முத்துப்பேட்டையில் SDPI சார்பில் நேற்று நடைபெற்ற ஆலோசனைக் கூட்டம்!

முத்துப்பேட்டை, டிசம்பர் 06 : திருவாரூர் மாவட்டம் முத்துப்பேட்டையில் கொள்கை விளக்க பொதுக்கூட்டம், நன்றி அறிவிப்பு ஆகியவை குறித்து திருவாரூர் மாவட்ட தலைவர் ஜனாப். M.தப்ரே ஆலம் பாதுஷா அவர்களின் தலைமையில் SDPI -யின் முத்துப்பேட்டை நகர அலுவலகத்தில் நேற்று மலை 7 மணிக்கு நடைபெற்றது. இக்கூட்டத்திற்கு சிறப்பு விருந்தினராக SDPI - யின் மாநில செயலாளர் சித்திக் மச்சான் என்கிற ஜனாப். A . அபூபக்கர் சித்திக் அவர்கள் கலந்து கொண்டார். இந்த கூட்டத்தில் முத்துப்பேட்டை SDPI -யின் சார்பில் வருகிற 11 .12 .2011 ஆம் தேதியன்று கொள்கை விளக்க பொதுக்கூட்டமும், நடந்து முடிந்த பேரூராட்சி மன்ற தேர்தலில் தலைவர் பதவிக்கு போட்டியிட்ட SDPI கட்சியின் வேட்பாளர் ஜனாப். A . அபூபக்கர் சித்திக் அவர்களை இரண்டாம் நிலைக்கு கொண்டு வந்த முத்துப்பேட்டை மக்களுக்கு நன்றி அறிவிப்பு செய்ய உள்ளாதாகவும் இக்கூட்டத்தில் முடிவு எடுக்கப்பட்டுள்ளது. மேலும் அதே தேதியில் SDPI -யின் மாநில தலைவர் ஜனாப். KKSM . தெஹ்லான் பாக்கவி அவர்களைக் கொண்டு முத்துப்பேட்டையில் உள்ள 6 இடங்களில் கொடி ஏற்று நிகழ்ச்சியும் நடத்த உள்ளதாக இக்கூட்டத்தில் முடிவெடுக்கப்பட்டுள்ளது. இதில் SDPI -யின் மாவட்ட செயலாளர். ஜனாப். பாவா பகுருதீன், கட்சியின் நகர தலைவர். ஜனாப். M . ரஹ்மத்துல்லாஹ், நகர செயலாளர் ஜனாப். A. முஹம்மது முஹைதீன், நகர இனைச் செயலாளர் ஜனாப். நிஜாம், நகர கமிட்டி ஜனாப். நிசார் மற்றும் கிளை பொறுப்பாளர்கள் இதில் கலந்து கொண்டனர்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS . அப்துல் பாரி, EK . முனவ்வர் கான், அபு மர்வா

Read More

நூறு ஆண்டு பழமை வாய்ந்த சேலம் மசூதியில் தங்க கலசம்!!!

சேலம், டிசம்பர் 06 : மசூதியின் மீது 40 அடி கோபுரமும் (மினாரா), அதன் மீது 3 அடி தங்கத்தகடுகளால் மூடப்பட்ட கலசமும் இருக்கும் அபூர்வமான மசூதியை காண வேண்டும் என்றால், சேலம் நகரில் மையப்பகுதியில் உள்ள முகமதுபுறா தெருவுக்கு சென்றால் போதும். இங்குள்ள நூறு ஆண்டுகள் பழமையான மசூதியில் தான் இப்படிப்பட்ட அபூர்வம் இருக்கிறது. இதுபோன்ற தங்க கோபுரம் (மினாரா) தமிழகத்தில் வேறு எங்கும் இல்லை என்கிறார்கள். தான் மட்டும் இப்படி ஓர் மசூதியை கட்டியதாக யாரும் கருதிவிடக்கூடாது என்று நினைத்த பிரபல தோல்வணிகரான ஜமால்மொய்தீன், இப்பகுதி இஸ்லாமிய மக்களிடமிருந்து அவர்களால் முடிந்த வெள்ளிக்காசுகளை தருமாறு சொல்லி, அவையனைத்தையும் கலசத்தின் அடிப்பகுதியில் கொட்டி, மசூதியை பொது சொத்தாக மாற்றிவிட்டார் என்பது வரலாற்று சான்றாக உள்ளது.
source from www.muthupettaiexpress.blogspot.com, www.muthupettaiexpress.com
நன்றி - ராஜேந்திரன் (தினகரன்)

Read More

முத்துப்பேட்டை ஆசாத் நகரில் தேங்கி நிற்கும் கழிவு நீரால் தொற்று நோய் பரவ வாய்ப்பு!!

முத்துப்பேட்டை, டிசம்பர் 05: திருவாரூர் மாவட்டம் முத்துப்பேட்டை ஆசாத் நகர் பகுதியில் சில வருடங்களுக்கு முன்பு சாலை இருபுரத்தையும் அகலபடுத்தி பல லட்சம் ரூபாய் செலவில் கழிவு நீர் வடிக்கால் நீர் அமைக்கப்பட்டன.ஆனால் எதோ காரணத்தால் அந்த பணியை பாதியோடு நிறுத்திவிட்டனர். இதனால் கழிவு நீர் தேங்கி ஒரு வித துர்நாற்றம் வீசுவதுடன் மட்டுமல்லாமல், கொசுக்கள், புழு போன்ற கிருமிகள் ஆகியவைகளின் கூடாரமாக அமைந்துள்ளது. மேலும் அவ்வழியில் செல்லும் அனைத்து மக்களும் தங்களுடைய மூக்கை பொத்திக்கொண்டு தான் செல்லுகின்றனர். மேலும் அந்த இடத்தில் நின்றால் மயக்கமே வரும் அளவிற்கு அந்த இடம் மோசமாக காட்சியளிக்கிறது . பாதி வேலை நிறுத்தப்பட்ட இந்த கழிவு நீர் வடிக்கால் நாளுக்கு நாள் அதன் தடுப்பு சுவர் இடிந்து முழுவதும் சேதமாகி உள்ளதால் பொது மக்கள் நடப்பதற்கும், வாகனங்கள் செல்வதற்கு இடையூராகவும், வியாபாரிகளுக்கு மிகவும் துன்புருத்தலாகவும் உள்ளது. இது குறித்து அப்பகுதி மக்கள் மற்றும் வியாபாரிகள் சம்பந்தப்பட்ட அதிகாரிகளிடம் எடுத்துக்கூறியும் அலட்சியமாகவும், செவிடர்களாகவும் இன்றுவரையும் இருந்து வருகின்றனர். இதனால் ஆத்திரம் அடைந்த பொது மக்கள் ஒரு துண்டு பிரசுங்கத்தை நோய்களை தந்தமைக்கு நன்றி என்று வெளியிட்டுள்ளனர்.இந்த துண்டு பிரசுங்கத்தை படிப்பவர்கள் வெறும் காமடியாகத்தான் இருக்கிறது என்றும் மக்கள் மத்தியில் பரபரப்பாக இருந்து வருகிறது. உள்ளாட்சி யின் நோக்கம் சாலை வசதி, தெருவிளக்கு, சுகாதாரம் ஆகியவைகளை சுத்தமாக வைப்பது தான் பேரூராட்சியின் வேலை இவற்றை பார்த்தாவது சீர் செய்வார்கள பேரூராட்சி மன்றம் பொறுத்திருந்து பார்போம்.

மக்கள் வெளியிட்ட துண்டு பிரசுரம் உங்கள் பார்வைக்கு கீழே:



தொகுப்பு

ரிப்போர்ட்டர் M . முஹைதீன் பிச்சை

Read More

மவுத்து அறிவிப்பு: "அப்துல் ஹமீது"

முத்துப்பேட்டை, டிசம்பர் 05 : சின்ன கட்சி தெரு மர்ஹூம் கு.மு.முஹைதீன் மரைக்காயர் அவர்களின் மகனும்,மர்ஹூம் அ.மு.அப்துல் ஜப்பார் அவர்களின் மருமகனும் M.அஹமது ஜலாலுதீன், மர்ஹும் பசீர் அஹமது அவர்களின் சகோதரரும், AE . இபுராமுசா, SP . சின்ன மரைக்காயர் ஆகியோரின் மைத்துனரும், H . காதர் உசேன் அவர்களின் சகலையும், T . ஜகபர் சாதிக், S . நியாசுத்தின் அவர்களின் மாமனாரும், "AM . ஜக்கரிய அவர்களின் மச்சானும், A .முஸ்தாக் அஹ்மத் அவர்களின் தகப்பனாருமாகிய "அப்துல் ஹமீது" அவர்கள் இன்று காலை 8 மணியளவில் மவுத்தாகி விட்டார்கள். (இன்னா லில்லாஹி வ இன்னா இலைகி ராஜிவூன்) அன்னாரின் ஜனாசா இன்று மாலை 4 மணியளவில் குத்பா பள்ளி மையவாடியில் நல்லடக்கம் செய்யப்படும் என அறிவிக்கிறார்கள்.
source from www.muthupettaiexpress.blogspot.com
அறிவிப்பவர்

AE . இபுராம்சா , SNM . சித்திக் அஹமது

Read More

வருகிறது முஸ்லிம் "FACE BOOK "

உலகம், டிசம்பர் 04 : இஸ்தான்புல்:ஃபேஸ்புக்கின் மாதிரியில் முஸ்லிம் இளைஞர்களுக்காக சமூக இணையதளம் ஒன்று துவங்கவிருக்கிறது.ஸலாம்வேர்ல்ட்.காம் என்ற பெயரிலான இணையதளம் அடுத்த வருடம் துவங்கும். முஸ்லிம் தொழிலதிபர்கள் சிலர் இத்திட்டத்தை துவக்க உள்ளனர். இளைஞர்களிடையே பொதுவான பார்வை மற்றும் இஸ்லாத்தின் விழுமியங்களை பரப்புரை செய்வதற்கு இந்த இணையதளத்தை துவங்க உள்ளதாக இதன் நிறுவனர்களில் ஒருவரான அஹ்மத் அஸிமோவ் தெரிவித்துள்ளார்.இஸ்தான்புல்லை தலைமையிடமாக கொண்ட இந்த இணையளத்திற்கு மாஸ்கோவிலும், கெய்ரோவிலும் அலுவலகங்கள் செயல்படும். 30 நாடுகளில் ஒருங்கிணைப்பாளர்கள் செயல்படுவர். மூன்று வருடங்களுக்குள் 50 மில்லியன்(5 கோடி) பயனீட்டாளர்களை ஈர்க்க இயலும் என நம்புவதாக அஸிமோவ் கூறினார்.
www.muthupettaiexpress.blogspot.com
தொகுப்பு

அபு மர்வா

Read More

புஷ்ஷை கைது செய்ய ஆப்பிரிக்க நாடுகளுக்கு ஆம்னஸ்டி கோரிக்கை

லண்டன்,டிசம்பர் 04 : மனித உரிமை மீறல்களை நடத்திய அமெரிக்க முன்னாள் அதிபர் ஜார்ஜ் w புஷ்ஷை கைதுச்செய்ய ஆப்பிரிக்க நாடுகளான எத்தியோப்பியா, தான்சானியா, ஜாம்பியா ஆகிய ஆப்பிரிக்க நாடுகளுக்கு சர்வதேச மனித உரிமை அமைப்பான ஆம்னஸ்டி இண்டர்நேசனல் கோரிக்கை விடுத்துள்ளது.புஷ் இம்மாதம் அந்நாடுகளுக்கு சுற்றுப்பயணம் வருகையில் கைது செய்யவேண்டும் என ஆம்னஸ்டி கோரிக்கை விடுத்துள்ளது. அமெரிக்க அதிபராக புஷ் பதவி வகித்த வேளையில் மனித உரிமை மீறல்களுக்கு தலைமை வகித்ததாக குற்றச்சாட்டு எழுந்துள்ள சூழலில் இக்கோரிக்கையை ஆம்னஸ்டி விடுத்துள்ளது.கொடுமைகளுக்கு தலைமை வகித்தவர்கள் சுதந்திரமாக நடமாடுவது சர்வதேச சட்டங்களுக்கு உகந்தது அல்ல. ஆதலால் புஷ்ஷை கைது செய்வதற்கான பொறுப்பை ஆப்பிரிக்க நாடுகள் நிறைவேற்ற வேண்டும் என ஆம்னஸ்டியின் சட்ட ஆலோசகர் மாட் பொல்லார்ட் தனது அறிக்கையில் கூறியுள்ளார்.முகத்தை துணியால் கட்டிவிட்டு கைதிகளின் முகத்தில் தண்ணீரை அடிக்கும் வாட்டர் போர்டிங் போன்ற சித்திரவதைகளை செய்வதற்கு புஷ் தலைமை தாங்கியதாக மனித உரிமை அமைப்புகள் குற்றம் சாட்டுகின்றன. கைது செய்துவிடுவார்களோ என்ற அச்சத்தால் ஜார்ஜ் w புஷ் இவ்வருடம் சுவிட்சர்லாந்து பயணத்தை ரத்துச் செய்தார் என்பது குறிப்பிடத்தக்கது.

நமது நிருபர்

சித்திக் ரஹ்மான் - (லண்டன்)

Read More

முத்துப்பேட்டை குத்பா பள்ளி திறப்பு விழா சிறப்பு மலருக்கு படைப்புகள் வரவேற்கப்படுகின்றன..

முத்துப்பேட்டை,டிசம்பர் 03 : அன்பார்ந்த வெளிநாட்டு வாழ் முத்துப்பேட்டை சகோதரர்களே.. நமதூர் குத்பா பள்ளிவாசலானது மறு சீரமைப்பு பணிகள் முடிக்கப்பட்டு இன்ஷா அல்லாஹ்.. வரும் 30.12.11 வெள்ளிக்கிழமை (ஹிஜ்ரி 1433 ஸஃபர் பிறை 4 ல்) திறப்பு விழா காண உள்ளது.இந்த திறப்பு விழாவினை முன்னிட்டு, சிறப்பு மலர் ஒன்றினை வெளியிட குத்பா பள்ளி திறப்பு விழா கமிட்டியானது முடிவு செய்துள்ளது. கமிட்டியின் ஆலோசனைக்கூட்டமானது இன்று காலை 11 மணியளவில் குத்பா பள்ளியில் நடைபெற்றது.
அக்கூட்டத்தில் ஹாஜி முஹம்மது முஹைதீன் அவர்கள் - (குத்பா பள்ளி நிர்வாக கமிட்டி தலைவர்), ஹாஜி MA. இப்னு ஹமீது (குத்பா பள்ளி நிர்மான கமிட்டி துணைச் செயலாளர்), அனைத்து முஹல்லா முன்னாள் தலைவர் ஜனாப்.MKN. முஹம்மது முஹைதீன் அவர்களும், எம்.கே.எம்.ஜபருல்லா (நிர்வாக கமிட்டி - செயலாளர்) மற்றும் பிறரும் கலந்துக்கொண்டனர்.
திறப்பு விழா மலருக்கு தாங்களின் வாழ்த்துக்கள், நிறுவனத்தின் விளம்பரங்கள், கடை விளம்பரங்கள், இஸ்லாம் சம்மந்தமான கட்டுரைகள், மற்றும் ஏனைய செய்திகளை அனுப்பி வைக்குமாறு அன்புடன் வேண்டுகிறோம். (வசதி இருந்தால் விளம்பரங்களை தாங்களே டிசைன் செய்து மின்னஞ்சலில் அனுப்பி வைக்கலாம்).
வெளி நாட்டில் உள்ள முத்துப்பேட்டை வாழ் சகோதரர்கள் மட்டுமின்றி பிற ஊர் சகோதரர்களும் தாங்களுடைய வாழ்த்துக்கள், விளம்பரங்கள், கட்டுரைகளை எங்களுக்கு அனுப்பி வைக்கலாம். (கட்டுரைகள் யுனிகோட் பாண்ட் வடிவில் இருந்தல் அவசியம். அனைத்து படைப்புகளும் எங்களுக்கு 10.12.11 அன்றுக்குள் கிடைக்குமாறு பார்த்துக்கொள்ளவும்)

மின்னஞ்சல் முகவரி : advtmtt@gmail.com

குறிப்பு:

சிறப்பு மலருக்கான விளம்பர விவரமானது: (இந்திய ரூபாய் மதிப்பில்)

முழு பக்கம் : ரூ. 1500
அரை பக்கம் : ரூ. 750
கால் பக்கம் : ரூ. 300

சிறப்பு மலர் விழாக்குழுவினர்கள்:

1. பி.எம். ஜாகிர் உசேன் - (முத்துப்பேட்டை இஸ்லாமிய நலச்சங்கம்)
2. ஹாஜி. கே. எம். நெய்னா முஹம்மது (சோழ நாடு)
3. ஹாஜி. எம். முகம்மது அலி ( செயலாளர் - குட்டியார் பள்ளி)
4. எம்.கே.என். நிஜாம் முஹம்மது ( கொத்பா பள்ளி - செயற்குழு)
5. ஈ.கே. ஹபீப் முஹம்மது - புதுத்தெரு

நன்றி - முத்துப்பேட்டை ஆர்க் - அபு ஆஃப்ரின்

நிச்சயமாக எவர்கள் "எங்கள் இறைவன் அல்லாஹ்வே" என்று கூறி, பிறகு அதிலேயே நிலைத்து
நிற்கிறார்களோ, அவர்க்ளுக்கு பயமில்லை, அவர்கள் துக்கப்படவும் மாட்டார்கள்.( குர்ஆன் 46:13)

Read More

கொத்பா பள்ளி 30 .12 .2011 திறப்பு, நிர்மான கமிட்டி செயலர் MKN முஹம்மது முஹைதீன் பேட்டி

முத்துப்பேட்டை, டிசம்பர் 02 : திருவாரூர் மாவட்டம் முத்துப்பேட்டையில் உள்ள கொத்பா பள்ளி வாசல் திறப்பு விழா வருகிற 30 .12 .2011 ஆம் தேதி அன்று நடைபெற உள்ளதாக கொத்பா பள்ளி நிர்வாகிகள் அறிவித்துள்ளார்கள். இது குறித்து முத்துப்பேட்டை எக்ஸ்பிரஸ் இணையதள நிருபர் நேரில் சென்று கேட்ட கேள்விக்கு பின்னர் பதிலளித்த முத்துப்பேட்டை கொத்பா பள்ளி நிர்மான கமிட்டி செயலர் ஜனாப். MKN . முஹம்மது முஹைதீன் அவர்கள், இந்த பள்ளியை சென்ற மாதம் 04 .11 .2011 ஆம் தேதியே திறக்க இருந்ததாகவும், ஆனால் பள்ளிவாசலின் வேலைகள் முடிவு பெறாமல் இருந்ததின் காரணத்தால் ஒரு மாதம் காலதாமதம் செய்திருந்தோம் என்றும், தற்போது அனைத்து வேலைகளும் முடிவு பெரும் விதத்தில் இருந்து வருவதால் இன்ஷா அல்லாஹ் வருகிற 30 .12 .2011 ஆம் தேதி அன்று பள்ளியை திறக்க இருக்கிறோம் என்றும் அப்போது அவர் தெரிவித்தார். எனவே இப்பள்ளி திறப்பு விழாவிற்கு அனைத்து ஊர் மக்களும் மற்றும் முத்துப்பேட்டையில் உள்ள அனைத்து ஜமாஅத் பள்ளி தலைவர்களும், மற்றும் பொது மக்களும் தவறாமல் கலந்து கொண்டு இந்நிகழ்ச்சியை சிறப்பித்து தருமாறு கேட்டுக்கொள்கிறேன் என்றும் அவர் தெரிவித்தார்.

தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More

அண்ணிய முதலீட்டை இந்தியாவிற்குள் விட மாட்டோம் வர்த்தக சங்கங்கள் போர்க்கொடி!

முத்துப்பேட்டை, டிசம்பர் 01 : இந்தியாவில் சில்லரை வணிகத்தில் அண்ணிய முதலீட்டில் 50 சதவீதத்தை உயர்த்த நினைக்கும் மத்திய அரசை கண்டித்து நாடு முழுவதும் இன்று முழு கடையடைப்பு நடைபெற்று வருகிறது. எனினினும் இவற்றை ஆதரித்து முத்துப்பேட்டையில் உள்ள அனைத்து வர்த்தக சங்கங்கள் சார்பில் கடைகள் மூடப்பட்டுள்ளன. இது குறித்து முத்துப்பேட்டை எக்ஸ்பிரஸ் இணையதள நிருபர் தொலைபேசி மூலம் தொடர்பு கொண்டு கேட்ட கேள்விக்கு பதிலளித்த முத்துப்பேட்டை நகர வர்த்தக சங்கத்தின் தலைவர் திரு. கோ. அருணாச்சலம் அவர்கள், இந்தியாவில் உள்ள அனைத்து சில்லரை வணிகத்தில் அண்ணிய முதலீட்டை 50 சதவீதம் திணிக்க நினைக்கும் மத்திய அரசை கண்டித்து இன்று நாடு முழுவதும் கடையடைப்பு போராட்டம் நடைபெற்று வருகிறது என்றும், எனவே முத்துப்பேட்டையில் உள்ள வர்த்தக சங்கம், வர்த்தக கழகம், பெரிய கடைத்தெரு வர்த்தக சங்கம் ஆகிய மூன்றும் சேர்ந்து முத்துப்பேட்டையில் உள்ள அனைத்து கடைகளையும் அடைத்து அண்ணிய முதலீட்டை உடனே தடுத்து நிறுத்த இந்த போராட்டத்தில் இறங்கி உள்ளோம் என்றும் அப்போது அவர் தெரிவித்தார்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More

வீட்டை விட்டு ஓடும் பெண்களுக்காண “நரகத்தை நோக்கி” என்ற தலைப்பில் ஓர் குறும்படம்

கடையநல்லூர், நவம்பர் 30 : அன்பார்ந்த இஸ்லாமிய சமுதாய சகோதர, சகோதரிகளே கடந்த சில வருடங்களாக நமது சமுதாயத்தில் சில இளம் பெண்கள் அந்நிய ஆண்களுடன் பழகுவதால் ஏற்படும் விளைவுகளை எடுத்து சொல்லக்கூடிய ஒரு படிப்பினையாக இந்த குறும்படம் எடுக்கப்பட்டுள்ளது. முதலில் இந்த குறும்படத்தை எழுதி,இயக்கிய கடையநல்லூரை சார்ந்த ரபீக் ரோமான் அவர்களுக்கு நன்றி சொல்லியே ஆகவேண்டும்.

இப்படத்தின் மூலம் நாம் பயனடையும் நன்மைகள்:

பெண்கள் எவ்வாறு இருக்க வேண்டும் என்பதற்கு உதாரணமாய் சித்திகரிக்கப்படும் பாத்திமா மற்றும் பெண்கள் எவ்வாறு இருக்க கூடாது என்பதற்கு உதாரணமாய் தஸ்லீமா.இந்த இருவர்தான் கதையின் கதாபாத்திரங்கள்.

அந்நிய ஆண்களுடன் பழகுவதினால் ஏற்படும் விளைவுகள் மிக கொடுரமானதாக இருக்கும் என்பதை மிக அருமையாக காட்டி உள்ளார் இயக்குனர் ரபீக் அவர்கள்.

பெற்றோர்கள் தங்கள் பிள்ளைகளுக்கு செல்லம் என்ற பெயரில் அதிக சுதந்திரம் கொடுப்பதினால் ஏற்படும் விளைவுகள், மிஸ்ஸிடு கால்களினால் மிஸ்ஸாகி போகும் பெண்களின் வாழ்க்கை என பெற்றோருக்கு அறிவுரை கூறும் படமாக உள்ளது.

ஆங்காங்கே குரான் வசனங்கள் இந்த படத்தில் மிக அருமையாக சுட்டிக்காட்டப்பட்டுள்ளது:

இந்த படத்தை பார்த்து தவறான வழியை தேர்ந்தெடுக்கும் இளம் பெண்கள் திருந்த வேண்டும் என்பதே இயக்குனர் அவர்களின் நோக்கம்.

இந்த படத்தை தயாரித்தவர்களின் நோக்கம் வெற்றியடைய நாம் அனைவரும் துஆ செய்வோம்.

இந்த குறும்படம் சி.டி வடிவில் விநியோகிக்கப்பட்டு வருகிறது.வேண்டும் என்பவர்கள் public.mttexpress@gmail.com என்ற மெயில் முகவரி மூலம் தொடர்பு கொள்ளவும்.

மேலும் விபரம் அறிய இந்த தொலைபேசி எங்களை தொடர்பு கொள்ளவும் : 95513 88406

தொகுப்பு

ரிப்போர்ட்டர் இல்யாஸ், ASNS .அப்துல் பாரி,EK .முனவ்வர் கான்,அபு மர்வா

Read More

ஜாக் சார்பில் மாநாடு திருவாரூர் மாவட்ட தலைவர் ஜனாப்.டாக்டர் மீரா லப்பை பேட்டி.

முத்துப்பேட்டை,நவம்பர் 30 : "ஜம்மியத்துள் அஹ்லில் குர்ஆன் வல் ஹதீஸ்" சார்பில் வருகிற ஜனவரி மாதம் 14 , 15 ஆகிய தேதிகளில் "படைப்புகளை விட்டு படைத்தவனை நோக்கி" என்ற முழக்கத்துடன் மாபெரும் சிர்க் ஒழிப்பு மாநாடு கோவையில் நடைபெற உள்ளது என திருவாரூர் மாவட்ட தலைவர் ஜனாப். டாக்டர். முஹமது மீரா லப்பை அவர்கள் தெரிவித்துள்ளார். இது குறித்து முத்துப்பேட்டை எக்ஸ்பிரஸ் இணையதள நிருபர் நேரில் சென்று கேட்ட கேள்விக்கு பதிலளித்த திருவாரூர் மாவட்ட தலைவர் டாக்டர். முஹமது மீரா லப்பை அவர்கள், ஜம்மியத்துள் அஹ்லில் குர்ஆன் வல் ஹதீஸ் (JAQH ) என்ற இவ்வமைப்பு சிர்க்கை ஒழிப்பதற்குத்தான் துவங்கப்பட்டுள்ளது என்று அவர் தெரிவித்தார். இதன் மூலம் இஸ்லாத்தை அதன் தூய்மையான வடிவில் மக்கள் அறிந்து கொள்ள வேண்டும் என்பதற்காக இஸ்லாத்தின் மூலாதாரங்களான "திருமறைக் குர்ஆன்" மற்றும் இறுதி தூதரின் நடைமுறைகளான ஹதீஸ் ஆகிய இவ்விரண்டையும் அனைத்து மக்களிடமும் கொண்டு செல்ல வேண்டுமென்ற மற்றொரு நோக்கத்தையும் இணைத்துக்கொண்டு அதன் அடிப்படையில் கடந்த 23 ஆண்டுகளாக இவ்வமைப்பு செயல்பட்டு வருகிறது என்றும் அவர் தெரிவித்தார். மேலும் குர்ஆன், ஹதீஸ் அடிப்படை யிலான மார்க்க அறிஞர்களை உருவாக்க வேண்டும் என்பதற்காக ஆண்களுக்கான அரபி கல்லூரிகளையும், பெண்களுக்கான அரபி கல்லூரிகளையும் தமிழகத்தில் பல பகுதிகளிலும் நிறுவி பல மார்க்க அறிஞர்களையும் உருவாக்கி தொடர்ந்து செயல்பட்டு வருவதாகவும் அவர் தெரிவித்தார்.இவையன்றி சமுதாய நலன் கருதி அல்ஹுதா உயர் நிலைப்பள்ளி, அல்ஹுதா காது கேளாதோர் பள்ளி, ஹிஃப்ஸ் (குர்ஆன் மனன ) மதரசா, SSV . ஆரம்பப்பள்ளி, அல்ஹுதா நூலகம், அல்ஹுதா கம்ப்யூட்டர் செண்டர், அல்ஹுதா மாணவர்கள் இல்லம், அல்ஹுதா மாணவிகள் இல்லம், இவைகள் அனைத்தும் தற்போது திருச்சியில் பல ஆண்டுகளாக நம் சமுதாய மக்களின் நன்கொடைகள் மூலம் சிறப்பாக செயல்பட்டு வருகின்றது என்றும், மேலும் இதன் மூலம் அல் ஜன்னத் என்ற மார்க்க விளக்க மாத இதழையும் நடத்தி வருகிறது என்றும் அவர் தெரிவித்தார். தமிழகத்தில் குர்ஆன், ஹதீஸ் அடிப்படையிலான 70 க்கும் மேற்பட்ட மர்கஸ்களை நிறுவி அவைகள் மூலம் தூய இஸ்லாமிய பிரச்சார பணிகள் நடைபெற்று வருவதாகவும் அப்போது அவர் தெரிவித்தார்.இது போன்று இஸ்லாமிய மார்க்கத்தினை அதனுடைய தூய்மையான வடிவிலே அனைத்து மத மக்களும் அறிந்து கொள்ள வேண்டும் என்ற நோக்கில் இவ்வமைப்பினரால் மாவட்ட அலவிலும், மண்டல அலவிலும் அவ்வப்போது மாநாடுகளை நடத்தி வருவதாகவும் இந்த அடிப்படையில் தான் எதிர் வரும் ஜனவரி 14 , 15 ஆகிய தேதிகளில் கோவையில் இன்ஷா அல்லாஹ் இம்மாநாடு நடைபெற உள்ளது என்றும் எனவே அனைத்து தரப்பு மக்களும் இதில் கலந்து கொண்டு பயனடையுமாறு அன்புடன் கேட்டுக்கொள்கிறேன் என்றும் அவர் தெரிவித்தார்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More

முத்துப்பேட்டை மழை நீர் வெள்ளத்தால் பாதிப்படையும் பொதுமக்கள் மற்றும் மாணவர்கள்!

முத்துப்பேட்டை, நவம்பர் 29: திருவாரூர் மாவட்டம் முத்துப்பேட்டையில் கடந்த சில நாட்களாகவே கனமழை பெய்து வருகிறது. எனினும் இம்மழையின் காரணத்தால் தண்ணீர் ஆங்காங்கே வெள்ளம் போல தேங்கி கிடக்கின்றன. அவற்றில் முத்துப்பேட்டை பட்டுக்கோட்டை ரோட்டில் (பிர்லியான்ட் பள்ளிகூடம் எதிரில்) உள்ள ரஹ்மத் பள்ளிவாயில், புதிய பேருந்து நிலையத்தில் உள்ள சாலைகள், ஆகிய இடங்களில் அதிகமான வெள்ள நீர் சூழ்ந்துள்ளதால் பொதுமக்கள் அனைவரும் பாதிப்புக்குள்ளாகி வருகின்றனர். மேலும் ஆசாத் நகரில் உள்ள ஊராட்சி ஒன்றிய தொடக்கப் பள்ளியிலும் வெள்ளம் சூழ்ந்த வண்ணம் உள்ளன. எனவே இதனால் மாணவர்கள் பள்ளிக்கு சென்றால் நீரில் நீந்தித்தான் போகவேண்டும் என்ற சூழ்நிலை உருவாகி உள்ளது. மேலும் அவ்வாறு செல்லக்கூடிய பள்ளி மாணவர்கள் அணிந்த ஆடைகள் மற்றும் புத்தக பைகள் இவையாவும் நுழைந்து விடுகின்றது. இதனால் அவர்களின் படிப்பில் சற்று கவனம் குறைந்தும், உடல்நிலை சரி இல்லாமல் போவதும் காரணமாக அமைந்துள்ளது. எனவே இவை அனைத்தையும் கருத்தில் கொண்டு முத்துப்பேட்டை பேரூராட்சியின் தலைவர் இவற்றை உடனே அகற்றி பொது மக்கள் மற்றும் மாணவர்களை வெள்ள நீர்களிலிருந்து பாதுகாக்க தக்க நடவடிக்கை எடுக்க வேண்டுமாய் முத்துப்பேட்டை எக்ஸ்பிரஸ் இணையத்தளம் சார்பாக கேட்டுக்கொள்கிறோம்.
www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், அபு மர்வா

Read More

PFI யின் மாநாடும் அனைத்து முஸ்லிம் மக்களின் ஒத்துழைப்பும் வியந்து போன டெல்லி மாநிலமும்

டெல்லி, நவம்பர் 29: பாப்புலர் ஃப்ரண்ட் ஆஃப் இந்தியா நடத்திய மாபெரும் சமூக எழுச்சி மாநாட்டில் லட்சக்கணக்கான மக்கள் கலந்து கொண்டு சிறப்பித்தனர். இதில் ஏராளாமான இமாம்கள் , அரசியல் தலைவர்கள் , எழுத்தாளர்கள் , உயர் அதிகாரிகள் ஆகியோர் கலந்து கொண்டு தங்களுடைய பல்வேறு கருத்துகளை பரிமாறினார்கள்.பாப்புலர் ஃப்ரண்ட் ஆஃப் இந்தியா தலைவர் ஜனாப். அப்துர் ரஹ்மான் சாஹீப் அவர்கள் கோடியை ஏற்றிய பின்னர் மாநாடு துவங்கப்பட்டன. இந்த மாநாட்டின் நுழைவாயிலில் வரக்கூடிய அனைத்து மக்களையும் மெட்டல் டிடேக்ட்டர் மூலம் பரிசோதனை செய்த பின்னரே உள்ளே அனுமதிக்கப்பட்டனர். ஏனெனில் சமூக விரோதி அல்லது தீவிரவாதிகள் யாரும் உள்ள புகாத வண்ணம் இவ்வாறு நடத்தினோம் என்று போலிஸ் வட்டாரங்கள் தெரிவித்தன. மேலும் இம்மாநாட்டில் உணவு தொழுகைக்கான இடம் ஆகியவை தனித்தனியாக ஒதுக்கப்பட்டிருந்தன. மாநாட்டையொட்டி நடைபெற்ற மில்லி கன்வென்சனை துவக்கி வைத்து உரை நிகழ்த்தினார் அவர். அப்பொழுது அவர் கூறியதாவது:சச்சார், ரங்கநாத் மிஷ்ரா கமிஷன் அறிக்கைகளை தற்பொழுதும் மேசைக்குள் பாதுகாப்பாக வைக்கப்பட்டுள்ளன. முஸ்லிம்களின் வழிப்பாட்டு உரிமை கூட சவாலை சந்தித்துக்கொண்டிருக்கிறது. பலரும் முஸ்லிம்களின் பிரச்சனைகளை கேட்க கூட தயாரில்லை. முஸ்லிம்களை ஏமாற்றுவதில் எல்லா அரசியல் கட்சிகளும் ஒரே போலவே உள்ளன.புதுடெல்லி:முஸ்லிம்களின் மோசமான சூழ்நிலையை சச்சார் கமிட்டி சுட்டிக்காட்டிய பிறகும் அரசியல் கட்சிகள் முஸ்லிம்களை ஏமாற்றுவது தொடர்கிறது என டெல்லி ஃபதேஹ்பூரி ஷாஹி இமாம் முஃப்தி முஹம்மது முகர்ரம் அஹ்மத் கூறியுள்ளார்.சமூக நீதிக்கான அழைப்பு வெறும் முஸ்லிம்களுக்கு மட்டும் அல்ல. சமூகத்தின் அனைத்து பிரிவினரும் அதன் வரம்பிற்குள் வருவர். இத்தகையதொரு சமூகநீதிக்காகத்தான் நமது தேச தந்தை மகாத்மா காந்தி சுதந்திர இந்தியாவுக்காக பாடுபட்டார். அதனால்தான் அவர் கலீஃபா உமரின் நீதியை விரும்பினார். சமூகநீதி மாநாடு முஸ்லிம்களின் துயரநிலையை மாற்றுவதற்கான முக்கியத்துவம் வாய்ந்த துவக்கமாகும். இவ்வாறு ஃபதேஹ்பூர் ஷாஹி இமாம் கூறினார்.பாப்புலர் ஃப்ரண்ட் ஆஃப் இந்தியா டெல்லியில் நடத்திவரும் சமூக நீதி மாநாட்டில் ’நீதிக்கான மக்களின் உரிமை’ என்ற கருத்தரங்கில் உரை நிகழ்த்தினார். அவர் கூறியதாவது: ‘அரசின் அனைத்து துறைகளும் முஸ்லிம்களுக்கு அநீதியை காட்டுகின்றன. கல்வி கற்ற மாணவர்களுக்கு தங்களுடைய கல்வி தகுதியே பெரும் தலைவலியாக மாறும் அளவிற்கு இந்தியாவின் புலனாய்வு ஏஜன்சிகள் நடந்துகொள்கின்றன.அஸிமானந்தா என்ற குற்றவாளி பல வருடங்களுக்கு பிறகு குற்ற ஒப்புதல் வாக்குமூலம் அளித்தபோது அதனை கொண்டாட இங்கே ஆட்கள் உள்ளனர். ஆனால், மனித உரிமை ஆர்வலர்கள் இந்த உண்மைகளை பத்து ஆண்டுகளுக்கு முன்பே கூறிவிட்டனர். இந்தியாவில் நடந்த எந்த குண்டுவெடிப்பிலும் ஒரு முஸ்லிமுக்கும் பங்கில்லை.’ இவ்வாறு கெய்ர்னார் கூறினார்.புதுடெல்லி:சங்க்பரிவாரம் நடத்திய குண்டுவெடிப்புகள் முஸ்லிம்களை பாதுகாப்பு அற்றவர்களாகவும், பீதிவயப்படுபவர்களாகவும் மாற்றியது மட்டுமல்ல, சாதாரண ஹிந்து-முஸ்லிம் மக்களிடையே ஆபத்தான பிளவுகளை ஏற்படுத்தியுள்ளது என அகில இந்திய தேசிய மதசார்பற்ற பேரவையின் தேசிய கன்வீனர் டாக்டர்.சுரேஷ் கெய்ர்னார் கூறியுள்ளார்.
source from www.muthupettaiexpress.com, www.muthupettaiexpress.blogspot.com
தொகுப்பு

ரிப்போர்ட்டர் இல்யாஸ், ASNS.அப்துல் பாரி , EK.முனவ்வர் கான் . அபு மர்வா

Read More

முத்துப்பேட்டை காவல் நிலையத்தில் ஓர் இளம்பெண் கற்பழிப்பு

முத்துப்பேட்டை, நவம்பர் 27 : திருவாரூர் மாவட்டம் முத்துப்பேட்டையில் உள்ள காவல் நிலையத்தில் ஓர் இளம்பெண் கற்பழிக்கப்பட்டுள்ளார். இதில் வேதாரணியத்தில் பத்திரிகை நிருபர் சந்தித்த அந்த நபர் கூறும்போது, "வேலியே பயிரை மேய்ந்த கதையாக இருக்கின்றது என்றும், முத்துப்பேட்டையில் எந்தப் பெண்ணும் தனியாக நடமாட முடியவில்லை என்றும் மிக வேதனையோடு அவர் கூறினார்.அந்த நபரிடம் பத்திரிகை நிருபர் இது குறித்து கேட்ட கேள்விக்கு அவர் கூறியதாவது. கடைசி பஸ்ஸை தவறவிட்ட ஓர் கிராமத்து இளம்பெண் தனியாக நிற்பதை பார்த்த முத்துப்பேட்டை இன்ஸ்பெக்டர் திரு. செங்குட்டுவன் அவர்கள் அப்பெண்ணை அழைத்து விசாரித்து விட்டு பின்பு அப்பனிடம் தனியாக நிற்கக் கூடாது என்றும், காவல்நிலையத்தில் வந்து தங்கி விடிந்தவுடன் போகலாம் என்றும் பரிவாக காவல்நிலையத்திற்கு அழைத்து சென்றார். பின்பு அந்தப் பெண்ணை காவல்நிலையத்தில் விட்டுவிட்டு தன்னுடைய வீட்டிற்கு செண்டுள்ளார். அங்க இருந்த இரண்டு போலீசார் அந்த இளம்பெண்ணை பலவந்தமாக மாறி மாறி கற்பழித்துள்ளனர். கடைசியா இன்ஸ்பெக்டர் வருவதற்குள் போகிவிடு என்று அதிகாலை 3 மணிக்கு அந்தப் பெண்ணை அவர்கள் அனுப்பி வைத்தனர், அப்போது அப்பெண்ணால் நடக்க முடியாமல் சோர்ந்து போய் எதிரே உள்ள நிழற்குடையில் போய் சுருண்டு படுத்தது. அப்போது தாமதமாக வந்து இன்னொரு போலிஸ் அந்த நிழற்குடையில் வைத்தே அந்தப் பெண்ணை கற்பழித்துள்ளார். இதை பார்த்த அந்த ஏரியா மக்கள் இன்ஸ்பெக்டருக்கு போன் மூலம் தகவல் கொடுத்தனர். உடனே சம்பவ இடத்திற்கு விரைந்து வந்த இன்ஸ்பெக்டர் என்னய்யா இப்படிப் பண்ணிடீங்கனு அந்தப் பெண்ணை மீட்டு வேதாரண்யம் போகும் குருவி பேருந்தில் ஏற்றிவிட்டார். அப்போது அந்த பெண் பேருந்தில் அழுதுகிட்டு வந்தது.அப்போது அந்த பெண்ணிடம் விசாரித்தபோது தான் எல்லா விபரமும் தெரியவந்தது. மறுநாள் அந்தப்பகுதி கடைக்காரவரிடம், விசாரித்தபோது, இந்த காவல்நிலையத்தில் இப்படித்தான் அடிக்கடி நடந்து வருகிறது என்றும், போன மாதம் கூட துப்புரவு வேலைக்கு வந்த ஒரு பெண்ணையும் போலீசார்கள் கற்பளித்துல்லார்கள் என்றும் மிக வருத்தத்துடன் தெரிவித்தார்.இது குறித்து இன்ஸ்பெக்டர் திரு. செங்குட்டுவன் அவர்களிடம் நாம் கேட்டபோது அப்படி எதுவும இங்க நடக்கவில்லை என்று மறுத்தார்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EK .முனவ்வர் கான், ரிப்போர்ட்டர் யூசுப் அலி

நன்றி - நக்கீரன்

Read More

மவுத்து அறிவிப்பு: "K .ஜெக்கரிய்யா"

முத்துப்பேட்டை,நவம்பர் 26 : செக்கடித்தெரு மர்ஹும் குஞ்சளியப்பா மரைக்காயர் அவர்களின் மகனும், மர்ஹும் K . ஜைனுல் ஆப்தீன் அவர்களின் சகோதரரும், J .பகுருதீன் அவர்களின் தகப்பனாருமாகிய "K .ஜெக்கரிய்யா" அவர்கள் நேற்று மாலை 5 .30 மணியளவில் பட்டுக்கோட்டை வளவாம்புறம் அவரது இல்லத்தில் மவுத்தாகிவிட்டார்கள். (இன்னா லில்லாஹி வ இன்னா இலைஹி ராஜிவூன்) அன்னாரின் ஜனாசா இன்று காலை 11 மணியளவில் பட்டுக்கோட்டை ஜும்மா பள்ளி வாசல் கபர்ஸ்தானில் நல்லடக்கம் செய்யப்படும் என அறிவிக்கிறார்கள்.
www.muthupettaiexpress.blogspot.com
அறிவிப்பவர்

J . முஹம்மது முஹைதீன்

Read More

முத்துப்பேட்டையில் வெள்ளத்தடுப்பு பணிக்காக வெளி நாட்டவர் ஆய்வு

முத்துப்பேட்டை, நவம்பர் 25 : தமிழ்நாடு பொது பணித்துறை மூலம் வெண்ணார், காவேரி, மற்றும் கல்லனைக் கால்வாய் பாசன பார்வையில் மழை நீரை பாது காப்பாக கடலுக்கு கொண்டு சேர்ப்பதற்கும், மக்களை வெள்ளத்திலிருந்து பாதுகாக்கும் விதமாக, அவற்றிருக்கு வெல்ல தடுப்பு முறையை செயல்படுத்த ஆசியா வளர்ச்சி வங்கி முடிவு செய்துள்ளது. இந்த செயல் திட்டத்தை முத்துப்பேட்டையில் எவ்வாறு நிறைவேற்றலாம் என்பதை ஆசிய வளர்ச்சி வங்கியின் தலைவர் ஆஸ்திரேலியா நாட்டை சேர்ந்த திருமதி. சிண்டி மால்விசின் தலைமையில் ஆஸ்திரேலியா, சைனா, நிவ்ஸ்லாந்து, இலங்கை ஆகியா நாடுகளை சார்ந்த 5 பேர் கொண்ட குழு நேற்று முத்துப்பேட்டையில் உள்ள லகூன் பகுதிக்கு சென்று அவற்றை பார்த்து ஆராய்ச்சியை மேற்கொண்டனர். இந்த ஆராய்ச்சி சுமார் 3 மணிநேரம் வரை நடைபெற்றது. இதுகுறித்து முத்துப்பேட்டை எக்ஸ்பிரஸ் இணையதள நிருபர் நேரில் சென்று கேட்ட கேள்விக்கு பதிலளித்த திருவாரூர் செயற் பொறியாளர் திரு. A . மணி அவர்கள் ஆசிய வளர்ச்சி வங்கி மூலம் நமது ஊரை வெள்ளத்திலிருந்து பாதுகாப்பதற்கும், மழை நீரை பாதுகாப்பாக கடலுக்கு கொண்டு சேர்பதற்கும் வங்கியின் மூலம் நமது ஊருக்கு லோன் தருவதாக கூறினார்கள். இது குறித்து தான் அவர்கள் இன்று முத்துப்பேட்டைக்கு வருகை தந்து ஆராய்ச்சியில் இறங்கினார்கள் என்றும் அப்போது அவர் தெரிவித்தார். இதில் காவேரி கிழக்கு செயற் பொறியாளர் திரு. பக்தவச்சலம், வனக்காவலர் திரு. மாணிக்கம் ஆகியோர் உடனிருந்தனர்.
source from www.muthupettaiexpress.blogspot.com, www.muthupettaiexpress.com
தொகுப்பு

ரிப்போர்ட்டர் இல்யாஸ், EK .முனவ்வர் கான், AKL . அப்துல் ரஹ்மான்,

Read More