அளிக்கும் நிகழ்ச்சியும் சென்னை சிராஜ் மஹாலில் நேற்று நடைபெற்றது. மேகத்துடன் கூடிய மழைச்சாரலும் , குளிர்ந்த காற்றும், சென்னை மாநகரை இதமான ஒரு சூழலில் பரவசப்படுத்தி கொண்டிருந்தது. தமிழகத்தின் பல்வேறு பகுதிகளிலிருந்து வருகை தந்திருந்த பிரதிநிதிகளை தலைமை நிர்வாகிகள் மகிழ்ச்சியுடன் கைகுலுக்கி வாழ்த்தியது அவர்களோ இனம் புரியாத சந்தோசத்தில் திளைத்தனர். இதனை அடுத்து பேராசிரியர் ஜவாஹிருல்லாஹ் MLA . அவர்கள் பயிற்சி முகாமை தொடங்கி வைத்தார், பின்னர் புகழ்பெற்ற ஓய்வு பெற்ற முன்னாள் ஐ.ஏ.எஸ். அதிகாரி அபுல்ஹசன் அவர்களும், உள்ளாட்சி நிர்வாகத்தில் அனுபவம் பெற்ற திரு.தாஸ் அவர்களும், பத்தாண்டு கால நேரடி நிர்வாகத்தை பெற்ற சாத்தானி சிராஜ் அவர்களும் வகுப்புகளை எடுத்தார்கள். இந்த வகுப்பில் உள்ளாட்சி நிர்வாகம் என்றால் என்ன? மன்ற கூட்டங்களை நடத்துவது எப்படி? நிதியை எப்படி செலவு செய்வது? அதிகாரிகளை பயன்படுத்துவது எப்படி? மத்திய அரசு மாநில அரசுகளின் திட்டங்களை மக்களுக்கு கொண்டு செல்வது எப்படி? தங்கள் வார்டுகளில் செய்யக்கூடிய பணிகள் என்ன? என்னவெல்லாம் அதிகபட்சமாக செய்ய முடியும்? என பல்வேறு ஆக்கப்பூர்வமான விசயங்களை குறித்து அவர்களை விளக்கியபோது மமக பிரதிநிதிகள் அனைவரும் அங்கு மாணவர்களாக மாரிபோனார்கள். இந்நிகழ்சியை பதிவு செய்ய வந்த பத்திரிக்கையாளர்கள் இதுபோன்ற பயனுள்ள ஒரு நிகழ்ச்சியை இதுவரை எந்த அரசியல் கட்சிகளும் நடத்தியது இல்லை என்றும், மமக உண்மையிலேயே ஒரு வித்தியாசமான மாற்று அரசியல் காட்சியாகத்தான் இருக்கும் என்றும் அவர்கள் வியந்தார்கள். மேலும் நிகழ்ச்சியின் இறுதியில் அனைவருக்கும் சான்றிதல்கள் வழங்கப்பட்டது. முதலில் 156 பேர் தான் மமக சார்பில் வெற்றி பெற்றதாக அறிவிக்கபட்டிருந்தது. நிகழ்ச்சி நடைபெற்ற அன்றைய தினம் இன்னொரு ஏழு பேர் எங்கள் பெயரை மக்கள் உரிமையில் ஏன் போடவில்லை என முறையிட்டு சான்றிதல்களை கேட்க தலைமை நிர்வாகிகள் கோபத்தின் உச்சிக்கே சென்றார்கள். இதுகுறித்து சில மாவட்டம் நிர்வாகிகளை பகிரங்கமாக கண்டித்து பேசிய பேராசிரியர் ஜவாஹிருல்லாஹ் அவர்கள், தலைமைக்கு ஒழுங்கான தகவலை அனுப்பாததால் ஒருங்கிணைந்த முழு பட்டியலை ஒரு சேர வெளியிட முடியாமல் போனதை அப்போது சுட்டிக்காட்டினார். இதில் 35 பெண்கள், 2 கிறிஸ்தவர்கள், 9 இந்துக்கள் உட்பட மாமாகவின் 172 வெற்றியாளர்களுக்கும் சான்றிதல் வழங்கப்பட்டது. மதியம் விருந்துடன் நிகழ்ச்சிகள் நிறைவடைந்தது.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், EK .முனவ்வர் கான், ASNS .அப்துல் பாரி, அபு மர்வா

Read More

முத்துப்பேட்டையில் ஸ்டவ் அடுப்பு வெடித்து ஒருவர் படுகாயம்!

முத்துப்பேட்டை, நவம்பர் 03 : திருவாரூர் மாவட்டம் முத்துப்பேட்டையை அடுத்துள்ள பேட்டையில் ஜனாப்.ஜபருல்லா, வயது 33, என்வர் டீ கடை நடத்தி வருகிறார். இவர் காலை 5 .30 மணியளவில் தனது டீ கடையையை திறக்க சென்றார். அப்போது கடையில் உள்ள ஸ்டவ் அடுப்பை பற்ற வைத்தார். அது எதிர்பாராமல் திடீர் என்று வெடித்ததில் படுகாயம் அடைந்த அவரை அங்குள்ள பொது மக்கள் முத்துப்பேட்டையில் உள்ள தனியார் (மருதுதுரை) மருத்துவமையில் அனுமதிக்கப் பட்டு தீவிரமாக சிகிச்சை பெற்று வருகிறார். இவரின் சிகிச்சைக்கு மருத்துவர்கள் சுமார் 5 ஆயிரம் செலவாகும் என தெரிவித்துள்ளார்கள். எனவே இவரால் இந்த கட்டணத்தை கட்ட முடியாமல் தவித்து வருகிறார். எனவே நல்லுள்ளம் கொண்ட நமதூர் வெளிநாட்டு வாழ் சகோதர, சகோதரிகளே உங்களால் இயன்ற உதவியை செய்யுது அல்லாஹ்வின் அருளை பெற இதோ ஓர் அறிய வாய்ப்பு. இது குறித்து தாங்கள் தொடர்பு கொள்ள வேண்டிய தொலைபேசி எண்:
மஹாராஜா தமீம்: 99656 40543 .
source from www.muthupettaiexpress.blogspot.com
தொகுப்பு

ரிப்போர்ட்டர் இல்யாஸ்,EK .முனவ்வர் கான்,ASNS .அப்துல் பாரி, அபு மர்வா

Read More

முத்துப்பேட்டையில் குர்பானி கொடுப்பதற்காக குவிக்கப்பட்ட ஆடுகளும்,மாடுகளும்!

முத்துப்பேட்டை,நவம்பர் 02 : உலக முஸ்லிம்கள் அனைவருக்கும் இன்னும் சில நாட்களுக்குள் வர இருக்கின்ற தியாகத் திருநாளாம் (ஹஜ்ஜு பெருநாளை) முன்னிட்டு இஸ்லாமியர்கள் நபி இபுராஹீம் (அலை) அவர்களின் தியாகத்தை நினைவு கூறும் விதத்தில் இறைவன் ஆடு, மாடு அல்லது ஒட்டகம் ஆகியவற்றை அல்லாஹ்வின் பெயரைக்கொண்டு அறுத்து பலி இடுங்கள் என்று அனைத்து இஸ்லாமியர்களுக்கு இறைவன் தன் திருமறையான குர்ஆனில் கட்டளை இட்டுள்ளான். இது குறித்து "அல்லாஹ்வின் தூதர் முஹம்மது நபி (ஸல்) அவர்கள் கூறினார்கள்: ஓராண்டு பூர்த்தியான ஆட்டையே அறுத்துக் குர்பானி கொண்டுங்கள். அது கிடைக்காவிட்டால், செம்மறியாட்டில் (ஆறு மாதத்திற்கு மேல்) ஒரு வயதுக்குட்பட்டதை அறுத்துக் குர்பானி கொடுங்கள்" நூல் முஸ்லிம்: 3971 . மேலும், "(ஹஜ் பெருநாளன்று) தொழுவதற்கு முன்பே (குர்பானிப் பிராணியை) அருத்துவிட்டவர், அதனிடத்தில் (அதற்குப் பதிலாக) வேறொன்றை (தௌளுகைக்குப் பின்) அறுக்கட்டும் என்று நபி (ஸல்) அவர்கள் கூறினார்கள். நூல் முஸ்லிம்: 3961 இந்த நபி மொழிகளை பின்பற்றும் விதத்தில் அனைத்து உலக இஸ்லாமியர்கள் வருடம், வருடம் ஹஜ் பெருநாள் அன்று ஆடு, மாடு, ஒட்டகம் ஆகியவற்றை இறைவன் பெயரைக் கொண்டு அறுத்து அந்த கறிகளை ஏழை, எளிய மக்களுக்கும், சொந்த பந்தங்களுக்கும் கொடுப்பார்கள். ஆகா இவற்றை முத்துப்பேட்டை மக்கள் நிறைவேற்றும் விதமாக இந்த ஆண்டு அதிகமான ஆடுகள் மற்றும் மாடுகள் ஆகியவற்றை முத்துப்பேட்டைக்கு வியாபாரிகள் இறக்குமதி செய்துள்ளார்கள். ஒரு ஆட்டின் விலை சுமார் 6 ஆயிரம் முதல் 8 ஆயிரம் வரை விற்பனையாகி வருகிறது.

இதனைத் தொடர்ந்து முத்துப்பேட்டை இஸ்லாமிய நல சங்கத்தின் சார்பில் 8 மாடுகள் கூட்டு குர்பானி கொடுப்பதற்கு வாங்கப்பட்டுள்ளது. இதற்கான ஒரு பங்கின் விலை ரூ: 1 ,200 ஆகும். மேலும் இந்த கூட்டு குர்பானி திட்டத்தில் சேர விருப்பமுள்ளவர்கள் உடனே கீழே கொடுக்கப்பட்டுள்ள தொலைபேசி எண்கள் மூலம் தாங்கள் விரும்பும் பங்கினை கேட்டு பெறலாம். இந்த கூட்டு குர்பானியை நிறைவேற்றும் விதமாக வருகிற ஹஜ் பெருநாள் 07 .11 .2011 ஆம் தேதி அன்று சரியாக 10 மணியளவில் நமதூர் மஜிதியா தெருவில் உள்ள ஒரு காலனியில் கொடுக்கப்படும் என்றும் எனவே முத்துப்பேட்டையில் உள்ள அனைத்து ஏழை, எளிய மக்களும் கலந்து கொண்டு குர்பானி கறியை பெற்றுச் செல்லுமாறும் முத்துப்பேட்டை இஸ்லாமிய நலசங்கத்தின் சார்பாக கேட்டுக்கொள்ளப்படுகிறார்கள்.
source from www.muthupettaiexpress.blogspot.com, www.muthupettaiexpress.com
மேலும் தொடர்புக்கு:

செல்லவாப்பா: 87600 07814 , முஹம்மது ரஃபீக்: 89734 36487
source from www.muthupettaiexpress.blogspot.com, www.muthupettaiexpress.com.

நமது நிருபர்

MRS .அஹமத் ராவுத்தர் (கேம்ப் துபாய்)

Read More

வெளிநாட்டிற்கான PCC-Police Clearance Certificate பெறுவது எப்படி?

சென்னை, நவம்பர் 01 : PCC (Police Clearance Certificate) ஏற்கெனவே பாஸ்போர்ட் வைத்திருப்பவர்களுக்கு வழங்கப்படுவது.
குறிப்பாக ஒரு நாட்டில் இருந்து திரும்பியவர் வேறு ஒரு நாட்டிற்கு செல்ல விரும்புகையில் PCC ன் அவசியம் ஏற்படுகிறது.புதிய பாஸ்போர்ட்டிற்கு விண்ணப்பிப்பவர்கள் PCC எடுக்க வேண்டிய தேவையில்லை.முன்னூறு ரூபாய் மட்டுமே செலுத்தி ஒருவர் பெறக்கூடிய பாஸ்போட்டிற்கான PCC-Police Clearance Certificate ஐ பலர் ஆயிரத்திற்கும் அதிகம் செலுத்தி தரகர்கள் மூலம் பெறுவதும் சில நேரம் (குறிப்பாக சரியான தகவல் அறியாதவர்கள்) ஏமாந்து போவதும் வாடிக்கையாகி வருகிறது.

Police Clearance Certificate க்குரிய படிவத்தை(form) ஐ பின்வரும் சுட்டியில் இருந்து தரவிறக்கம் செய்துகொள்ளலாம். http://passport.gov.in/cpv/miscell.pdf
3.5 x 3.5 செ.மீ அளவு புகைப்படம் ஒட்டி, நிரப்பப்பட்ட அந்த படிவத்துடன் அசல் பாஸ்போர்ட்டும் அதன் நகலும், இருப்பிட சான்றும்,(உதாரணத்திற்கு Ration Card நகல்), சமர்ப்பிக்க வேண்டும்.

காவல் நிலையங்களிலிருந்து எந்த விதமான சான்றிதழ்களும் வாங்கத் தேவையில்லை(உங்களுக்கு எதிராக எந்த வழக்கும் இல்லையென்றால் மட்டும்)
விண்ணப்பிக்கும் நபர் கடந்த ஒரு வருடமாக தற்போது இருக்கும் முகவரியில் இல்லையெனில் அதற்கு என்று தனியாக படிவம் ஒன்று சமர்ப்பிக்க வேண்டும். அந்த படிவத்தை பின்வரும் சுட்டியில் இருந்து தரவிறக்கம் செய்து கொள்ளலாம்.
http://passport.gov.in/pms/PPForm.pdf

காலை 9.30 முதல் 12 மணி வரை மட்டுமே விண்ணப்பங்கள் ஏற்றுக்கொள்ளப்படும். காலை 8.45 க்கு எல்லாம் பாஸ்போர்ட் அலுவலகத்தில் இருக்குமாறு சென்றால் எளிமையாக இருக்கும்.
கட்டணமாக 300 ரூபாய் மட்டும் பாஸ்போர்ட் அலுவலகத்தில் கட்டினால் போதும். கட்டண விவரம் கீழே உள்ள சுட்டியில் இருக்கிறது.
http://passport.gov.in/cpv/FeeStructure.htm

காலையில் விண்ணப்பித்தால் மாலை 5 மணிக்கு எல்லாம் PCC கிடைத்து விடும்.
PCC குறித்த முழு விவரங்கள் கீழே இணைக்கப்பட்டுள்ள இணையதளத்தில் உள்ளது https://passport.gov.in/pms/PoliceClearanceCertificate.htm

விண்ணப்பிப்பதற்கு விண்ணப்பதாரர் தான் நேரில் செல்ல வேண்டுமென்பதுமில்லை,விண்ணப்பிப்பவர் பாஸ்போர்ட் அலுவலகத்திற்கு வர இயலாத காரணத்தை குறிப்பிட்டு அவர் கையெழுத்துடன் கூடிய ஒரு கடிதத்தை யாரேனும் கொண்டுசென்றாலும் போதுமானது.

மதுரை பாஸ்போர்ட் அலுவலக முகவரி.
Passport Office, Bharathi Ula Veethi, Race Course Road, Madurai-625 002.
website: http://passport.gov.in/madurai.html
மதுரை, தேனி, சிவகங்கை, விருதுநகர், ராமநாதபுரம், தூத்துக்குடி, திருநெல்வேலி, கன்னியாகுமரி மற்றும் திண்டுக்கல் மாவட்டங்களைச் சேர்ந்தவர்கள் மதுரை பாஸ்போர்ட் அலுவலகத்தில் விண்ணப்பிக்க முடியும்.
திருச்சி பாஸ்போர்ட் அலுவலக முகவரி

Passport Office, Water Tank Building, W.B. Road , Tiruchirappalli. Pin Code 620 008, Fax: 0431-2707515 E-mail: rpo.trichy@mea.gov.in. Website:http://passport.gov.in/trichy.html
திருச்சி, கரூர், நாகப்பட்டினம், பெரம்பலூர், புதுக்கோட்டை, தஞ்சாவூர், அரியலூர் மற்றும் திருவாரூர் மாவட்டங்களைச் சேர்ந்தவர்கள் திருச்சி பாஸ்போர்ட் அலுவலகத்தில் விண்ணப்பிக்கலாம்.

கோயம்புத்தூர் பாஸ்போர்ட் அலுவலக முகவரி
Passport Office, First Floor, Corporation Commercial Complex, Opp. Thandumariamman Koil, Avinashi Road, Coimbatore - 641018

Phone: 0422-2304888,2309009, Fax: 0422-2306660, E-mail: rpo.cbe@mea.gov.in, Tele-enquiry: 0422-2309009, 2304888, Web-site: http://passport.gov.in/coimbatore.html
கோயம்புத்தூர், ஈரோடு, நாமக்கல், சேலம், திருப்பூர், நீலகிரி மாவட்டங்களைச் சேர்ந்தவர்கள் கோயம்புத்தூர் பாஸ்போர்ட் அலுவலகத்தில் விண்ணப்பிக்கலாம்.
சென்னை பாஸ்போர்ட் அலுவலக முகவரி

Regional Passport Office,IInd Floor, Shastri Bhavan, 26, Haddows Road, Chennai - 600 006
Phones : 91-44-28203591, 28203593, 28203594, 28240696
Fax : 91-44-28252767

E-mail : rpo.chennai@mea.gov.in Website: http://passport.tn.nic.in/about_us.htm
சென்னை, கடலூர், தர்மபுரி, காஞ்சிபுரம், காரைக்கால், கிருஷ்ணகிரி, பாண்டிச்சேரி, திருவள்ளூர், திருவண்ணாமலை, விழுப்புரம் மற்றும் வேலுர் மாவட்டங்களைச் சேர்ந்தவர்கள் சென்னை பாஸ்போர்ட் அலுவலகத்தில் விண்ணப்பிக்கலாம்.
source from www.muthupettaiexpress.blogspot.com
நமது நிருபர்

அபு மர்வா

Read More

ஆதார் அடையாள அட்டைக்கான பதிவு இன்று முதல் துவக்கம்!

சென்னை, நவம்பர் 01 : ஆதார் அடையாள அட்டை' பெற, தபால் நிலையம் மூலம் பதிவு செய்யும் பணி, இன்று முதல் துவக்கப்படுகிறது.இந்திய பிரத்யேக அடையாள அட்டை ஆணையத்துடன் மேற்கொண்ட புரிந்துணர்வு ஒப்பந்தத்தின் கீழ், இந்திய தபால் துறை அடையாள அட்டை வழங்குவதற்கான பதிவு செய்யும் பணியை மேற்கொண்டுள்ளது.இந்த அடையாள அட்டை மூலம் பல்வேறு பணிகள்,பயன்களைப் பெற முடியும். வங்கி கணக்கு துவக்கவும், மருத்துவத்துக்கும், மொபைல் போன் இணைப்பு பெறவும்,இந்த ஆதார் அடையாள அட்டை பயனுள்ளதாக இருக்கும்.அடையாள அட்டை பெற, தபால் நிலையம் மூலம் பதிவு செய்யும் பணியை, தமிழக உள்துறை முதன்மைச் செயலர் திரு.ரமேஷ்ராம் மிஸ்ரா, நவம்பர் 1ம் தேதி இன்று சென்னையில் துவக்கி வைக்கிறார். தமிழக தபால் வட்டம் துவக்கும் இப்பதிவுப் பணி, சென்னையில் மயிலாப்பூர், தி.நகர் மற்றும் பூங்கா நகர் ஆகிய பகுதிகளில் உள்ள தலைமை தபால் நிலையங்களுக்கும், நவம்பர் 1ம் தேதி முதல் விரிவுப்படுத்தப்படும். மேலும், நவம்பர் 21ம் முதல் தமிழகத்தில் உள்ள 31 மாவட்ட தலைமை தபால் நிலையங்களுக்கும்,அடுத்த 30 நாட்களில் 154 முக்கிய தபால் நிலையங்களிலும் விரிவுப்படுத்தப்படவுள்ளது.
இந்த ஆதார் அடையாள அட்டையை இலவசமாக,பொதுமக்கள் பதிவு செய்து பெற்றுக் கொள்ளலாம்.source from www.muthupettaiexpress.blogspot.com
இதுகுறித்து, மேலும் விவரங்களை அறிய, 044-28582798, 0431-241245,0452-2526398,0422-2558204 ஆகிய தொலைபேசி எண்களில் தொடர்பு கொள்ளலாம் என, தமிழக வட்ட தலைமை தபால் துறை தலைவர் அலுவலகம் தெரிவித்துள்ளது.
source from www.muthupettaiexpress.blogspot.com

நமது நிருபர்
அபு மர்வா

Read More

முத்துப்பேட்டை பகுதியில் மது பாட்டில்களை கடத்திய மூவர் கைது!

முத்துப்பேட்டை,அக்டோபர் 31 : திருவாரூர் மாவட்டம் போலிஸ் சூப்பிரண்டு திரு.சேவியர் தன்ராஜ் அவர்களின் உத்திரவின் பேரிலும், மாவட்ட மதுவிலக்கு கூடுதல் கண்காணிப்பாளர் திரு.ராஜேந்திரன் அவர்களின் மேற்பார்வையிலும், முத்துப்பேட்டை போலிஸ் துணை சூப்பிரண்டு திரு.கோபி அவர்கள் தலைமையில் எடையூர் போலீஸ் இன்ஸ்பெக்டர் திரு.ஆறுமுகம் மற்றும் போலீசார் திரு.பாண்டி ஆகியோர் சத்திரம் என்ற இடத்தில் சம்பவத்தன்று இரவு வாகன சோதனையில் ஈடுபட்டிருந்தனர். அப்போது திருத்துறைப்பூண்டி பகுதியிலிருந்து முத்துப்பேட்டையை நோக்கி கார் ஒன்று வந்தது. சந்தேகத்தின் பேரில் காரை நிறுத்தி போலீசார் சோதனை செய்தார்கள், அதில் விலை உயர்ந்த சாராயம் 7 கேன்களில் இருந்தது அப்போது தெரியவந்தது. அவற்றை போலீசார் கைப்பற்றினார்கள். அடுத்த ஒரு மணி நேரத்தில் அம்பாசிடர் கார் ஒன்று வந்தது அதனை நிறுத்தி சோதனை செய்தார்கள் அதில் 648 பிராந்தி பாட்டில்கள் அட்டை பெட்டியுடன் இருந்தது தெரியவந்தது. கைப்பற்ற பட்டத்தின் மொத்த மதிப்பு சுமார் 8 லட்சம் இருக்கும் என போலீசார் தெரிவித்தனர். இதே இடத்தில் 15 நாட்களுக்கு முன்பு சோதனை செய்தபோது 6 கார்களும் 2 இரு சக்கர வாகனங்கள் மூலம் பிடிப்பட்ட மதுவின் மதிப்புகள் ௪௦ லட்சம் என்றும் ஆகா மொத்தம் இந்த பகுதியில் இதுவரை பிடிப்பட்ட மது பாட்டில்கள் சுமார் 50 லட்சம் மத்திபுகள் இருக்கும் என்று DSP திரு.கோபி தெரிவித்தார். இரண்டு வண்டிகளில் சாராயத்தை ஏற்றி வந்த காரைக்காலை சேர்ந்த ராமகிருஷ்ணன், கீழநம்மங்குரிட்சியை சேர்ந்த தண்டாயுதபாணி மற்றும் சக்திவேல் கைது செய்யப்பட்டுள்ளார்கள் .
source from www.muthupettaiexpress.blogsot.com, www.muthupettaiexpress.com
தொகுப்பு

ரிப்போர்ட்டர் இல்யாஸ்,ASNS .அப்துல் பாரி,EK .முனவ்வர் கான்,அபு மர்வா.

Read More

முத்துப்பேட்டை ஒன்றியத்தையும் கைபற்றியது அ.தி.மு.க...

முத்துப்பேட்டை,அக்டோபர் 30: திருவாரூர் மாவட்டம் முத்துப்பேட்டையில் நடந்து முடிந்த ஒன்றிய தேர்தலில் அ.தி.மு.க. கட்சி வெற்றிபெற்றுள்ளது. இந்த போட்டியில் அனைத்து கட்சி வேட்பாளர்களும் போட்டயிட்டனர் அப்போது அதிக படியான வாக்குகள் பெற்று அ.தி.மு.க. வின் ஒன்றிய செயலாளரும், வேட்பாலருமாகிய திரு.RKP .நடராஜன் அவர்கள் வெற்றி பெற்றுள்ளார் . மேலும் துணைத் தலைவர் பதவிக்கு கம்யூனிஸ்ட் கட்சியின் மாவட்ட குழு உறுப்பினரும்,வேட்பாலருமாகிய திரு.தெட்சனமூர்த்தி அவர்கள் வெற்றிபெற்றுள்ளார். இதனைத் தொடர்ந்து நேற்று கலை 10 மணியளவில் அவர்களுக்கு பதவி ஏற்பு விழாவும் நடைபெற்றது. மேலும் அவர்களின் வெற்றியை கொண்டாடும் விதத்தில் கட்சியின் தொண்டர்கள் பட்டாசுகளை வெடித்து தன்னுடைய சந்தோசத்தை பரிமாறி கொண்டனர்.
source from www.muthupettaiexpress.blogspot.com
தொகுப்பு

ரிப்போர்ட்டர் இல்யாஸ்,ASNS .அப்துல் பாரி,EK .முனவ்வர் கான்.அபு மர்வா.

Read More

BJP கட்சி .அ.தி.மு.க.வுடன் கூட்டணியா? மதுரையில் அத்வானி பேட்டி!

மதுரை,அக்டோபர் 30 : ஊழலுக்கு எதிரான மக்கள் விழிப்புணர்வு யாத்திரையை BJP யின் மூத்த தலைவர் திரு.அத்வானி அவர்கள் மேற்கொண்டுள்ளார். இது குறித்து அவர் செய்தியாளருக்கு பேட்டியளிக்கையில் தேர்தலுக்காகவோ அல்லது தனிப்பட்ட அத்வானிக்காகவோ இந்த யாத்திரையை தான் தொடங்கவில்லை என்றும்,தேசிய அளவில் மக்கள் நலன் மற்றும் ஊழலை ஒழிப்பதற்காக இந்த யாத்திரை நடைபெறுகிறது என்று அவர் தெரிவித்தார். மேலும் இந்த நாட்டை ஆழ வேண்டும் என்று விரும்பும் எந்த ஒரு அரசியல் கட்சியாக இருந்தாலும், உண்மை நிலவரத்தை கணக்கில் எடுத்துக்கொள்ள வேண்டும் என்று அவர் தெரிவித்தார். மத்தியில் இனிமேல் கூட்டணி இல்லாமல் அரசு அமைப்பது நடக்காது. கண்டிப்பாக கூட்டணி கட்சி ஆட்சிதான் இனிவரும் காலங்களில் ஏற்படும் என்றும், தேர்தல் நேரத்தில் தான் கூட்டணி அமைப்பது குறித்து அலோசனை செய்யப்படும் என்றும், அதே போன்று தமிழகத்திலும் உரிய நேரம் வரும் போது கூட்டணி அமைப்பது குறித்து குடிவு எடுக்கப்படும் என்றும் அப்போது அவர் தெரிவித்தர்.
www.muthupettaiexpress.com
நமது நிருபர்

பாலா (ஆலங்காடு)

Read More

முத்துப்பேட்டை:பேரூராட்சி துணைத்தலைவர் பதவிக்கு ஜனாப்.அப்துல் வஹாப் வெற்றி!

முத்துப்பேட்டை,அக்டோபர் 29 : திருவாரூர் மாவட்டம் முத்துப்பேட்டையில் நடந்து முடிந்த பேரூராட்சி மன்ற துணைத் தலைவர் பதவிக்கு போட்டியிட்ட ஜனாப்.அப்துல் வஹாப் அவர்கள் 13 வாக்குகள் பெற்று வெற்றிபெற்றுள்ளார். இவரை எதிர்த்து போட்டியிட்ட ஜனாப்.நாசர் அவர்கள் 5 வாக்குகள் பெற்று தோல்வியுற்றார். இதில் அனைத்து வார்டு வேட்பாளர்களும் கலந்து கொண்டு தங்களுடைய வாக்குகளை செலுத்தினார்கள்.

தொகுப்பு

ரிபோர்ட்டர் இல்யாஸ்,ASNS .அப்துல் பாரி,EK .முனவ்வர் கான்.அபு மர்வா

Read More