முத்துப்பேட்டை: கட்டிட இடிபாட்டில் இறந்தவரின் மணைவி நிதி கேட்டு முதல்வருக்கு கடிதம்

முத்துப்பேட்டை, டிசம்பர் 13 : திருவாரூர் மாவட்டம் முத்துப்பேட்டையில் கடந்த 28 .10 .2011 அன்று பெய்த கடுமையான மழையால் மக்களின் இயல்பு வாழ்க்கை பெறிதளவு பாதிக்கப்பட்டன. அந்த நேரத்தில் புயல் எச்சரிக்கை, வெள்ள அபாயமும் அரசு சார்பில் அறிவுறுத்தப்பட்டன. அன்றைய தினம் முத்துப்பேட்டை பேட்டை ரோட்டில் உள்ள ஹாஜா மைதீன் என்பவர் வீட்டில் பேட்டையை சேர்ந்த கட்டிட தொழிலாளி நாடிமுத்து வேலை பார்த்துக்கொண்டிருந்தார். அப்போது அருகில் இருந்த வீட்டு சுவர் மழைநீரை உள்வாங்கியதால் அந்த சுவர் எதிர்பாராமல் இடிந்து விழுந்ததில் இதில் நாடிமுத்து பரிதாபமாக இறந்தார்.இது குறித்து வருவாய் மற்றும் காவல்துறை விசாரணையில் நாடிமுத்து மழைக்கு பலியானார் என்று அறிக்கை அளித்தனர். அப்போது மழைக்கு பலியானவர்களுக்கு நிவாரண நிதி கொடுப்பதற்கு தமிழக முதல்வர் உத்தரவு பிறப்பித்தார். அந்த நிவாரண நிதி அவரது குடும்பத்திற்கு கிடைக்கவில்லை, அதனால் அவருடைய மணைவி புவனேஸ்வரி தமிழக முதல்வருக்கு இந்த நிவாரண நிதி கிடைப்பதற்கு உருக்கமான கடித்தத்தை எழுதி உள்ளார். இக்கடிதத்தில் கூறி இருப்பதாவது : எனக்கு 4 வயதில் ஓர் ஆண் குழந்தையும், 6 மாதத்தில் ஓர் பெண் குழந்தையோடும் மிகவும் கஷ்டத்தில் இருந்து வருகிறேன். என் கணவனின் வருமானத்தில் தான் என் குடும்பத்தை நடத்தி வந்தேன். அவர் இறந்ததில் நானும் எனது பிள்ளைகளும் எந்த வருமானமும் இன்றி வாழ்ந்து வருகிறோம். இவ்வாறு இக்கடிதத்தில் குறிப்பிட்டுள்ளார்.
source from. www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ்,ரிப்போர்ட்டர் முஹைதீன் பிச்சை,ASNS.அப்துல் பாரி, EK .முனவ்வர் கான், U . பத்ரு ஜமான் ஆலிம்,

Read More

மவுத்து அறிவிப்பு: " ஹைருநிஷா"

முத்துப்பேட்டை, டிசம்பர் 12 : பக்கீர் வாடித்தெரு அல்லாபிச்சை அவர்களின் மகளும், அறந்தாங்கி முஹம்மது ஹனீபா அவர்களின் மனைவியும், பக்கீர் வாடித் தெரு மர்ஹும் மஸ்தான் அவர்களின் சகோதரியும், ஜெகபர் அலி, அய்யுப்கான், தாஜுதீன், நசீர் அலி, சாதிக் பாட்சா ஆகியோரின் தாயாரும், ஆசாத் நகர் முஹைதீன் பாட்சா, முஹம்மது முஹைதீன் இவர்களின் மாமியாருமாகிய "ஹைருநிஷா" அவர்கள் இன்று காலை 11 .30 மணியளவில் மவுத்தாகி விட்டார்கள் (இன்னா லில்லாஹி வ இன்னா இலைஹி ராஜிவூன்) அன்னாரின் ஜனாசா இன்று இரவு 8 மணியளவில் முஹைதீன் பள்ளி வாசல் மையவாடியில் நல்லடக்கம் செய்யப்படும் என்பதை அறிவிக்கின்றார்கள்.
source from www.muthupettaiexpress.blogspot.com
அறிவிப்பவர்

ஆசாத் நகர் முஹைதீன் பாட்சா, முஹம்மது முஹைதீன்

நமது நிருபர்

KM. கார்கணி.

Read More

முத்துப்பேட்டை SDPI கொள்கை விளக்க பொது கூட்டமும், தமிழ் மாநில தலைவர் வருகையும்...

முத்துப்பேட்டை, டிசம்பர் 12 : முத்துப்பேட்டையில் சோஷியல் டெமாக்ரடிக் கட்சி (SDPI) சார்பில் கொள்கை விளக்க மற்றும் நன்றி அறிவிப்பு பொது கூட்டமும் நேற்று மாலை 7 மணியளவில் முஹைதீன் பள்ளிவாசல் திடலில் இக்கட்சியின் மாவட்ட தலைவர் ஜனாப். M . தப்ரே ஆலம் பாதுஷா அவர்களின் தலைமையில் நடைபெற்றது. இதில் கலந்து கொண்டு சிறப்புரையாற்றிய SDPI - யின் மாநில செயலாளர் ஜனாப். A .அபூபக்கர் சித்திக் அவர்கள், முத்துப்பேட்டையில் உள்ள அரசினர் ஆண்கள் மேல்நிலைப்பள்ளியில் முஸ்லிம் மாணவர்கள் பள்ளிக்கு புறக்கநிக்கப்படுகிரார்கள் என்றும், ஏனெனில் மாணவர்களுக்காக உள்ள ஆசிரியர் கழகத்தில் RSS , ஃபாசிஸ்டுகளின் கூடாரமாக இருந்து வருகிறது என்றும் அவர் தெரிவித்தார். மேலும் முஸ்லிம் மாணவர்களை பள்ளிக்கு அனுமதி மறுத்தால் கதவுகள் உடைக்கப்படும் என்றும் மேலும் அவர் தெரிவித்தார். இஸ்லாமியர்களிடம் அரசியல் அதிகாரம் இல்லாததன் காரணத்தால் எல்லா துறைகளிலும் புறக்கணிக்கப்பட்டு வருகிறார்கள் என்றும், இன்ஷா அல்லாஹ் SDPI ஆட்சிக்கு வந்தால்தான் இஸ்லாமியர்கலுக்கு நீதி கிடைக்கும் என்றும் அவர் தெரிவித்தார். மேலும் பாபரி மஸ்ஜித் இடிப்புக்கு எந்த ஓர் அரசியல் கட்சியும் நாடாளுமன்றத்தில் குளிர்கால கூட்டுத்தொடரில் குரால் கொடுக்காமல் மவுனமாக இருந்தது மிகவும் வேதனைப்பட வேண்டிய விசயமாக இருக்கிறது என்றும் அவர் தெரிவித்தார். இதனைத்தொடர்ந்து பேசிய SDPI - யின் மாநில செயற்குழு உறுப்பினர். J . ஜாகிர் ஹுசைன் அவர்கள், இந்திய நாட்டை கொள்ளை காரவர்களிடமிருந்து மீட்டெடுக்கும் போராட்டத்தை நாம் நடத்த வேண்டும் என்றும், மேலும் இந்தியாவில் 40 கோடிக்கு மேலான மக்கள் தினமும் வெறும் 20 ரூபாய் தான் சம்பாதிக்கிறார்கள் என்றும், அவர் தெரிவித்தார். ராஜேந்திர சச்சார் கமிட்டி முஸ்லிம்களின் நிலையை எடுத்துக்கூரியதை புறக்கணித்த காங்கிரஸ் அரசாங்கம் நாடகமாடி வருகிறது என்றும் அவர் தெரிவித்தார். மேலும் அரசியலை நமதாக்குவோம், தேசத்தை பொதுவாக்குவோம் என்றும் அவர் தெரிவித்தார். இதனைத்தொடர்ந்து பேசிய SDPI - யின் தமிழ் மாநில தலைவர். KKSM . தெஹ்லான் பாக்கவி அவர்கள், சில சமுதாய மக்களுக்கு ஏற்படும் பிரச்சனைகளை தடுக்கவும் மற்றும் அவர்களை இவைகளிலிருந்து மீட்டெடுக்கவும் தான் இந்த SDPI கட்சி உருவாக்கப்பட்டுள்ளது என்றும் அவர் தெரிவித்தார். மேலும் இந்திய நாட்டு அனைத்து மக்களையும் ஒருங்கிணைக்க SDPI கட்சியால் மட்டும்தான் இயலும் என்றும் அவர் தெரிவித்தார்.பரமக்குடியில் தலித் மக்கள் படுகொலைக்கு ஆளாக்கப்பட்டு வருகிறார்கள் என்றும், ஆனால் இவற்றை தடுக்காமல் மன்மோகன்சிங் அரசானது மக்கள் விரோத அரசை நடத்தி வருகிறது என்றும் அவர் தெரிவித்தார். SDPI கட்சி ஆரம்பித்து இரண்டு வருடங்களில் 2 தேர்தல்களை சந்தித்துள்ளது என்றும், அவற்றில் 300 இடத்தில் போட்டியிட்டு 60 இடங்களை கைப்பற்றி உள்ளோம் என்றும் இந்த வெற்றியானது காசு கொடுத்துபெற வில்லை என்றும், நாங்கள் கொள்ளையடிக்கும் கூட்டம் இல்லை என்று மக்கள் விளங்கியதன் காரணத்தால் தான் இந்த நிலையை நாகல் அடைந்தோம் என்றும் அவர் தெரிவித்தார். இதில் மாவட்ட செயலாளர் பாவா பகுருதீன், நகர செயலாளர் முஹம்மது முஹைதீன், நகர தலைவர் ரஹ்மத்துல்ல ஆகியோர் கலந்து கொண்டனர்.
source from www.muthupettaiexpress.blogspot.com,
தொகுப்பு

ரிப்போர்ட்டர் இல்யாஸ்,ASNS .அப்துல் பாரி, EK .முனவ்வர் கான், M . சுபைத் கான், மர்சூக் அஹமது, K . ஷாகுல் ஹமீது.

Read More

மவுத்து அறிவிப்பு: "SLM . முஹம்மது சேக்கா மரைக்காயர்"

முத்துப்பேட்டை, டிசம்பர் 12 : பட்டுக்கோட்டை ரோடு மர்ஹும் SLM . சாஹிப் மரைக்காயர் அவர்களின் மகனும், மர்ஹும் துவான் முஹம்மது முஹைதீன் அவர்களின் மூத்த மருமகனும், மர்ஹும் SLM . லெப்பைத் தம்பி மரைக்காயர் அவர்களின் சகோதரரும், மர்ஹும் ஹாலிது மரைக்காயர் அவர்களின் மைத்துனரும், SLM . கமால் பாட்சா, SLM . சாஹிப் மரைக்காயர் அவர்களின் சிரிய தகப்பனாரும், ஹாஜி செய்து ஹமீது அவர்களின் சமந்தியும், SH .அப்துல் ஜப்பார், KM .காதர் சுல்தான், MA . லியாக்கத்தலி MS . அமானுல்லா ஆகியோரின் மாமனாருமாகிய, SLMS . சாஹிப் மரைக்காயர் இவர்களின் தகப்பனாருமாகிய "SLM . முஹம்மது சேக்கா மரைக்காயர்" அவர்கள் இன்று அதிகாலை 1 . 03 மணியளவில் மவுத்தாகி விட்டார்கள். (இன்னா லில்லாஹி வ இன்னா இலைஹி ராஜிவூன்) அடக்க நேரம் பின்னர் அறிவிக்காபடும்.
source from www.muthupettaiexpress.blogspot.com
அறிவிப்பவர்

SH .அப்துல் ஜப்பார், SLM . கமால் பாட்சா,

SLMS . சாஹிப் மரைக்காயர் :
தொலைபேசி எண் : 95781 68847


நமது நிருபர்

KM. கார்கணி.

Read More

முத்துப்பேட்டையில் கொட்டும் மழை பாராமல் கொடி ஏற்றிய SDPI - கட்சியினர்

முத்துப்பேட்டை, டிசம்பர் 11 : சோஷியல் டெமாக்ரட்டிக் பார்ட்டி ஆஃப் இந்தியாவின் சார்பாக தமிழக தலைவர் KKSM . தெஹ்லான் பாக்கவி அவர்கள் இன்று முத்துப்பேட்டையில் உள்ள 5 இடங்களில் SDPI யின் கொடியை ஏற்றி வைத்து திரளாக கூடி இருந்த SDPI செயல் வீரர்கள் மற்றும் பொது மக்கள் மத்தியில் ஆங்காங்கே சிறிய அலவில் சிறப்புரையாற்றினார்கள். கொட்டும் மழை பாராமல் SDPI கட்சியின் செயல் வீரர்கள் எழிச்சி யோடு கொடி ஏற்று நிகழ்ச்சியில் திரளாக கலந்து கொண்டு சிறப்பித்தனர். இதில் மாநில செயலாளர் A .அபூபக்கர் சித்திக், மாநில செயற்குழு உறுப்பினர் J . ஜாகிர் உசேன், திருவாரூர் மாவட்டம் தலைவர் M . தப்ரே ஆலம் பாதுஷா, மாவட்ட செயலாளர் பாவா பகுருதீன், மாவட்ட பொருளாளர் நெய்னா முஹம்மது, நகர் தலைவர் ரஹ்மத்துல்லா, நகர செயலாளர் முஹமது மைதீன், நகர செயற்குழு உறுப்பினர் முஹம்மது நிசார், நகர துணைத்தலைவர் முஹம்மது பாசித், அதிராம்பட்டினம் நகர துணைத்தலைவர் ஹாஜா நஜுபுதீன் மற்றும் செயல் வீரர்கள் கலந்து கொண்டனர்.இதனைத் தொடர்ந்து கொள்கை விளக்கம் மற்றும் நன்றி அறிவிப்பு பொதுக்கூட்டம் இன்று மாலை 7 மணியளவில் முஹைதீன் பள்ளி வாசல் திடலில் நடைபெற உள்ளது.
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா.

Read More

மக்கா மஸ்ஜித்: முன்மாதிரியான ஆந்திர மாநில அரசு

ஆந்திரா, டிசம்பர் 09 : மக்கா மஸ்ஜித் குண்டுவெடிப்பு வழக்கில் நிரபராதிகள் என நீதிமன்றத்தால் விடுவிக்கப்பட்ட முஸ்லிம் இளைஞர்களுக்கு இழப்பீடு வழங்க ஆந்திர மாநில அரசு முடிவுச்செய்துள்ளது.சட்டப்பேரவையில் மாநில முதல்வர் கிரண்குமார் ரெட்டி இழப்பீடு வழங்கப்படும் என அறிவித்த மறு தினமே 70 லட்ச ரூபாயை இழப்பீடாக வழங்குவதற்கு விடுவிக்க ஆந்திர அரசு உத்தரவிட்டது.இந்திய வரலாற்றில் முதல் முறையாக ஒரு பயங்கரவாத வழக்கில் அநீதமாக கைது செய்யப்பட்டு சித்திரவதைகளையும், சிறைவாசத்தையும் அனுபவித்த நிரபராதிகளுக்கு அரசு இழப்பீடு வழங்கியுள்ளது குறிப்பிடத்தக்கது.2007-ஆம் ஆண்டு மே மாதம் 15- ஆம் தேதி ஹைதராபாத்தில் பிரபலமான மக்கா மஸ்ஜிதில் குண்டுவெடித்ததில் ஒன்பது பேர் பலியானார்கள். அதனை தொடர்ந்து போலீசார் நடத்திய துப்பாக்கிச் சூட்டில் 5 பேர் உயிரிழந்தனர். இவ்வழக்கில் 80 முஸ்லிம் இளைஞர்கள் ஹுஜி, லஷ்கர், சிமி இயக்க உறுப்பினர்கள் என குற்றம்சாட்டப்பட்டு கைது செய்யப்பட்டனர்.சிறையில் இந்த இளைஞர்கள் அநியாயமான குற்றச்சாட்டுகளின் பெயரால் சிறையில் கொடுமைகளை சந்தித்த வேளையில், அவர்களது குடும்பத்தினர் துயரத்தில் ஆழ்ந்தனர். அநீதமாக கைது செய்யப்பட்ட இளைஞர்களை பின்னர் நீதிமன்றம் குற்றமற்றவர்கள் என விடுதலை செய்து ஒரு வருடம் நிறைவடைகிறது. இக்காலக்கட்டத்தில் தீவிரவாதி என்ற அபாண்டமான பழியை சுமக்கவேண்டிய துரதிர்ஷ்டவசமான சூழலுக்கு அவ்விளைஞர்கள் தள்ளப்பட்டனர். உளரீதியாகவும், உடல்ரீதியாகவும் பாதிக்கப்பட்ட அப்பாவிகளுக்கு ஹிந்துத்துவா பயங்கரவாதிகள்தாம் மக்கா மஸ்ஜிதில் குண்டுவைத்தார்கள் என்ற உண்மை அஸிமானந்தாவின் குற்ற ஒப்புதல் வாக்குமூலம் மூலமாக தீவிரவாத பழிச் சொல்லிலிருந்து விடுதலை கிடைத்தது. ஆனால், அவர்கள் அனுபவித்த துயரத்திற்கும், சிறையில் கழித்த நாட்களுக்கும் யாரால் ஈடு செய்யமுடியும்? இந்நிலையில் தேசிய சிறுபான்மை கமிஷன் ஆந்திர மாநில அரசுக்கு அப்பாவி முஸ்லிம் இளைஞர்களுக்கு இழப்பீடு வழங்கவும், அத்தொகையை இக்குற்றத்தை புரிந்த போலீஸ் அதிகாரிகளின் சம்பளத்திலிருந்து ஈடு செய்யவும் பரிந்துரை செய்தது.இவ்வழக்கில் 80 பேர் கைது செய்யப்பட்ட போதிலும் 70 பேருக்கு மட்டுமே இழப்பீடு வழங்கப்படும் என ஆந்திர அரசு அறிவித்துள்ளது. ஒரு வருடம் தாமதம் ஏற்பட்டாலும் இழப்பீடு வழங்கும் ஆந்திர மாநில அரசின் உத்தரவு வரவேற்கத்தக்கது ஆகும். முஸ்லிம் இளைஞர்களை குற்றமற்றவர்கள் என கூறி நீதிமன்றம் விடுதலை செய்த வேளையில் அன்று ஆந்திர மாநில முதல்வர் மன்னிப்புக் கோரியிருந்தார். தற்பொழுது பாதிக்கப்பட்ட இளைஞர்களின் மறுவாழ்விற்காக இழப்பீட்டையும் வழங்கி ஆந்திர மாநில அரசு இந்தியாவின் முன்மாதிரி மாநிலமாக மாறியுள்ளது.இந்தியாவின் பல்வேறு மாநிலங்களில் ஹிந்துத்துவா பயங்கரவாதிகள் நடத்திய குண்டுவெடிப்புகள் மற்றும் தீவிரவாத தாக்குதல்களின் பெயரால் அநியாயமாக குற்றம் சாட்டப்பட்டு பொய் வழக்குகளில் கைது செய்யப்பட்டுள்ள நூற்றுக்கும் மேற்பட்ட முஸ்லிம் இளைஞர்கள் சிறையில் அடைக்கப்பட்டுள்ளனர். இந்த உண்மை தெள்ளத் தெளிவாக புரிந்த பிறகும் நிரபராதிகளை விடுதலைச் செய்யவோ அவர்களுக்கு இழப்பீடு வழங்கவோ எந்த மாநில அரசும் முன்வரவில்லை. இச்சூழலில் ஆந்திர மாநில அரசின் நடவடிக்கை பாராட்டிற்குரியது மட்டுமல்ல துணிச்சலானதுமாகும்.2006 செப்டம்பர் எட்டாம் தேதி 37 பேர் உயிரிழக்க காரணமான மலேகான் குண்டுவெடிப்பின் பெயரால் அநீதமாக கைது செய்யப்பட்ட9 முஸ்லிம் இளைஞர்களில் 7 பேர் 5 ஆண்டுகளுக்கு பிறகு விடுதலைச் செய்யப்பட்டுள்ளனர். கோவை குண்டுவெடிப்பு வழக்கில் அப்துல் நாஸர் மஃதனி ஒன்பது ஆண்டுகளுக்கு பிறகு நிரபராதி என விடுதலைச் செய்யப்பட்டார். ஆனால் இவர்களுக்கு இழப்பீடு வழங்க அரசுகள் தயாரில்லை. அதேவேளையில் அப்துல் நாஸர் மஃதனி மீண்டும் ஒரு பொய் வழக்கில் கைது செய்யப்பட்டு கர்நாடகா மாநில சிறையில் அடைக்கப்பட்டுள்ளார்.இவ்வேளையில், நிரபராதிகளுக்கு சில லட்சங்களை இழப்பீடாக வழங்குவதன் மூலமாக அவர்கள் இழந்தை திருப்பி கொடுக்க இயலாது என்றாலும் ஆந்திர மாநில அரசின் முடிவு அநியாயமாக கைது செய்யப்படும் அப்பாவிகளுக்கு நீதி வழங்குவதற்கான புதிய சட்டத்திருத்தத்திற்கு வழிகோலும் என எதிர்பார்ப்போம்!

நமது நிருபர்

அ.செய்யது அலீ.

Read More

மவுத்து அறிவிப்பு: "செய்னம்பு கன்னி அம்மாள்"

முத்துப்பேட்டை, டிசம்பர் 09 : ஆசாத் நகர் கருப்பட்டியப்பா மர்ஹும் நெய்னா முஹம்மது அவர்களின் மனைவியும், மர்ஹும் உதுமாங்கனியார், மர்ஹும் ஹாஜி.கிதிருமுகைதீன், ஹாஜி வருசை இபுராஹீம் ஆகியோரின் தம்பி மனைவியும், மர்ஹும் ஜலீல், ஹாஜா கமால் இவர்களின் தாயாரும்,மஹம்மது ஜலீல், முகைதீன் அடுமை இவர்களின் சிறிய தாயாரும், துளசியாப்பட்டினம் SK. முஹம்மது ஹனிபா அவர்களின் சகோதரியும், மர்ஹும் ஷாகுல் ஹமீது, மர்ஹும் குஞ்சப்ப முஹம்மது அலி, பொட்டியப்பா கமால் முஹைதீன் ஆகியோரின் மாமியாவும், பொட்டியப்பா முஹம்மது கனி அவர்களின் சமபந்திமாகிய "செய்னம்பு கன்னி அம்மாள்" அவர்கள் இன்று காலை 7 .30 மணியளவில் மவுத்தாகிவிட்டார்கள். (இன்னா லில்லாஹி வ இன்னா இலைகி ராஜிவூன்) அன்னாரின் ஜனாசா இன்று மாலை 4.30 மணியளவில் ஆசாத்நகர் பள்ளி மையவாடியில் நல்லடக்கம் செய்யப்படும் என்பதை அறிவிக்கிறார்கள்.
www.muthupettaiexpress.blogspot.com,
அறிவிப்பவர்

SK. முஹம்மது ஹனிபா

நமது நிருபர்

கார்கணி. காதர் முஹைதீன்

Read More

முத்துப்பேட்டை இஸ்லாமிய நல சங்கத்தின் 2012 ஆம் ஆண்டிர்காண புதிய நிர்வாகிகள் தேர்வு!

துபாய் , டிசம்பர் 08: முத்துப்பேட்டை இஸ்லாமிய நல சங்கத்தின் (MIWA) (REG No.32/2009) புதிய நிர்வாக குழு தேர்ந்தெடுப்பு கூட்டம் 21.10.2011 சனிக்கிழமை இரவு 8.30 மணியளவில் துபாய் அல் - இத்திஹாத் பார்க்கில் (DNATA -அருகில்) நடைபெற்றது. இக்கூட்டத்திற்கு S. ஜஹபர் உசேன் அவர்களின் வரவேற்புரையை தொடர்ந்து தலைமை தாங்கிய தலைவர் H.ஷேக் தாவூது அவர்கள் நடப்பு ஆண்டு செயல்பாட்டின் ஆண்டறிக்கையை வாசித்து அளித்தார்கள், மேலும் இச்சங்க சேவைக்கு எல்லா வகையிலும் ஒத்துழைப்பு செய்த அனைவருக்கும் நன்றியை தெரிவித்து கொண்டதுடன் நிர்வாக குழுவை கலைப்பதாக கூறி புதிய நிர்வாக குழுவை தேர்ந்தெடுக்க வேண்டுகோள்விடப்பட்டதை தொடர்ந்து H.ஷேக் தாவூது அவர்களை தேர்தல் கண்காணிப்பாளராக இருந்து புதிய நிர்வாக குழு உறுப்பினர்களை தேர்ந்தெடுக்க பரிந்துரை செய்யப்பட்டது. இச்சங்க உறுப்பினர்கள் மற்றும் நமது ஊர்வாசிகள் அனைவரின் ஒருமித்த கருத்தோடு இந்த சங்கத்திற்கு புதிய நிர்வாக குழுவிற்கு கீழ்க்கண்ட நபர்கள் நிர்வாக பொறுப்பாளர்களாக தேர்ந்தெடுக்கப்பட்டார்கள் என்பதை இதன் மூலம் அவர்கள் தெரிவித்துள்ளார்கள். பொறுப்பாளர்களின் விபரம் போடோவிள் பார்க்கவும்.

நன்றி - http://www.miwauae.blogspot.com

Read More

மவுத்து அறிவிப்பு: "தையல்கார முஹமது நெய்னா அம்மாள்"

முத்துப்பேட்டை, டிசம்பர் 08 : முஹைதீன் பள்ளி தெரு மர்ஹூம். முஹம்மத் சுல்தான் அவர்களின் மனைவியும், மர்ஹூம் KS . சாகுல் ஹமீது அவர்களின் சம்பந்தியும், M . ஜமால் முஹமது அவர்களின் தாயாரும், ஆனா. ரூனா. அப்துல் ரஹ்மான் அவர்களின் மாமியாரும், முஹம்மது இபுராஹீம், முஹம்மது சேக் தாவூத், தமீம் அன்சாரி தமுமுக சம்சுதீன் ஆகியோரின் மாமியும், ஜெய்னுல் ஆப்தீன் முஹம்மது யாசிர் ஆகியோரின் பாட்டயுமாகிய "தையல்கார முஹமது நெய்னா அம்மாள்" அவர்கள் நேற்று இரவு 7 மணியளவில் மவுத்தாகி விட்டார்கள் (இன்னா லில்லாஹி வ இன்னா இலைஹி ராஜிவூன்) அன்னாரின் ஜனாசா இன்று காலை 10 :30 மணியளவில் முஹைதீன் பள்ளி வாசல் மையவாடியில் நல்லடக்கம் செய்யப்படும் என்பதை அறிவிக்கின்றார்கள்.

அறிவிப்பவர்

M . ஜமால் முஹம்மது

நமது நிருபர்

கார்கணி. காதர் முஹைதீன்

Read More

முத்துப்பேட்டையில் SDPI சார்பில் நேற்று நடைபெற்ற ஆலோசனைக் கூட்டம்!

முத்துப்பேட்டை, டிசம்பர் 06 : திருவாரூர் மாவட்டம் முத்துப்பேட்டையில் கொள்கை விளக்க பொதுக்கூட்டம், நன்றி அறிவிப்பு ஆகியவை குறித்து திருவாரூர் மாவட்ட தலைவர் ஜனாப். M.தப்ரே ஆலம் பாதுஷா அவர்களின் தலைமையில் SDPI -யின் முத்துப்பேட்டை நகர அலுவலகத்தில் நேற்று மலை 7 மணிக்கு நடைபெற்றது. இக்கூட்டத்திற்கு சிறப்பு விருந்தினராக SDPI - யின் மாநில செயலாளர் சித்திக் மச்சான் என்கிற ஜனாப். A . அபூபக்கர் சித்திக் அவர்கள் கலந்து கொண்டார். இந்த கூட்டத்தில் முத்துப்பேட்டை SDPI -யின் சார்பில் வருகிற 11 .12 .2011 ஆம் தேதியன்று கொள்கை விளக்க பொதுக்கூட்டமும், நடந்து முடிந்த பேரூராட்சி மன்ற தேர்தலில் தலைவர் பதவிக்கு போட்டியிட்ட SDPI கட்சியின் வேட்பாளர் ஜனாப். A . அபூபக்கர் சித்திக் அவர்களை இரண்டாம் நிலைக்கு கொண்டு வந்த முத்துப்பேட்டை மக்களுக்கு நன்றி அறிவிப்பு செய்ய உள்ளாதாகவும் இக்கூட்டத்தில் முடிவு எடுக்கப்பட்டுள்ளது. மேலும் அதே தேதியில் SDPI -யின் மாநில தலைவர் ஜனாப். KKSM . தெஹ்லான் பாக்கவி அவர்களைக் கொண்டு முத்துப்பேட்டையில் உள்ள 6 இடங்களில் கொடி ஏற்று நிகழ்ச்சியும் நடத்த உள்ளதாக இக்கூட்டத்தில் முடிவெடுக்கப்பட்டுள்ளது. இதில் SDPI -யின் மாவட்ட செயலாளர். ஜனாப். பாவா பகுருதீன், கட்சியின் நகர தலைவர். ஜனாப். M . ரஹ்மத்துல்லாஹ், நகர செயலாளர் ஜனாப். A. முஹம்மது முஹைதீன், நகர இனைச் செயலாளர் ஜனாப். நிஜாம், நகர கமிட்டி ஜனாப். நிசார் மற்றும் கிளை பொறுப்பாளர்கள் இதில் கலந்து கொண்டனர்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS . அப்துல் பாரி, EK . முனவ்வர் கான், அபு மர்வா

Read More

நூறு ஆண்டு பழமை வாய்ந்த சேலம் மசூதியில் தங்க கலசம்!!!

சேலம், டிசம்பர் 06 : மசூதியின் மீது 40 அடி கோபுரமும் (மினாரா), அதன் மீது 3 அடி தங்கத்தகடுகளால் மூடப்பட்ட கலசமும் இருக்கும் அபூர்வமான மசூதியை காண வேண்டும் என்றால், சேலம் நகரில் மையப்பகுதியில் உள்ள முகமதுபுறா தெருவுக்கு சென்றால் போதும். இங்குள்ள நூறு ஆண்டுகள் பழமையான மசூதியில் தான் இப்படிப்பட்ட அபூர்வம் இருக்கிறது. இதுபோன்ற தங்க கோபுரம் (மினாரா) தமிழகத்தில் வேறு எங்கும் இல்லை என்கிறார்கள். தான் மட்டும் இப்படி ஓர் மசூதியை கட்டியதாக யாரும் கருதிவிடக்கூடாது என்று நினைத்த பிரபல தோல்வணிகரான ஜமால்மொய்தீன், இப்பகுதி இஸ்லாமிய மக்களிடமிருந்து அவர்களால் முடிந்த வெள்ளிக்காசுகளை தருமாறு சொல்லி, அவையனைத்தையும் கலசத்தின் அடிப்பகுதியில் கொட்டி, மசூதியை பொது சொத்தாக மாற்றிவிட்டார் என்பது வரலாற்று சான்றாக உள்ளது.
source from www.muthupettaiexpress.blogspot.com, www.muthupettaiexpress.com
நன்றி - ராஜேந்திரன் (தினகரன்)

Read More

முத்துப்பேட்டை ஆசாத் நகரில் தேங்கி நிற்கும் கழிவு நீரால் தொற்று நோய் பரவ வாய்ப்பு!!

முத்துப்பேட்டை, டிசம்பர் 05: திருவாரூர் மாவட்டம் முத்துப்பேட்டை ஆசாத் நகர் பகுதியில் சில வருடங்களுக்கு முன்பு சாலை இருபுரத்தையும் அகலபடுத்தி பல லட்சம் ரூபாய் செலவில் கழிவு நீர் வடிக்கால் நீர் அமைக்கப்பட்டன.ஆனால் எதோ காரணத்தால் அந்த பணியை பாதியோடு நிறுத்திவிட்டனர். இதனால் கழிவு நீர் தேங்கி ஒரு வித துர்நாற்றம் வீசுவதுடன் மட்டுமல்லாமல், கொசுக்கள், புழு போன்ற கிருமிகள் ஆகியவைகளின் கூடாரமாக அமைந்துள்ளது. மேலும் அவ்வழியில் செல்லும் அனைத்து மக்களும் தங்களுடைய மூக்கை பொத்திக்கொண்டு தான் செல்லுகின்றனர். மேலும் அந்த இடத்தில் நின்றால் மயக்கமே வரும் அளவிற்கு அந்த இடம் மோசமாக காட்சியளிக்கிறது . பாதி வேலை நிறுத்தப்பட்ட இந்த கழிவு நீர் வடிக்கால் நாளுக்கு நாள் அதன் தடுப்பு சுவர் இடிந்து முழுவதும் சேதமாகி உள்ளதால் பொது மக்கள் நடப்பதற்கும், வாகனங்கள் செல்வதற்கு இடையூராகவும், வியாபாரிகளுக்கு மிகவும் துன்புருத்தலாகவும் உள்ளது. இது குறித்து அப்பகுதி மக்கள் மற்றும் வியாபாரிகள் சம்பந்தப்பட்ட அதிகாரிகளிடம் எடுத்துக்கூறியும் அலட்சியமாகவும், செவிடர்களாகவும் இன்றுவரையும் இருந்து வருகின்றனர். இதனால் ஆத்திரம் அடைந்த பொது மக்கள் ஒரு துண்டு பிரசுங்கத்தை நோய்களை தந்தமைக்கு நன்றி என்று வெளியிட்டுள்ளனர்.இந்த துண்டு பிரசுங்கத்தை படிப்பவர்கள் வெறும் காமடியாகத்தான் இருக்கிறது என்றும் மக்கள் மத்தியில் பரபரப்பாக இருந்து வருகிறது. உள்ளாட்சி யின் நோக்கம் சாலை வசதி, தெருவிளக்கு, சுகாதாரம் ஆகியவைகளை சுத்தமாக வைப்பது தான் பேரூராட்சியின் வேலை இவற்றை பார்த்தாவது சீர் செய்வார்கள பேரூராட்சி மன்றம் பொறுத்திருந்து பார்போம்.

மக்கள் வெளியிட்ட துண்டு பிரசுரம் உங்கள் பார்வைக்கு கீழே:



தொகுப்பு

ரிப்போர்ட்டர் M . முஹைதீன் பிச்சை

Read More

மவுத்து அறிவிப்பு: "அப்துல் ஹமீது"

முத்துப்பேட்டை, டிசம்பர் 05 : சின்ன கட்சி தெரு மர்ஹூம் கு.மு.முஹைதீன் மரைக்காயர் அவர்களின் மகனும்,மர்ஹூம் அ.மு.அப்துல் ஜப்பார் அவர்களின் மருமகனும் M.அஹமது ஜலாலுதீன், மர்ஹும் பசீர் அஹமது அவர்களின் சகோதரரும், AE . இபுராமுசா, SP . சின்ன மரைக்காயர் ஆகியோரின் மைத்துனரும், H . காதர் உசேன் அவர்களின் சகலையும், T . ஜகபர் சாதிக், S . நியாசுத்தின் அவர்களின் மாமனாரும், "AM . ஜக்கரிய அவர்களின் மச்சானும், A .முஸ்தாக் அஹ்மத் அவர்களின் தகப்பனாருமாகிய "அப்துல் ஹமீது" அவர்கள் இன்று காலை 8 மணியளவில் மவுத்தாகி விட்டார்கள். (இன்னா லில்லாஹி வ இன்னா இலைகி ராஜிவூன்) அன்னாரின் ஜனாசா இன்று மாலை 4 மணியளவில் குத்பா பள்ளி மையவாடியில் நல்லடக்கம் செய்யப்படும் என அறிவிக்கிறார்கள்.
source from www.muthupettaiexpress.blogspot.com
அறிவிப்பவர்

AE . இபுராம்சா , SNM . சித்திக் அஹமது

Read More

வருகிறது முஸ்லிம் "FACE BOOK "

உலகம், டிசம்பர் 04 : இஸ்தான்புல்:ஃபேஸ்புக்கின் மாதிரியில் முஸ்லிம் இளைஞர்களுக்காக சமூக இணையதளம் ஒன்று துவங்கவிருக்கிறது.ஸலாம்வேர்ல்ட்.காம் என்ற பெயரிலான இணையதளம் அடுத்த வருடம் துவங்கும். முஸ்லிம் தொழிலதிபர்கள் சிலர் இத்திட்டத்தை துவக்க உள்ளனர். இளைஞர்களிடையே பொதுவான பார்வை மற்றும் இஸ்லாத்தின் விழுமியங்களை பரப்புரை செய்வதற்கு இந்த இணையதளத்தை துவங்க உள்ளதாக இதன் நிறுவனர்களில் ஒருவரான அஹ்மத் அஸிமோவ் தெரிவித்துள்ளார்.இஸ்தான்புல்லை தலைமையிடமாக கொண்ட இந்த இணையளத்திற்கு மாஸ்கோவிலும், கெய்ரோவிலும் அலுவலகங்கள் செயல்படும். 30 நாடுகளில் ஒருங்கிணைப்பாளர்கள் செயல்படுவர். மூன்று வருடங்களுக்குள் 50 மில்லியன்(5 கோடி) பயனீட்டாளர்களை ஈர்க்க இயலும் என நம்புவதாக அஸிமோவ் கூறினார்.
www.muthupettaiexpress.blogspot.com
தொகுப்பு

அபு மர்வா

Read More

புஷ்ஷை கைது செய்ய ஆப்பிரிக்க நாடுகளுக்கு ஆம்னஸ்டி கோரிக்கை

லண்டன்,டிசம்பர் 04 : மனித உரிமை மீறல்களை நடத்திய அமெரிக்க முன்னாள் அதிபர் ஜார்ஜ் w புஷ்ஷை கைதுச்செய்ய ஆப்பிரிக்க நாடுகளான எத்தியோப்பியா, தான்சானியா, ஜாம்பியா ஆகிய ஆப்பிரிக்க நாடுகளுக்கு சர்வதேச மனித உரிமை அமைப்பான ஆம்னஸ்டி இண்டர்நேசனல் கோரிக்கை விடுத்துள்ளது.புஷ் இம்மாதம் அந்நாடுகளுக்கு சுற்றுப்பயணம் வருகையில் கைது செய்யவேண்டும் என ஆம்னஸ்டி கோரிக்கை விடுத்துள்ளது. அமெரிக்க அதிபராக புஷ் பதவி வகித்த வேளையில் மனித உரிமை மீறல்களுக்கு தலைமை வகித்ததாக குற்றச்சாட்டு எழுந்துள்ள சூழலில் இக்கோரிக்கையை ஆம்னஸ்டி விடுத்துள்ளது.கொடுமைகளுக்கு தலைமை வகித்தவர்கள் சுதந்திரமாக நடமாடுவது சர்வதேச சட்டங்களுக்கு உகந்தது அல்ல. ஆதலால் புஷ்ஷை கைது செய்வதற்கான பொறுப்பை ஆப்பிரிக்க நாடுகள் நிறைவேற்ற வேண்டும் என ஆம்னஸ்டியின் சட்ட ஆலோசகர் மாட் பொல்லார்ட் தனது அறிக்கையில் கூறியுள்ளார்.முகத்தை துணியால் கட்டிவிட்டு கைதிகளின் முகத்தில் தண்ணீரை அடிக்கும் வாட்டர் போர்டிங் போன்ற சித்திரவதைகளை செய்வதற்கு புஷ் தலைமை தாங்கியதாக மனித உரிமை அமைப்புகள் குற்றம் சாட்டுகின்றன. கைது செய்துவிடுவார்களோ என்ற அச்சத்தால் ஜார்ஜ் w புஷ் இவ்வருடம் சுவிட்சர்லாந்து பயணத்தை ரத்துச் செய்தார் என்பது குறிப்பிடத்தக்கது.

நமது நிருபர்

சித்திக் ரஹ்மான் - (லண்டன்)

Read More

முத்துப்பேட்டை குத்பா பள்ளி திறப்பு விழா சிறப்பு மலருக்கு படைப்புகள் வரவேற்கப்படுகின்றன..

முத்துப்பேட்டை,டிசம்பர் 03 : அன்பார்ந்த வெளிநாட்டு வாழ் முத்துப்பேட்டை சகோதரர்களே.. நமதூர் குத்பா பள்ளிவாசலானது மறு சீரமைப்பு பணிகள் முடிக்கப்பட்டு இன்ஷா அல்லாஹ்.. வரும் 30.12.11 வெள்ளிக்கிழமை (ஹிஜ்ரி 1433 ஸஃபர் பிறை 4 ல்) திறப்பு விழா காண உள்ளது.இந்த திறப்பு விழாவினை முன்னிட்டு, சிறப்பு மலர் ஒன்றினை வெளியிட குத்பா பள்ளி திறப்பு விழா கமிட்டியானது முடிவு செய்துள்ளது. கமிட்டியின் ஆலோசனைக்கூட்டமானது இன்று காலை 11 மணியளவில் குத்பா பள்ளியில் நடைபெற்றது.
அக்கூட்டத்தில் ஹாஜி முஹம்மது முஹைதீன் அவர்கள் - (குத்பா பள்ளி நிர்வாக கமிட்டி தலைவர்), ஹாஜி MA. இப்னு ஹமீது (குத்பா பள்ளி நிர்மான கமிட்டி துணைச் செயலாளர்), அனைத்து முஹல்லா முன்னாள் தலைவர் ஜனாப்.MKN. முஹம்மது முஹைதீன் அவர்களும், எம்.கே.எம்.ஜபருல்லா (நிர்வாக கமிட்டி - செயலாளர்) மற்றும் பிறரும் கலந்துக்கொண்டனர்.
திறப்பு விழா மலருக்கு தாங்களின் வாழ்த்துக்கள், நிறுவனத்தின் விளம்பரங்கள், கடை விளம்பரங்கள், இஸ்லாம் சம்மந்தமான கட்டுரைகள், மற்றும் ஏனைய செய்திகளை அனுப்பி வைக்குமாறு அன்புடன் வேண்டுகிறோம். (வசதி இருந்தால் விளம்பரங்களை தாங்களே டிசைன் செய்து மின்னஞ்சலில் அனுப்பி வைக்கலாம்).
வெளி நாட்டில் உள்ள முத்துப்பேட்டை வாழ் சகோதரர்கள் மட்டுமின்றி பிற ஊர் சகோதரர்களும் தாங்களுடைய வாழ்த்துக்கள், விளம்பரங்கள், கட்டுரைகளை எங்களுக்கு அனுப்பி வைக்கலாம். (கட்டுரைகள் யுனிகோட் பாண்ட் வடிவில் இருந்தல் அவசியம். அனைத்து படைப்புகளும் எங்களுக்கு 10.12.11 அன்றுக்குள் கிடைக்குமாறு பார்த்துக்கொள்ளவும்)

மின்னஞ்சல் முகவரி : advtmtt@gmail.com

குறிப்பு:

சிறப்பு மலருக்கான விளம்பர விவரமானது: (இந்திய ரூபாய் மதிப்பில்)

முழு பக்கம் : ரூ. 1500
அரை பக்கம் : ரூ. 750
கால் பக்கம் : ரூ. 300

சிறப்பு மலர் விழாக்குழுவினர்கள்:

1. பி.எம். ஜாகிர் உசேன் - (முத்துப்பேட்டை இஸ்லாமிய நலச்சங்கம்)
2. ஹாஜி. கே. எம். நெய்னா முஹம்மது (சோழ நாடு)
3. ஹாஜி. எம். முகம்மது அலி ( செயலாளர் - குட்டியார் பள்ளி)
4. எம்.கே.என். நிஜாம் முஹம்மது ( கொத்பா பள்ளி - செயற்குழு)
5. ஈ.கே. ஹபீப் முஹம்மது - புதுத்தெரு

நன்றி - முத்துப்பேட்டை ஆர்க் - அபு ஆஃப்ரின்

நிச்சயமாக எவர்கள் "எங்கள் இறைவன் அல்லாஹ்வே" என்று கூறி, பிறகு அதிலேயே நிலைத்து
நிற்கிறார்களோ, அவர்க்ளுக்கு பயமில்லை, அவர்கள் துக்கப்படவும் மாட்டார்கள்.( குர்ஆன் 46:13)

Read More

கொத்பா பள்ளி 30 .12 .2011 திறப்பு, நிர்மான கமிட்டி செயலர் MKN முஹம்மது முஹைதீன் பேட்டி

முத்துப்பேட்டை, டிசம்பர் 02 : திருவாரூர் மாவட்டம் முத்துப்பேட்டையில் உள்ள கொத்பா பள்ளி வாசல் திறப்பு விழா வருகிற 30 .12 .2011 ஆம் தேதி அன்று நடைபெற உள்ளதாக கொத்பா பள்ளி நிர்வாகிகள் அறிவித்துள்ளார்கள். இது குறித்து முத்துப்பேட்டை எக்ஸ்பிரஸ் இணையதள நிருபர் நேரில் சென்று கேட்ட கேள்விக்கு பின்னர் பதிலளித்த முத்துப்பேட்டை கொத்பா பள்ளி நிர்மான கமிட்டி செயலர் ஜனாப். MKN . முஹம்மது முஹைதீன் அவர்கள், இந்த பள்ளியை சென்ற மாதம் 04 .11 .2011 ஆம் தேதியே திறக்க இருந்ததாகவும், ஆனால் பள்ளிவாசலின் வேலைகள் முடிவு பெறாமல் இருந்ததின் காரணத்தால் ஒரு மாதம் காலதாமதம் செய்திருந்தோம் என்றும், தற்போது அனைத்து வேலைகளும் முடிவு பெரும் விதத்தில் இருந்து வருவதால் இன்ஷா அல்லாஹ் வருகிற 30 .12 .2011 ஆம் தேதி அன்று பள்ளியை திறக்க இருக்கிறோம் என்றும் அப்போது அவர் தெரிவித்தார். எனவே இப்பள்ளி திறப்பு விழாவிற்கு அனைத்து ஊர் மக்களும் மற்றும் முத்துப்பேட்டையில் உள்ள அனைத்து ஜமாஅத் பள்ளி தலைவர்களும், மற்றும் பொது மக்களும் தவறாமல் கலந்து கொண்டு இந்நிகழ்ச்சியை சிறப்பித்து தருமாறு கேட்டுக்கொள்கிறேன் என்றும் அவர் தெரிவித்தார்.

தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More

அண்ணிய முதலீட்டை இந்தியாவிற்குள் விட மாட்டோம் வர்த்தக சங்கங்கள் போர்க்கொடி!

முத்துப்பேட்டை, டிசம்பர் 01 : இந்தியாவில் சில்லரை வணிகத்தில் அண்ணிய முதலீட்டில் 50 சதவீதத்தை உயர்த்த நினைக்கும் மத்திய அரசை கண்டித்து நாடு முழுவதும் இன்று முழு கடையடைப்பு நடைபெற்று வருகிறது. எனினினும் இவற்றை ஆதரித்து முத்துப்பேட்டையில் உள்ள அனைத்து வர்த்தக சங்கங்கள் சார்பில் கடைகள் மூடப்பட்டுள்ளன. இது குறித்து முத்துப்பேட்டை எக்ஸ்பிரஸ் இணையதள நிருபர் தொலைபேசி மூலம் தொடர்பு கொண்டு கேட்ட கேள்விக்கு பதிலளித்த முத்துப்பேட்டை நகர வர்த்தக சங்கத்தின் தலைவர் திரு. கோ. அருணாச்சலம் அவர்கள், இந்தியாவில் உள்ள அனைத்து சில்லரை வணிகத்தில் அண்ணிய முதலீட்டை 50 சதவீதம் திணிக்க நினைக்கும் மத்திய அரசை கண்டித்து இன்று நாடு முழுவதும் கடையடைப்பு போராட்டம் நடைபெற்று வருகிறது என்றும், எனவே முத்துப்பேட்டையில் உள்ள வர்த்தக சங்கம், வர்த்தக கழகம், பெரிய கடைத்தெரு வர்த்தக சங்கம் ஆகிய மூன்றும் சேர்ந்து முத்துப்பேட்டையில் உள்ள அனைத்து கடைகளையும் அடைத்து அண்ணிய முதலீட்டை உடனே தடுத்து நிறுத்த இந்த போராட்டத்தில் இறங்கி உள்ளோம் என்றும் அப்போது அவர் தெரிவித்தார்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More

வீட்டை விட்டு ஓடும் பெண்களுக்காண “நரகத்தை நோக்கி” என்ற தலைப்பில் ஓர் குறும்படம்

கடையநல்லூர், நவம்பர் 30 : அன்பார்ந்த இஸ்லாமிய சமுதாய சகோதர, சகோதரிகளே கடந்த சில வருடங்களாக நமது சமுதாயத்தில் சில இளம் பெண்கள் அந்நிய ஆண்களுடன் பழகுவதால் ஏற்படும் விளைவுகளை எடுத்து சொல்லக்கூடிய ஒரு படிப்பினையாக இந்த குறும்படம் எடுக்கப்பட்டுள்ளது. முதலில் இந்த குறும்படத்தை எழுதி,இயக்கிய கடையநல்லூரை சார்ந்த ரபீக் ரோமான் அவர்களுக்கு நன்றி சொல்லியே ஆகவேண்டும்.

இப்படத்தின் மூலம் நாம் பயனடையும் நன்மைகள்:

பெண்கள் எவ்வாறு இருக்க வேண்டும் என்பதற்கு உதாரணமாய் சித்திகரிக்கப்படும் பாத்திமா மற்றும் பெண்கள் எவ்வாறு இருக்க கூடாது என்பதற்கு உதாரணமாய் தஸ்லீமா.இந்த இருவர்தான் கதையின் கதாபாத்திரங்கள்.

அந்நிய ஆண்களுடன் பழகுவதினால் ஏற்படும் விளைவுகள் மிக கொடுரமானதாக இருக்கும் என்பதை மிக அருமையாக காட்டி உள்ளார் இயக்குனர் ரபீக் அவர்கள்.

பெற்றோர்கள் தங்கள் பிள்ளைகளுக்கு செல்லம் என்ற பெயரில் அதிக சுதந்திரம் கொடுப்பதினால் ஏற்படும் விளைவுகள், மிஸ்ஸிடு கால்களினால் மிஸ்ஸாகி போகும் பெண்களின் வாழ்க்கை என பெற்றோருக்கு அறிவுரை கூறும் படமாக உள்ளது.

ஆங்காங்கே குரான் வசனங்கள் இந்த படத்தில் மிக அருமையாக சுட்டிக்காட்டப்பட்டுள்ளது:

இந்த படத்தை பார்த்து தவறான வழியை தேர்ந்தெடுக்கும் இளம் பெண்கள் திருந்த வேண்டும் என்பதே இயக்குனர் அவர்களின் நோக்கம்.

இந்த படத்தை தயாரித்தவர்களின் நோக்கம் வெற்றியடைய நாம் அனைவரும் துஆ செய்வோம்.

இந்த குறும்படம் சி.டி வடிவில் விநியோகிக்கப்பட்டு வருகிறது.வேண்டும் என்பவர்கள் public.mttexpress@gmail.com என்ற மெயில் முகவரி மூலம் தொடர்பு கொள்ளவும்.

மேலும் விபரம் அறிய இந்த தொலைபேசி எங்களை தொடர்பு கொள்ளவும் : 95513 88406

தொகுப்பு

ரிப்போர்ட்டர் இல்யாஸ், ASNS .அப்துல் பாரி,EK .முனவ்வர் கான்,அபு மர்வா

Read More

ஜாக் சார்பில் மாநாடு திருவாரூர் மாவட்ட தலைவர் ஜனாப்.டாக்டர் மீரா லப்பை பேட்டி.

முத்துப்பேட்டை,நவம்பர் 30 : "ஜம்மியத்துள் அஹ்லில் குர்ஆன் வல் ஹதீஸ்" சார்பில் வருகிற ஜனவரி மாதம் 14 , 15 ஆகிய தேதிகளில் "படைப்புகளை விட்டு படைத்தவனை நோக்கி" என்ற முழக்கத்துடன் மாபெரும் சிர்க் ஒழிப்பு மாநாடு கோவையில் நடைபெற உள்ளது என திருவாரூர் மாவட்ட தலைவர் ஜனாப். டாக்டர். முஹமது மீரா லப்பை அவர்கள் தெரிவித்துள்ளார். இது குறித்து முத்துப்பேட்டை எக்ஸ்பிரஸ் இணையதள நிருபர் நேரில் சென்று கேட்ட கேள்விக்கு பதிலளித்த திருவாரூர் மாவட்ட தலைவர் டாக்டர். முஹமது மீரா லப்பை அவர்கள், ஜம்மியத்துள் அஹ்லில் குர்ஆன் வல் ஹதீஸ் (JAQH ) என்ற இவ்வமைப்பு சிர்க்கை ஒழிப்பதற்குத்தான் துவங்கப்பட்டுள்ளது என்று அவர் தெரிவித்தார். இதன் மூலம் இஸ்லாத்தை அதன் தூய்மையான வடிவில் மக்கள் அறிந்து கொள்ள வேண்டும் என்பதற்காக இஸ்லாத்தின் மூலாதாரங்களான "திருமறைக் குர்ஆன்" மற்றும் இறுதி தூதரின் நடைமுறைகளான ஹதீஸ் ஆகிய இவ்விரண்டையும் அனைத்து மக்களிடமும் கொண்டு செல்ல வேண்டுமென்ற மற்றொரு நோக்கத்தையும் இணைத்துக்கொண்டு அதன் அடிப்படையில் கடந்த 23 ஆண்டுகளாக இவ்வமைப்பு செயல்பட்டு வருகிறது என்றும் அவர் தெரிவித்தார். மேலும் குர்ஆன், ஹதீஸ் அடிப்படை யிலான மார்க்க அறிஞர்களை உருவாக்க வேண்டும் என்பதற்காக ஆண்களுக்கான அரபி கல்லூரிகளையும், பெண்களுக்கான அரபி கல்லூரிகளையும் தமிழகத்தில் பல பகுதிகளிலும் நிறுவி பல மார்க்க அறிஞர்களையும் உருவாக்கி தொடர்ந்து செயல்பட்டு வருவதாகவும் அவர் தெரிவித்தார்.இவையன்றி சமுதாய நலன் கருதி அல்ஹுதா உயர் நிலைப்பள்ளி, அல்ஹுதா காது கேளாதோர் பள்ளி, ஹிஃப்ஸ் (குர்ஆன் மனன ) மதரசா, SSV . ஆரம்பப்பள்ளி, அல்ஹுதா நூலகம், அல்ஹுதா கம்ப்யூட்டர் செண்டர், அல்ஹுதா மாணவர்கள் இல்லம், அல்ஹுதா மாணவிகள் இல்லம், இவைகள் அனைத்தும் தற்போது திருச்சியில் பல ஆண்டுகளாக நம் சமுதாய மக்களின் நன்கொடைகள் மூலம் சிறப்பாக செயல்பட்டு வருகின்றது என்றும், மேலும் இதன் மூலம் அல் ஜன்னத் என்ற மார்க்க விளக்க மாத இதழையும் நடத்தி வருகிறது என்றும் அவர் தெரிவித்தார். தமிழகத்தில் குர்ஆன், ஹதீஸ் அடிப்படையிலான 70 க்கும் மேற்பட்ட மர்கஸ்களை நிறுவி அவைகள் மூலம் தூய இஸ்லாமிய பிரச்சார பணிகள் நடைபெற்று வருவதாகவும் அப்போது அவர் தெரிவித்தார்.இது போன்று இஸ்லாமிய மார்க்கத்தினை அதனுடைய தூய்மையான வடிவிலே அனைத்து மத மக்களும் அறிந்து கொள்ள வேண்டும் என்ற நோக்கில் இவ்வமைப்பினரால் மாவட்ட அலவிலும், மண்டல அலவிலும் அவ்வப்போது மாநாடுகளை நடத்தி வருவதாகவும் இந்த அடிப்படையில் தான் எதிர் வரும் ஜனவரி 14 , 15 ஆகிய தேதிகளில் கோவையில் இன்ஷா அல்லாஹ் இம்மாநாடு நடைபெற உள்ளது என்றும் எனவே அனைத்து தரப்பு மக்களும் இதில் கலந்து கொண்டு பயனடையுமாறு அன்புடன் கேட்டுக்கொள்கிறேன் என்றும் அவர் தெரிவித்தார்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More