முத்துப்பேட்டை எக்ஸ்பிரஸ் நடத்திய பரிசளிப்பு விழா ஓர் பார்வை...

முத்துப்பேட்டை,ஜூன் 19 : முத்துப்பேட்டை எக்ஸ்பிரஸ் இணையத்தளம் நடத்திய வினா, விடை போட்டி 30.05.2012 முதல் 30௦.06.2012 வரை கடந்த 1 மாதமாக மிக சிறப்பாக நடைபெற்று வந்தது. இந்த போட்டியில் கலந்து கொண்டு பரிசுபெற்ற முதல் மூன்று நபர்களை ஊக்கவிக்கும் விதமாக நேற்று மாலை 4.30 மணிக்கு நமது முஹைதீன் பள்ளி வாசால் மதரசாவில் மிகச்சிறப்பாக நடைபெற்றது. U. பத்ரு ஜமான் (அரூஷி) முத்துப்பேட்டை எக்ஸ்பிரஸ் இணையதளத்தின் துணைத் தலைவர் அவர்கள் தலைமை வகித்தார். M.ஷேக் மியான் (பேஸ் இமாம் அரபு சாஹிப் பள்ளி வாசல்) அவர்கள் முன்னிலை வகித்தார். பின்னர் இந்நிகழ்ச்சிக்கு சிறப்பு விருந்தினராக க.மு.நெயினார் முஹம்மது (சோழநாடு) அவர்கள் கலந்து கொண்டு சிறப்புரையாற்றினார். முத்துப்பேட்டை எக்ஸ்பிரஸ் இணையத்தள தலைவர் EKA. முனவ்வர் அஹமது கான் அவர்கள் இந்நிகழ்ச்சிக்கு நன்றியுரை வழங்கி நிறைவு செய்தார். இதில் இமாம்களும், பொதுமக்களும் கலந்து கொண்டு இந்நிகழ்ச்சியை சிறப்பித்தனர்.

பரிசு பெற்றவர்களின் விபரம்:

முதல் பரிசு ரூபாய்: 1000 பெற்றவர். J. லாமியா புதிய காளியம்மன் கோவில் தெரு முத்துப்பேட்டை.

இரண்டாம் பரிசு ரூபாய்: 750 பெற்றவர். M. செய்து அஹமது கபீர், திமிலத் தெரு முத்துப்பேட்டை.

மூன்றாம் பரிசு ரூபாய்: 500 பெற்றவர். ANA. ஹாஜா நஜுபுதீன், புதுத் தெரு முத்துப்பேட்டை.

பரிசு வழங்கியவர்களின் விபரம்:

முதல் பரிசு வழங்கியவர், A. அல் அமீன் (SDPI 13 வது வார்டு கிளை).

இரண்டாம் பரிசு வழங்கியவர், S. ஜஹபர் உசேன்.
௦
மூன்றாம் பரிசு வழங்கியவர், P.M. ஜாஹிர் உசேன்.

தேநீர் உதவி வழங்கியவர்களின் விபரம்:

M.A.K. ஹிதாயத்துல்லா. DCHT,
P.M. ஜாஹிர் உசேன்.

இந்நிகழ்ச்சியில் கலந்து கொண்டு சிறப்பித்த அனைத்து நல்லுள்ளங்களுக்கும் முத்துப்பேட்டை எக்ஸ்பிரஸ் இணைத்தளத்தின் மனமார்ந்த நன்றியை தெரிவித்துக்கொள்கிறோம்.
source from: www.muthupettaiexpress.blogspot.com, www.mttexpress.com, www.muthupettaixpress.com
தொகுப்பு

முத்துப்பேட்டை எக்ஸ்பிரஸ் நிர்வாகம்.

Read More

முத்துப்பேட்டை எக்ஸ்பிரஸ் இணையத்தளம் நடத்திய ஆலோசனைக் கூட்டம் ஓர் பார்வை.

துபாய், ஜூன் 17: முத்துப்பேட்டை எக்ஸ்பிரஸ் இணையத்தளம் நடத்திய ஆலோசனைக் கூட்டம் டேரா துபாயில் நடைபெற்றது. இந்த கூட்டத்திற்கு ASNS. அப்துல் பாரி அவர்கள் தலைமை வகித்தார். இந்த கூட்டத்தில் புதிய நிர்வாகிகள் மற்றும் முத்துப்பேட்டை எக்ஸ்பிரஸ் இணையத்தளம் மூலம் உதவிகள் வழங்குவது குறித்து பல்வேறு ஆலோசனைகள் மற்றும் தீர்மானங்களும் நிறைவேற்றப் பட்டுள்ளது. மேலும் முத்துப்பேட்டை எக்ஸ்பிரஸ் இணையதளத்தின் புதிய நிர்வாகிகளும் இதன் மூலம் தேர்ந்தெடுக்கப்பட்டனர்.

தீர்மானங்கள்:
1) ஏழை எளிய மாணவ, மாணவியர்களுக்கு கல்விக்குத் தேவையான உதவிகளை வழங்குவது.என முடிவெடுக்கப்பட்டது.
2) IFS, IAS, IPS போன்ற படிப்புகளுக்கு ஆலோசனை மற்றும் உதவிகள் வழங்குவது என முடிவெடுக்கப்பட்டது.
3) முத்துப்பேட்டையில் உள்ள அனைத்து குழந்தைகளும் கல்வி கற்க வேண்டும் இவற்றை வீடு வீடாக எடுத்துரைக்க வேண்டும் என்று முடிவெடுக்கப்பட்டது.
4) பத்திரிகை துறையில் பின்தங்கிய மானாவ, மாணவியர்களுக்கு மத்தியில் இத்துறையின் ஆர்வத்தை எடுத்துரைப்பது என்று முடிவெடுக்கப்பட்டது.
5) குழந்தைகள் தொழிலாளர் முறையை அடியோடு ஒழிக்க பாடுபடுவது என்று முடிவெடுக்கப்பட்டது.

புதிய நிர்வாகிகளின் விபரம்:

கெளரவ தலைவர்:
AKL.L.முஹமது மன்சூர்.

தலைவர்:
EKA.முனவ்வர் அஹமது கான். BHM,

துணைத் தலைவர்:
U.பத்ரு ஜமான் (அரூசி)

பொதுச் செயலாளர்:
ASNS.அப்துல் பாரி

செயலாளர்கள்:
M.முஹைதீன் பிச்சை,
M.சலாஹுதீன்
யூசுப் அலி (ஆலிம்)

துணைச் செயலாளர்:
J.ஷேக் பரீது. DHM,

பொருளாளர்:
M.A.K.ஹிதாயத்துல்லா. DCHT,

துணைப் பொருளாளர்:
H.தமீம் நியாஸ். DEE,

இணையத்தள ஆலோசகர்கள்:
M.செய்யது அப்துல் ரஹ்மான் (பூ கொய்யா)
A.சாதாத் பாட்சா ( கொய்யா)
P.M. ஜாகிர் உசேன்
I. அப்துல் ஹமீது.B.Com, PGDCA
M.சித்திக் ரஹ்மான். Bsc,

ஒருங்கிணைப்பாளர்கள்:
A.முஹம்மது இல்யாஸ். MBA. MA. Journalism & Mass Communication.
T.E.S.சுகைல்

நிருபர்கள்
AKLT.அப்துல் ரஹ்மான். BBA,
S.ஷாகுல் ஹமீது (தண்டையா)
K.எர்சாத் அஹமது. MCA,
O.M.சுபைத் கான். BE,
கோவிலூர் லட்சுமணன்
எடையூர் பாலா
source from: www.muthupettaiexpress..blogspot.com
தொகுப்பு

முத்துப்பேட்டை எக்ஸ்பிரஸ் நிர்வாகம்

Read More

முத்துப்பேட்டையில் SDPI கட்சியின் நகர கூட்டம், புதிய நிர்வாகிகள் தேர்வு.

முத்துப்பேட்டை, ஜூன் 17 : முத்துப்பேட்டை சோஷியல் டெமாக்ரட்டிக் பார்டிஆஃப் இந்தியா சார்பில் திருவாரூர் மாவட்டம் முத்துப்பேட்டையில் நகர கூட்டம் நேற்று நடைபெற்றது. இதில் புதிய நகர நிர்வாகிகள் தேர்ந்தெடுக்கப்பட்டனர். மேலும் இதில் 21.06.2012 அன்று SDPI கட்சியின் நான்காம் ஆண்டு துவக்க விழா மிக சிறப்பாக நடத்த இந்த கூட்டத்தில் முடிவு எடுக்கப்பட்டுள்ளது. இந்த கூட்டத்தில் தேர்ந்தெடுக்கப்பட்ட புதிய நிர்வாகிகளின் விபரம்:
தலைவர். S. நிஷார் அஹமது, துணைத்தலைவர் சேக் மைதீன், செயலாளர் பாட்சா, துணைச் செயலாளர். ஷாகுல் ஹமீது, பொருளாளர் சலீம், மற்றும் நகர செயற் குழு உறுப்பினர் ஷேக், பெரோஸ் கான், யாசிர், ஹபீப் கான், நெய்னா முஹமது, முஹைதீன், ரஹ்மத்துல்லாஹ் ஆகியோர் தேர்ந்தெடுக்கப் பட்டார்கள்.இந்த கூட்டத்திற்கு சிறப்பு விருந்தினராக மாவட்ட தலைவர் தப்ரே ஆலம் பாதுஷா, மாவட்ட செயலாளர் பாவா பகுருதீன், மாவட்ட பொருளாளர் நெய்னா முஹமது ஆகியோர் கலந்து கொண்டனர்.
source from: www.muthupettaiexpress.blogspotcom
நமது நிருபர்

O.M. சுபைத் கான்

Read More

முத்துப்பேட்டையில் நடைபெற்ற மாணவர் சேர்க்கை பேரணி.

முத்துப்பேட்டை, ஜூன் 16 : முத்துப்பேட்டை புதுத் தெரு ஊராட்சி ஒன்றிய நடுநிலைப்பள்ளியில் மாணவர் சேர்க்கை பேரணி நடைபெற்றது. மாணவர் சேர்க்கை பேரணியை உதவித்தொடக்கல்வி அலுவலர் ரகுராமன், இன்பவேணி ஆகியோரால் தொடங்கி வைக்கப்பட்டது. கல்விக்குழு தலைவர் மெட்ரோ மாலிக், பள்ளி மேலாண்மைக்குழு தலைவர் திரு. வ.க. ராஜேந்திரன், பெற்றோர் ஆசிரியர் கழகத் தலைவர் சுல்தான் இபுராஹீம் ஆகியோர் தலைமை வகித்தனர். இப்பேரணி புதுத் தெரு, காளியம்மன் கோவில் தெரு, ஆஸ்பத்திரி தெரு வழியாக பள்ளியை வந்தடைந்தது. சேர்க்கை பேரணியில் ஆசிரியர்களான இராமகிருஷ்ணன், ஆசிரியை முத்துலட்சுமி, அமிர்தம், துர்கா தேவி மற்றும் உறுபினர்கள் பெற்றோர்கள் கலந்து கொண்டனர். முடிவில் தலைமையாசிரியர் ஆரோக்கிய அந்தோணி ராஜ் நன்றி கூறினார்.
source from: www.muthupettaiexpress.blogspot.com
தொகுப்பு

யூசுப் அலி ஆலிம், AKL .அப்துல் ரஹ்மான்

Read More

முத்துப்பேட்டையில் உயர் மின் அழுத்த மின் கம்பம் பழுதடைந்து விழும் அபாயம்..

முத்துப்பேட்டை, ஜூன் 16 : முத்துப்பேட்டையில் பட்டுக்கோட்டை சாலை பழைய வின்னர்ஸ் ஸ்கூல் வாசலில் உயர் மின் அழுத்த மின் கம்பம் உள்ளது. அதே இடத்தில் தற்போது தலைமை தபால் நிலையம் உள்ளது. அங்கு உயர் மின் கம்பம் அது இரும்பு போஸ்டில் உள்ளது. அதிலிருந்துதான் அந்த பகுதி முழுவதும் மின்சாரம் சப்ளை செய்யப்படுகிறது. கீழ் தளத்தில் உள்ள மின்கம்பம் கீழே விழும் அபாயம் இருக்கின்றது. எந்நேரத்தில் கீழே விழும் என்ற அபாயம் அந்த பகுதி மக்களுக்கு அச்சமாகவே உள்ளது. மேலும் அந்த பகுதி எந்நேரமும் மக்கள் அலைமோதும் பகுதி முக்கியமான இடங்கள், கடைகள், முக்கிய பள்ளிவாசல்கள்,முக்கிய அலுவகம் பள்ளிக்கூடம் ஆகியவைகள் இரவு பகல் மக்களின் நடமாடும் பகுதிகளாகும். அதிராம்பட்டினம், பட்டுக்கோட்டை, திருத்துறைப்பூண்டி, வேதாரண்யம் ஆகிய ஊர்களுக்கு பேருந்துகள் செல்லும் பகுதியாகும்.அந்த பகுதியில் இந்த மின்கம்பம் அறுந்து கீழே விந்தால் அதிக உயிர்சேதம் ஏற்படும்.இந்த நிலை குறித்து மக்கள் அதிகம் புலம்பி வருகின்றனர். இது குறித்து நுகர்வோர் பாதுகாப்பு நிர்வாகி சுல்தான் இபுராஹீம் (சு.இனா) அவர்கள் கூறியதாவது. இந்த மின் கம்பத்தால் பலரது உயிர்கள் பலியாகும் நிலை உள்ளது என்றும் ஆனால் மின்சார வாரியம் இவற்றை சரி செய்யாமல் அலட்சியப்படுத்தி வருகிறது.அரசு இந்த நிகழ்வுகள் நடந்து முடிந்த பிறகுதான் சரி செய்வார்கள். ஒரு மின்வாரிய ஊழியர் மரத்தில் ஏறினாலே கம்பம் முறிந்து கீழே விழுந்து விடும் தருவாயில் உள்ளது. இந்த நிலைக்கு மின்சார வாரியம் தகுந்த நடவடிக்கை எடுக்குமா பொறுத்திருந்து பாப்போம்.
source from: www.muthupettaiexpress.blogspot.com
தொகுப்பு

AKL .அப்துல் ரஹ்மான், U .பத்ரு ஜமான் (அரூஷி)

Read More

முத்துப்பேட்டை மக்களுக்கு பயன் பட தயாராக இருக்கும் ஆசாத்நகர் பாலம்..

முத்துப்பேட்டை, ஜூன் 11 : முத்துப்பேட்டை ஆசாத நகர் ஜாம்வோனோடை புதிய இணைப்பு பாலம் விரைவில் திறப்பு விழா கண்டு மக்களின் பயன் பாட்டிற்கு தயாராக உள்ளது. அதன் காட்சியை இங்கு பாப்போம்..

நமது நிருபர்

ரிப்போர்ட்டர் கோவிலூர் லக்ஷ்மணன்

Read More

முத்துப்பேட்டையில் தி.மு.க. ஜாம்பை கல்யாணம் காரை உடைத்த R.S.S. தீவிரவாதிகள்..!!!

முத்துப்பேட்டை, ஜூன் 07 : முத்துப்பேட்டை ஜாம்வோநோடையில் நேற்று தீமிதி திருவிழா நடைபெற்றது. இதில் அந்த பகுதிகள் முழுவதும் மின் விளக்கு மற்றும் ஸ்பீக்கர் கட்டப்பட்டு பாட்டுகள் ஒழிக்கப்பட்டன. அவற்றில் கருப்புதான் எனக்கு புடித்த கலரு என்று பாடலை கேட்ட RSS தீவிரவாதிகள் அந்த பாட்டை போடா கூடாது என்றும், இந்த பாட்டை போட்டால் எங்களுடைய தலைவன் பெயர் வருகிறது என்றும் கூறி வாய்த்தகராறில் இறங்கினர். இதனால் அங்குள்ள பொது மக்களுக்கும் கலவர காரவர்களுக்கும் மத்தியில் சலசலப்பு ஏற்பட்டது. இதனை கேட்ட முத்துப்பேட்டை தி.மு.க. ஊராட்சி ஒன்றிய குழு உறுப்பினர் திரு. ஜாம்பை கல்யாணம் அவர்கள் காதுக்கு எட்டியது. அப்போது அவர் இருவருக்கும் மத்தியில் சமரசத்தை ஏற்படுத்த முயற்சித்தார். இதுபுடிக்காத R.S.S. தீவிரவாதிகள் மத்தியில் மேலும் ஆத்திரம் அடைந்து அங்கு நிறுத்தப்பட்ட ஜாம்பை கல்யாணம் அவர்களின் காரை உடைத்து சேதப்படுத்தினர். இது குறித்து பொலிசாருக்கு தகவல் தெரிவிக்கப்பட்டு போலீசார் விரைந்தனர். மேலும் சம்பவத்தில் ஈடுபட்ட முத்துப்பேட்டை பிஜேபி முருகானந்தம், மற்றும் மகேஷ் உள்ளிட்ட 13 பேர் மீது வழக்கு பதிவு செய்து போலீசார் தேடிவருகின்றனர். இதனால் முத்துப்பேட்டையில் பெரும் பரபரப்பு ஏற்பட்டது.
source from: www.muthupettaiexpress.blogspot.com
தொகுப்பு

ரிப்போர்ட்டர் இல்யாஸ், ASNS .அப்துல் பாரி, EKA .முனவ்வர் கான், அபு மர்வா

Read More

முத்துப்பேட்டை வாழக்காய் பச்சில் மிருக உருவங்கள்..!!!

முத்துப்பேட்டை, ஜூன் 07 : முத்துப்பேட்டை பழைய பேருந்து நிலையம் அருகில் வடைகடை உள்ளது. இந்த கடையில் எந்நேரமும் கூட்டமாக இருந்தது. இந்த நிலையில் அந்த கடை மாஸ்டர் முஹம்மது இபுராஹீம் போட்ட வாழைக்காய் பஜ்ஜிகளில் ஒரு பஜ்ஜி முயல் உருவத்தில் இரண்டு முயல் கட்டி பிடித்து பாசத்தை பரிமாற்றம் செய்வது போலவும், இன்னொரு செம்மறி ஆடு அமர்ந்து அசை போடுவது போலவும் இருந்தது.இவற்றை மக்கள் கூட்டம் கூட்டமாக வந்து பார்த்தனர்.
source from: www.muthupettaiexpress.blogspot.com, www.mttexpress.com
தொகுப்பு

அகலத்.அப்துல் ரஹ்மான்,

Read More

முத்துப்பேட்டையில் நடைபெற்ற கலை இலக்கிய நிகழ்ச்சி விடிய விடிய நடைபெற்றது..!

முத்துப்பேட்டை, ஜூன் 02 : முத்துப்பேட்டையில் தமிழ்நாடு முற்போக்கு எழுத்தாளர் கலைஞர்கள் சங்கம் சார்பாக கலை இலக்கிய நிகழ்வு விடிய விடிய நடைபெற்றது. முன்னதாக மண்ணை சாலை ரயில்வே கேட்டிலிருந்து மக்கள் ஒற்றுமை பேரணி நடைபெற்றது. இச்சங்கத்தின் நிர்வாகி டாக்டர். கே. இளங்கோ தலைமை வகித்தார். இச்சங்கத்தின் ஒன்றிய செயலாளர் திரு.கே.வி.ராஜேந்திரன், சி.பி.எம்.நகர செயலாளர் ஏ. காளிமுத்து, சி.பி.ஐ. ஒன்றிய செயலாளர் முருகையன், துணைச் செயாளர் ஆர்.எஸ்.ராமநாதன், காங்.பிரமுகர் நா.ஜீவானந்தம், உள்பட முக்கிய நிர்வாகிகள் முன்னிலை வகித்தார்கள். அப்போது ஊர்வலமாக குமரன் பஜார், பழைய பேருந்து நிலையம், திருத்துறைப்பூண்டி சாலை வழியாக ஆசாத் நகர் பழைய பேருந்து நிலையம் சென்று விழா மேடையை அடைந்தனர்.மேலும் இதில் பல்வேறு அமைப்பு நிர்வாகிகளும் மற்றும் பொது மக்களும் கலந்து கொண்டு சிறப்பித்தனர். மேலும் தஞ்சை ஜான் பீட்டரின் தப்பாட்டம், கும்மியாட்டம், கரகாட்டம், காவடியாட்டம் ஆகியதும் நடைபெற்றது.
source from: www.muthupettaiexpress.blogspot.com
தொகுப்பு

AKLT.அப்துல் ரஹ்மான்,

Read More

முத்துப்பேட்டை எக்ஸ்பிரஸ் நடத்திய வினா,விடையும், வெற்றி பெற்றவர்களின் விபரமும்..

முத்துப்பேட்டை, ஜூன் 02 : முத்துப்பேட்டை எக்ஸ்பிரஸ் இணையத்தளம் நடத்திய மாபெரும் வினா விடை போட்டி மிக சிறப்பாக நடந்து முடிந்தது. இதில் அதிகமான வாசகர்கள் போட்டியில் கலந்து கொண்டு சிறப்பாக பதிலளித்தனர். மேலும் இந்த போட்டியில் கலந்து கொண்ட முதல் மூன்று பரிசை பெற்ற வாசகர்களுக்கு விரைவில் பரிசுகள் வழங்கப்படும். மேலும் இதில் கலந்து கொண்டு அனைத்து வாசகர்களுக்கும் ஆறுதல் பரிசுகள் தங்களுடைய வீட்டு முகவரிக்கு அனுப்பி வைக்கப்படும் என்பதை தெரிவித்துக்கொள்கிறோம்.

வெற்றி பெற்றவர்களின் விபரம்:

முதல் பரிசு பெற்றவர் J.லாமிய அவர்கள் புதிய காளியம்மன் கோவில் தெரு முத்துப்பேட்டை, 30 கேள்விக்கு 26 பதில்.சரியானவை

இரண்டாவது பரிசு பெற்றவர் ம.கபீர் அவர்கள் தெற்கு தெரு முத்துப்பேட்டை, 30 கேள்விக்கு 24 பதில்.சரியானவை

மூன்றாவது பரிசு பெற்றவர் ஆ.நே. ஹாஜா நஜுபுதீன் அவர்கள் புதுத் தெரு முத்துப்பேட்டை, 30 கேள்விக்கு 18 பதில் சரியானவை
source from: www.muthupettaiexpress.blogspot.com
தொகுப்பு

முத்துப்பேட்டை எக்ஸ்பிரஸ் நிர்வாகம்

Read More

பெற்றோல் விலையை கண்டித்து திருவாரூரில் SDPI நடத்திய மாபெறம் ஆர்பாட்டம்...

திருவாரூர், ஜூன் 02 : SDPI திருவாரூர் மாவட்டம் சார்பாக பெட்ரோல் விலை உயர்வை கண்டித்து கண்டன ஆர்ப்பாட்டம் திருவாரூர் பஸ் ஸ்டாண்ட் முன்பு 01 /06 /2012 அன்று மாலை 4 .30 மணிக்கு நடைபெற்றது இதில் மாவட்ட தலைவர் தப்ரே ஆலம் பாதுசா அவர்கள் தலமை தங்கினார் , மாவட்ட தொழிற்சங்க தலைவர் அப்துல் கரீம் , மாவட்ட பொருளாளர் நைனா முஹம்மது, நன்னிலம் தொகுதி கமிட்டி உறுப்பினர் அப்துல் ஹமித், ஆகியோர் கலந்து கொண்டனர் . .மாநில செயற்குழு உறுப்பினர் A .அபூபக்கர் சித்திக் அவர்கள் சிறப்புரை ஆற்றினர் .மாவட்ட செயலாளர் N .m .பாவா பக்ருதீன் கண்டன உரை ஆற்றினார் .ஷேக் முஹைதீன் நகர செயற்குழு கண்டன கோஷம் ஆற்றினார் .இறுதியாக மாவட்ட வழக்கறிஞர் அணி தலைவர் A . முஹம்மது பைசல் அவர்கள் நன்றி உரை ஆற்றினார் இதில் திருவாரூர் மாவட்டத்தை சேர்ந்த அணைத்து கிளை நிர்வாகிகளும் தொண்டர்களும் கலந்து கொண்டனர் .இதில் நூற்றுகணக்கான பொதுமக்களும் கலந்து கொண்டனர்

தொகுப்பு

AKL .அப்துல் ரஹ்மான், யூசுப் அலி (ஆலிம்)

Read More

முத்துப்பேட்டை எக்ஸ்பிரஸ் இணையத்தளம் நடத்திய கேள்வி பதில் போட்டி ஓர் பார்வை

முத்துப்பேட்டை, மே 31 : முத்துப்பேட்டை எக்ஸ்பிரஸ் இணையத்தளம் சார்பில் நடைபெற்ற வினா விடை போட்டி குறித்த ஓர் தொகுப்பு இதோ உங்கள் பார்வைக்கு தருகிறோம்..

1) இவ்வுலகில் மனிதனையும், ஜின்களையும் அல்லாஹ் எதற்காக படைத்தான்.?
(A) நன்றாக வாழ்வதற்கு (B) பிறருக்கு உதவி செய்ய (C) தன்னை வணங்குவதற்காக (D) ஏதும் தெரியாது.

விடை: (C) தன்னை வணங்குவதற்காக
2) இந்த உலகில் அல்லாஹ் வால் சபிக்கப்பட்ட சமுதாயம் எது?
(A) இந்து சமுதாயம் (B) கிருஸ்தவ சமுதாம் (C) புத்த சமுதாயம் (D) யூத சமுதாயம்.

விடை:(D) யூத சமுதாயம்
3) உலகில் முதன் முதலில் ராணுவத்தை (எல்லைப் பாதுகாப்புப் படையை) அறிமுகம் செய்தவர் யார்?
(A) அலி (ரலி) (B) உமர் (ரலி) (C) பிலால் (ரலி) (D) எதுவும் தெரியாது.

விடை:(B) உமர் (ரலி)
4) மறுமை நாளில் அல்லாஹ் மூன்று நபருடன் பேசவே மாட்டன், அந்த மூவரில் ஒருவரின் செயலைக் குறிப்பிடுக?
(A) பெருமையடிக்கும் ஏழை (B) பெருமையடிக்கும் பணக்காரன் (C) எதுவும் தெரியாது.

விடை:(A) பெருமையடிக்கும் ஏழை
5) அல்லாஹ் எந்த நபியின் தியாகத்தை நினைவு கூர்வதற்காக ஹஜ்ஜை கடமையாக்கினான்?
(A) முஹம்மது நபி (ஸல்) (B) ஆதம் (அலை) (C) சுலைமான் (அலை) (D) இபுராஹீம் (அலை)

விடை: (D) இபுராஹீம் (அலை)
6) இந்த முஸ்லிம் சமுதாயத்தின் நம்மிக்கையார் என்று முஹம்மது நபி (ஸல்) அவர்கள் யாரை குறிப்பிட்டார்கள்?
(A) பிலால் ரலி, (B) அபு உபைதா ரலி, (C) அபூபக்கர் சித்திக் ரலி, (D) அன்னை ஆயிஷா ரலி

விடை:(B) அபு உபைதா ரலி
7) தனது 17 வயதிலேயே இந்திய நாட்டிற்காக தன் உயிரையே தியாகம் செய்ய வேண்டும் என்று போர்க்களம் புறப்பட்ட தியாகி யார்?
(A) கஜினி முஹம்மது (B) திப்பு சுல்தான் (C) அவரங் சிப் (D) ஹைதர் அலி

விடை:(B) திப்பு சுல்தான்
8) முஹம்மது நபி (ஸல்) அவர்கள் இபாதத்தின் சிறப்பைவிட........................சிறப்புதான் சிறந்தது என்று எதனைக் குறிப்பிட்டார்கள்?
(A) கல்வி (B) பொருளாதாரம் (C) பொதுலம் (D) வெற்றி

விடை:(A) கல்வி
9) அல்லாஹ் மூன்று நபர்களுக்கு சொர்கத்தை ஹராமாக்கி விட்டான், அதில் ஏதேனும் ஒரு நபரைப் பற்றி குறிப்பிடுக?
(A) ஏழைக்கு உதவி புரியாதவன் (B) பெற்றோருக்கு நோவினை செய்பவன் (C) எனக்கு தெரியாது.

விடை:(B) பெற்றோருக்கு நோவினை செய்பவன்
10) முதன் முதலில் இஸ்லாத்திற்காக தன் உயிரையே தியாகம் செய்த பெண் சகாபி யார்?
(A) சுமையா ரலி, (B) ஆய்ஷா ரலி, (C) பாத்திமா ரலி, (D) கதிஜா ரலி

விடை:(A) சுமையா ரலி
11) இந்தியாவில் இஸ்லாமியர்கள் எத்துனை ஆண்டு காலம் ஆட்சி செய்தனர்.?
(A) 600 (B) 1100 (C) 900 (D) 1111

விடை: 1100
12) நபி (ஸல்) அவர்கள் இவர் அல்லாஹ்வின் வாள் (சைபுல்லாஹ்) என்று யாரை குறிப்பிட்டார்கள்?
(A) அலி ரலி (B) உமர் ரலி (C) காலித் பின் வாலித் ரலி (D) ஹம்சா ரலி

விடை: காலித் பின் வாலித் ரலி
13) எந்த கலிபாவால் பைத்துல் முக்கத்தஸ் (முதல் கிப்லாவை) யூதர்களிடம் இருந்து முதன் முதலில் மீட்டெடுத்த அந்த சகாபியின் பெயர் என்ன?
(A) அபூபக்கர் சித்திக் (B) உமர் ரலி (C) உஸ்மான் ரலி (D) அலி ரலி

விடை: உமர் ரலி
14) ஒரு நபித்தோழர் இறந்ததற்கு அல்லாஹ்வின் அர்ஷ் நடுங்கியது, அந்த சஹாபியின் பெயர் என்ன?
(A) பிலால் ரலி (B) உஸ்மான் ரலி (C) அனஸ் பின் நள்ர் ரலி (D) ஸஆது பின் முஆத் ரலி

விடை: ஸஆது பின் முஆத் ரலி
15) நபி (ஸல்) அவர்கள் தமது விண்ணுலகப் பயணத்தின் போது சொர்கத்தில் ஒரு நபித்தோழரின் காலடி ஓசையை கேட்டார்கள் அந்த சஹாபியின் பெயர் என்ன?
(A) பிலால் ரலி (B) அலி ரலி (C) அபூபக்கர் சித்திக் (D) உமர் ரலி

விடை: பிலால் ரலி
16) அபூபக்கர் சித்திக் ரலி மற்றும் உமர் ரலி போன்ற மூத்த சகாபிகளுக்கு தலைமையேற்று படை நடத்திய சிறிய வயது நபித் தோழர் யார்?
(A) உஸ்மான் ரலி (B) உஸாமா பின் ஜைத் ரலி (B) அலி ரலி (D) ஏதும் தெரியாது

விடை: உஸாமா பின் ஜைத் ரலி
17) கி.பி.1857 ல் நடத்திய சிப்பாய்களின் எழுச்சியின் போது முஸ்லிம் மக்கள் எத்துனை பேர் சகீதானார்கள் (கொல்லாப்பட்டனர்)?
(A) 20,000 பகதுர்ஷாவின் மகன் உள்பட (B) 27,500 பகதுர்ஷாவின் மகன் உள்பட (C) 27,000பகதுர்ஷாவின் மகன் உள்பட

விடை: 27,000பகதுர்ஷாவின் மகன் உள்பட
18) இங்கிலாந்து நாட்டில் வெள்ளையர் ஆட்சி நிலை நாட்ட வேண்டும் என்றால் குர்ஆனை கிழித்தெறிய வேண்டும் என்று சொன்னவன் யார்?
(A) பிரான்ஸ் மன்னன் கி.பி. 1888 (B) ஜோசெஹ்ப் இந்தி (C) அனீஸ் தாஸ் கி.பி. 1889 (D) பிரிட்டீஸ் மன்னர் கிலார்டு. கி.பி. 1885

விடை: பிரிட்டீஸ் மன்னர் கிலார்டு. கி.பி. 1885
19) இந்திய போராளி திப்புசுல்தான் அவர்கள் எந்த மொழியில் குர்ஆனை மொழி பெயர்த்தார்?
(A) ஹிந்தி (B) ஃபிரன்ஜூ (C) உர்து (D) ஆங்கிலம்

விடை: ஃபிரன்ஜூ
20) துருக்கியில் இஸ்லாமிய ஆட்சியை (கிலாஃபத்தை) யூதர்கள் எந்த ஆண்டு முழுமையாக ஆட்சியை கலைத்தனர்?
(A) 1924 பிப் 22 (B) 1928 மார்ச் (C) 1930 மே 30 (D) 1950 ஆகஸ்ட் 15

விடை: 1924 பிப் 22
21) எந்த நபியை அல்லாஹ் தாயும், தந்தையும் இல்லாமல் தன வடிவத்திலேயே படைத்தான், அந்த நபியின் பெயர் என்ன?
(A)நபி ஈசா அலை, (B) நபி இப்ராஹீம் அலை, (C) நபி ஆதம் அலை, (D) முஹம்மது நபி (ஸல்).

விடை: ஆதம் அலை.
22) எந்த நபியை அல்லாஹ் இவ்வுலகில் கடுமையான நோயைக் கொண்டு சோதித்தான்?
(A) நபி ஈசா அலை (B) நபி மூஸா அலை (C) நபி யூனிஸ் அலை (D) நபி ஐய்யூப் அலை

விடை: நபி ஐய்யூப் அலை
23) மக்காவிலிருந்து மதினாவிற்கு ஹிஜ்ரத் செய்த சஹாபாக்களை (சஹாபிகளை) அரபியில் வரலாறு எவ்வாறு குறிப்பிடுகிறது?
(A) அன்சாரிகள் (B) முஹாஜிர்கள் (C) முஜாகிதீன்கள் (D) எதுவும் தெரியாது.

விடை: முஹாஜிர்கள்
24) உலக மக்களால் பாலைவனச் சிங்கம் எனப் போற்றப்பட்டவர் யார்?
(A) திப்பு சுல்தான் (B) மறுத்த நாயகம் யூசுப் கான் (C) உமர் முக்தார் (D) ஹைதர் அலி

விடை: உமர் முக்தார்
25) நபி (ஸல்) அவர்கள் மிஹ்ராஜ் பயணத்தின் போது நான்காவது வானத்தில் எந்த நபியை சந்தித்தார்கள், அந்த நபியின் பெயர் என்ன?
(A) நபி இத்ரீஸ் அலை (B) நபி மூசா அலை (C) நபி எஹ்யா அலை (D) நபி இல்யாஸ் அலை

விடை: நபி இத்ரீஸ் அலை
26) எந்த நபி இவ்வுலகில் ஆயிரம் வருடம் தூதுச் செய்தியை மக்களிடம் எடுத்துச் சொன்னார்கள், அந்த நபியின் பெயர் என்ன?
(A) நபி மூசா அலை (B) நபி நூஹு அலை (C) நபி சுலைமான் அலை (D) நபி ஆதம் அலை

விடை:நபி நூஹு அலை
27) திருமறைக் குர்ஆன் முழுமையாக (இவ்வுலகிற்கு) இறக்கி அருளப்பட்ட ஆண்டு?
(A) 21 ஆண்டு (B) 22 ஆண்டு (C) 23 ஆண்டு (D) 28 ஆண்டு

விடை: 23 ஆண்டு
28) ஐவேலை தொழுகையில் மொத்தம் எத்துனை ரக்ஆத்துகள் உள்ளன?
(A) 17 ரக்ஆத்துகள் (B) 15 ரக்ஆத்துகள் (C) 16 ரக்ஆத்துகள் (C) 18 ரக்ஆத்துகள்

விடை: 17
29) வட்டி வாங்கி வந்தவர்களை நபி (ஸல்) அவர்களுக்கு மிஹ்ராஜ் சென்ற போது காட்டப்பட்டது, அவர்களின் நிலை எவ்வாறு இருந்தது?
(A) உடல் முழுவதும் இல்லை (B) வயறு ஊதிப் போய் இருந்தது (C) கால் இரண்டும் இல்லை (D) எனக்கு தெரியாது

விடை: வயறு ஊதிப் போய் இருந்தது
30) நாய் மற்றும் உருவப்படம் உள்ள வீட்டிற்குள் யார் நுழைய மாட்டார்கள்?
(A) மலக்குகள் (B) பணம் செல்வம் (C) செய்தாங்கள் (D) எனக்கு தெரியாது
விடை: மலக்குகள்

source from: www.muthupettaiexpress.blogspot.com
தொகுப்பு

முத்துப்பேட்டை எக்ஸ்பிரஸ் நிர்வாகம்

Read More

முத்துப்பேட்டை இஸ்லாமிய நலசங்கமும், நடந்து முடிந்த 4 ஆம் ஆண்டு நிகழ்சிகளும்..

முத்துப்பேட்டை,மே 30 : முத்துப்பேட்டை இஸ்லாமிய நலசங்கம் துபாய் கமிட்டியின் 4 ஆம் ஆண்டு திருக்குர்ஆன் மற்றும் பேச்சுப் போட்டி நேற்று காலை 9 மணியிலிருந்து ஜனாப். அல்ஹாஜி. கா.மு.நெய்னார் முஹம்மது அவர்கள் நிகழ்ச்சியை தொகுத்து வழங்கினார். பின்னர் இந்நிகழ்ச்சி துவக்கமாக புதுப்பள்ளி இமாம் கிராத் ஓதி துவக்கி வைத்தார்.இந்நிகழ்ச்சிக்கு ஜனாப் ஹாஜி.P .சின்ன மரைக்காயர் அவர்கள் தலைமை வகித்தார். இதனைத்தொடர்ந்து ஜனாப். M.H. சேக் தாவூது அவர்கள் வரவேற்புரை நிகழ்த்தினார். அதன் பின்பு மெளலவி ஹாஃபீல் P .அஹமது ஜலாலுத்தின் ரஷாதி குத்பா பள்ளி இமாம் அவர்கள் பெண்களின் ஒழுக்கமும் சமுதாயத்தின் வளர்ச்சியும் என்ற தலைப்பில் சிறப்புரையாற்றினார்.

இதைத் தொடர்ந்து சிறப்பு விருந்தினர்கள் ஹாஜி.L .கமால் பாட்சா சேர்மேன் நேசனல்ஃபார்மா மருத்துவமனை மற்றும் ஆராயிச்சி மையம் தஞ்சாவூர். மேலும் , இச்சங்கத்தின் முத்துப்பேட்டை பிரதிநிதிகளும், சங்கத்தின் முன்னாள் பொறுப்பாளர்களும் மற்றும் அனைத்து முஹல்லாஹ் பள்ளி நிர்வாகிகள்,இமாம் பெருமக்கள் ஊர் மக்கள் மற்றும் அனைத்து இயக்க பொறுப்பாளர்கள் அனைவரும் கலந்து கொண்டு இந்நிகழ்ச்சியை சிறப்பித்தனர். மேலும் அனைத்து முஹல்லாஹ் பள்ளி மணாவ, மாணவிகளும் மற்றும் பெண்கள் மதரசா மாணவிகளும் போட்டியில் கலந்து கொண்டு தங்களுடைய திறமைகளை வெளியிட்டு பரிசுகளை தட்டிச் சென்றனர்.

போட்டியில் கலந்து கொண்டு வெற்றி பெற்ற மாணவ, மாணவிகளின் விபரம்:

திருக்குர்ஆன் ஓதும் போட்டி ஆண் பிள்ளைகள் பரிசு பெற்ற விபரங்கள்:

1 வது பரிசு புதுப் பள்ளி முஹல்லாவை சேர்ந்த மாணவன் முஹம்மது தாமர் தகப்பனார் பெயர் துறை என்கிற M.பசுல் ரஹ்மான் அவர்களின் மகன் முதல் இடத்தை பிடித்துள்ளார். இவருக்கு 2500 ரூபாய் மத்திப்புள்ள தங்க காசு மற்றும் முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

2 வது பரிசு புதுப்பள்ளி முஹல்லாவை சேர்ந்த மாணவன் முஹம்மது ரசீத் கான் தகப்பனார் பெயர் பகுருதீன் அவர்களின் மகன் இரண்டாவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

3 வது பரிசு தர்ஹா பள்ளி முஹல்லாவை சேர்ந்த மாணவன் ஜாபார் அஸ்பாக் தகப்பனார் பெயர் மன்சூர் அலி அவர்களின் மகன் மூன்றாவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

4 வது பரிசு புதுப்பள்ளி முஹல்லாவை சேர்ந்த மாணவன் அப்துல் பாசித் தகப்பனார் பெயர் அப்துல் அஜீஸ் அவர்களின் மகன் நான்காவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

5 வது பரிசு புதுப்பள்ளி முஹல்லாவை சேர்ந்த மாணவன் முஹம்மது ஆசீக் தகப்பனார் பெயர் நூர் முஹம்மது அவர்களின் மகன் ஐந்தாவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

6 வது பரிசு புதுப்பள்ளி முஹல்லாவை சேர்ந்த மாணவன் பாரீஸ் அஹமது தகப்பனார் பெயர் M.சம்சுதீன் அவர்களின் மகன் ஆறாவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

*************************************************************************************

திருக்குர்ஆன் ஓதும் போட்டி பெண் பிள்ளைகள் பரிசு பெற்ற விபரங்கள்:

1 வது பரிசு தர்பியத்துள் பனாத் பெண்கள் மதரசாவை சேர்ந்த மாணவி அஹமது ஆசியா தகப்பனார் பெயர் முஹம்மது இஸ்மாயில் அவர்களின் மகள் முதலாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

2 வது பரிசு முஹைதீன் பள்ளி பெண்கள் மதரசாவை சேர்ந்த மாணவி ஃபஹீமா பேகம் தகப்பனார் பெயர் முஹம்மது முஹைதீன் அவர்களின் மகள் இரண்டாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

3 வது பரிசு தர்பியத்துள் பனாத் பெண்கள் மதரசாவை சேர்ந்த மாணவி கதிஜத்துள் குப்ரா தகப்பனார் பெயர் முஹம்மது இக்பால் அவர்களின் மகள் மூன்றாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

4 வது பரிசு செக்கடித் தெரு பெண்கள் மதரசாவை சேர்ந்த மாணவி நூருல் ஆய்ஷா தகப்பனார் பெயர் ரம்ஜான் அலி அவர்களின் மகள் நான்காவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

5 வது பரிசு முஹைதீன் பள்ளி பெண்கள் மதரசாவை சேர்ந்த மாணவி ஆஃப்ரீன் பானு தகப்பனார் பெயர் சாகுல் ஹமீது அவர்களின் மகள் ஐந்தாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

6 வது பரிசு தர்ஹா பள்ளி பெண்கள் மதரசாவை சேர்ந்த மாணவி சுமையா தகப்பனார் பெயர் கபீர் அஹமது அவர்களின் மகள் ஆறாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

*************************************************************************************

பேச்சுப் போட்டி ஆண் பிள்ளைகள் பரிசு பெற்ற விபரங்கள்:

1 வது பரிசு அரபு சாஹிப் பள்ளி முஹல்லாவை சேர்ந்த மாணவன் முஜாஹீத் தகப்பனார் பெயர் அஹமது அலி அவர்களின் மகன் முதலாவது இடத்தை பிடித்துள்ளார்.இவருக்கு 2500 ரூபாய் மத்திப்புள்ள தங்க காசு மற்றும் முத்துப்பேட்டை இஸ்லாமுய நல சங்கத்தின் பாராட்டு சான்றிதழும், மெடலும் வழங்கப்பட்டது.

2 வது பரிசு அரபு சாஹிப் பள்ளி முஹல்லாவை சேர்ந்த மாணவன் நபீல் அஹமது தகப்பனார் பெயர் ஷாஜஹான் அவர்களின் மகன் இரண்டாவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

3 வது பரிசு அரபு சாஹிப் பள்ளி முஹல்லாவை சேர்ந்த மாணவன் சாசிதீன் தகப்பனார் பெயர் பாவா அவர்களின் மகன் மூன்றாவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

4 வது பரிசு அரபு சாஹிப் பள்ளி முஹல்லாவை சேர்ந்த மாணவன் தானிப் முஹம்மது தகப்பனார் பெயர் அப்துல் ரஹ்மான் அவர்களின் மகன் நான்காவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

5 வது பரிசு முஹைதீன் பள்ளி முஹல்லாவை சேர்ந்த மாணவன் முஹம்மது அசருதீன் தகப்பனார் பெயர் முஸ்தபா அவர்களின் மகன் ஐந்தாவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

6 வது பரிசு ஆசாத் நகர் பள்ளி முஹல்லாவை சேர்ந்த மாணவன் முஸ்தாக் ஆப்ரீன் தகப்பனார் பெயர் நிஜாமுதீன் அவர்களின் மகன் ஆறாவது இடத்தை பிடித்துள்ளார்.முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

*************************************************************************************

பேச்சுப் போட்டி பெண் பிள்ளைகள் பரிசு பெற்ற விபரங்கள்:

1 வது பரிசு அரபு சாஹிப் பள்ளி பெண்கள் மதரசாவை சேர்ந்த மாணவி சுமையா தகப்பனார் பெயர் முஹம்மது இபுறாஹீம் அவர்களின் மகள் முதலாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

2 வது பரிசு தர்பியத்துள் பனாத் பெண்கள் மதரசாவை சேர்ந்த மாணவி அஹமது ஆசியா தகப்பனார் பெயர் முஹம்மது இஸ்மாயில் அவர்களின் மகள் இரண்டாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

3 வது பரிசு குத்பா பள்ளி முஹல்லாவை சேர்ந்த மாணவி சுமையா தகப்பனார் பெயர் அஹமது மன்சூர் அவர்களின் மகள் மூன்றாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

4 வது பரிசு குத்பா பள்ளி முஹல்லாவை சேர்ந்த மாணவி முஹ்பிதா சஹானா தகப்பனார் முஹம்மது ரபீக் அவர்களின் மகள் நான்காவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

5 வது பரிசு குத்பா பள்ளி முஹல்லாவை சேர்ந்த மாணவி பரக்கத் நிஷா தகப்பனார் பெயர் ஜாகிர் உசேன் அவர்களின் மகள் ஐந்தாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

6 வது பரிசு தர்பியத்துள் பனாத் பெண்கள் மதரசாவை சேர்ந்த மாணவி ருக்கையா தகப்பனார் பெயர் நெய்னார் முஹம்மது அவர்களின் மகள் ஆறாவது இடத்தை பிடித்துள்ளார். இவருக்கு முத்துப்பேட்டை இஸ்லாமிய நல சங்கத்தின் பாராட்டு சான்றிதழும், மெடலும் வழங்கப்பட்டது.

மேலும் இதில் கலந்து கொண்ட அனைத்து மாணவ மாணவிகளுக்கும் ஆiறுதல் பரிசுகளும் முத்துப்பேட்டைஇஸ்லாமிய நல சங்கத்தின் சான்றிதல் மற்றும் பதக்கங்கள் வழங்கப்பட்டன. மேலும் இதில் ஆயிரத்திற்கும் மேற்பட்ட ஆண்களும் பெண்களும் கலந்து கொண்டு இந்நிகழ்ச்சியை சிறப்பித்தனர்.
source from: www.muthupettaiexpress.blogspot.com
தொகுப்பு

U .பத்ரு ஜமான் (அரூசி)யூசுப் அலி (ஆலிம்)

Read More

முத்துப்பேட்டை அரசு ஆஸ்பத்திரிக்கு வரும் 12 பேரில் ஒருவருக்கு புற்று நோய்.!

முத்துப்பேட்டை,மே 29 : முத்துப்பேட்டையில் ஒன்றிய இந்திய மாதர் தேசிய சம்மேளனம் சார்பில் முத்துப்பேட்டை அரசு ஆரம்ப சுகாதார நிலையத்தை, தரம் உயர்த்த வேண்டும்,உயிர் காக்கும் மருந்துகளை போதுமான அளவிற்கு இருத்தல் வேண்டும். 24 மணிநேரமும் மருத்துவர்கள் பணியில் இருத்தல் வேண்டும். புதிய மருத்துவமனை கட்டிடத்தை உடனே திறக்க வேண்டும். குழந்தைகளுக்கான சிறப்பு மருத்துவரை உடனே நியமிக்க வேண்டும், பிரேத பரிசோதனை செய்யும் வசதியை மீண்டும் உடனே செயல்படுத்த வேண்டும் என்பன பல்வேறு கோரிக்கைகளை நிறைவேற்றகோரி முத்துப்பேட்டை அரசு மருத்துவமனை முன்பு ஆர்பாட்டம் நடைபெற்றது.ஒன்றிய செயலாளர் பி.மீனம்மாள்தலைமை வகித்தார். இந்த ஆர்பாட்டத்தின் கோரிக்கையை விளக்கி அகில இந்திய மாதர் தேசிய சம்மேளனத்தின் மாநில குழு உறுப்பினர் ஆர்.தமிழ் செல்வி ராஜா பேசியதாவது, இன்று நடைபெற்ற இந்த போராட்டம் தமிழகம் முழுவதும் நடைபெற்றாலும் இந்த பகுதிக்கு முக்கியமானதாகும் என்றும், தமிழகத்தில் உள்ள சுகாதாரங்களில் உள்ள அவலங்கள் உயிர் காக்கும் மருந்துகள் எந்த நேரமும் இருப்பு வைத்திருக்க மாட்டார்கள் என்றும் இதனால் தமிழக மக்கள் அதிகம் நோய்களால் அவதிப்பட்டு வருகிறார்கள் என்றும் ஆப்போது அவர் தெரிவித்தார். இதால் அனைத்து மக்களையும் பாண்டிசேரி மருத்துவமனையில் சேர்க்கப்படுகிறார்கள் அதில் சிகிச்சை பெரும் தமிழக மக்கள் 12 பேரில் ஒருவருக்கு புற்று நோய் இருப்பது தெரியவந்தது என்றும் அவர் தெரிவித்தார்.சில நாட்களுக்கு முன்பு எதார்த்தமாக திருத்துறைப்பூண்டி உள்ள அரசு மருத்துவமனையில் ஆய்வை மேற்கொண்டோம். அங்கு நிறைமாத கர்பிணிப் பெண் சிறுநீர் கழிக்க முடியாத அளவிற்கு வளாகத்தில் உள்ள சுகாதார நிலயம் அவல நிலையில் உள்ளதை கண்டு நாங்கள் மன வேதனை அடைந்தோம் என்றும், இந்த அவல நிலையை தடுக்கத்தான் ஒவ்வொரு கிராமங்களிலும் கிராம சுகாதார நிலையத்தை அமைத்துள்ளது. இவற்றை முறையாக அரசு கடைபிடிக்க வேண்டும் என்று வலியுருத்தி நாங்கள் இந்த ஆர்ப்பாட்டத்தை நடத்துகிறோம் என்று மேலும் அவர் தெரிவித்தார். இதில் ஒன்றிய பொருளாளர் பரமேஷ் வரி, ஒன்றிய துணைச் செயலாளர் வி.நிர்மலா, ஒன்றிய துணைத்தலைவர் ராணி, இ.கம் ஒன்றிய தலைவர் முருகையன் மற்றும் ஐம்பதுக்கும் மேற்பட்டோர் கலந்து கொண்டனர்.
source from: www.muthupettaiexpress.blogspot.com
தொகுப்பு

AKLT.அப்துல் ரஹ்மான், யூசுப் அலி (ஆலிம்)

Read More

முத்துப்பேட்டை இஸ்லாமிய நலசங்கத்தின் நிகழ்ச்சி ஓர் பார்வை..

முத்துப்பேட்டை, மே 29 : முத்துப்பேட்டை இஸ்லாமிய நல சங்கம் நடத்தும் 4 ஆம் ஆண்டு குரான் மனப்போட்டி மற்றும் மற்றும் சிறப்பு நிகழ்சிகள் மிக சிறப்பாக காலை 9 மணிமுதல் நடைபெற்றுக் கொண்டிருக்கிறது. இதன் முதல் அமர்வில் சுமார் 800 க்கும் பெறப்பட்ட ஆண்களும் பெண்களும் கலந்து கொண்டு சிறப்பித்து வருகின்றனர். மேலும் மதியம் 4 மணிக்கு மேல் சிறப்பான குழந்தைகளின் மனதில் பதிந்த திருமறைக் குர்ஆன் வாசனைகளை வெளிபடுத்தும் விதமாக நிகழ்சிகள் ஏற்பாடு செய்துள்ளது. இந்த நிகழ்ச்சியை காண வெளி ஊர்களிலிருந்து வருகை தந்த வண்ணம் உள்ளனர்.
source from:www.muthupettaiexpress.blogspot.com,www.mttexpress.com
தொகுப்பு

யூசுப் அலி (ஆலிம்)

Read More

இறைவேதம் அழைக்கிறது, முத்துபேட்டை இஸ்லாமிய நலசங்கம் நடத்தும் மார்க்க திறனாய்வு போட்டி...

முத்துபேட்டை, மே 27 : முத்துப்பேட்டை இஸ்லாமிய நல சங்கம்” நடத்தும் 4-ம் ஆண்டு "மாபெரும் திருக்குர்ஆன் ஓதுதல் மற்றும் பேச்சுப்போட்டி சிறப்பு விழா நிகழ்ச்சி".நாள்: 29-05-2012 செவ்வாய்க்கிழமை நேரம்: காலை 9 மணி முதல் இரவு 9 மணி வரை, இடம்: முத்துப்பேட்டை ”கொய்ய மஹால்”நமதூர் அனைத்து பள்ளிவாசல் மதரஸா, நிஸ்வான் மாணவ, மாணவியர் மற்றும் நம்ம வீட்டுக் குழந்தைகள் பங்கேற்கும் திருக்குர்ஆன் ஓதுதல், பேச்சுப்போட்டி மற்றும் உலமா பெருமக்களின் சிறப்புரைகள் நடைபெற இருக்கிறது. வெற்றி பெற்ற மாணவ-மாணவியர்களுக்கு பரிசளிப்பும் நடைபெறுகிறது.அனைவரும் தவறாமல் கலந்து கொண்டு இன்நிகழ்ச்சியை சிறப்பித்தருமாறு அன்போடு கேட்டுக்கொள்கிறோம். குறிப்பு; பெண்களுக்கு தனி இடவசதி செய்யப்பட்டுள்ளது.
இப்படிக்கு:
S. ஜஹபர் உசேன்
தலைவர்
M.A.K ஹிதாயத்துல்லா
பொதுச்செயலாளர்
M. சகாபுதீன்
பொருளாளர்
மற்றும் சங்க உறுப்பினர்கள் & பிரதிதரநிதிகள்.
source from: www.muthupettaiexpress.blogspot.com
தொகுப்பு
முத்துப்பேட்டை J .ஷேக் பரீது

Read More

+2 தேர்வில் சதம் அடித்த திருவாரூர் மாவட்டம்..

திருவாரூர், மே 27 : திருவாரூர் மாவட்டத்தில் +2 தேர்வு எழுதிய 11 பள்ளிகளை சார்ந்த மாணவ மாணவிகளும் தேர்ச்சி பெற்றுள்ளனர் . முத்துப்பேட்டை ரஹ்மத் மெட்ரிக் மேல்நிலை பள்ளியில் 32 பேரும் ,பாமணி அரசு மேனிலை பள்ளியில் 46 பேரும் ,வலங் கைமான் மகாதேவ குருஜி பள்ளியில் 36 பேரும் ,பேரளம் சங்கரா பள்ளியில் 28 பேரும் ,திருவாரூர் மீனாட்சி மெட்ரிக் பள்ளியில் 2 பேரும் மன்னார்குடி மேல மரவக்காடு பள்ளியில் 20 பேரும் ,மன்னார்குடி சண்முகா மெட்ரிக் பள்ளியில் 45 பேரும் ,மன்னார்குடி பாரதிதாசன் பள்ளியில் 138 பேரும் ,நீடாமங்கலம் நீளம் மெட்ரிக் பள்ளியில் 76 பேரும் ,தேர்வில் வெற்றி பெற்றுள்ளனர்.
source from: www.muthupettaiexpress.com
தொகுப்பு

முத்துபேட்டை ஜே. ஷேக் பரீத்

Read More

இஸ்லாமிய இயக்க தலைவர்களை இணைத்த இந்திய தவ்ஹீத் ஜமாஅத் மணமேடை!

மதுரை, மே 27 : நேற்று மதுரையில் நடந்த இந்திய தவ்ஹீத் ஜமாத்தின் மாநிலத் துணைத்தலைவர் முனிரின் தம்பி திருமண நிகழ்ச்சி முஸ்லிமல்லாதவர்களுக்கு திருமறை வழங்கும் நிகழ்ச்சியாகவும்,திருமணத்தில் கலந்து கொண்டவர்களுக்கு மரக்கன்று வழங்கும் நிகழ்ச்சியாகவும், திருமணத்திற்கு வந்தவர்கள் இரத்ததானம் வழங்கும் நிகழ்சியாகவும் எல்லாவற்றிற்கும் மேல் இஸ்லாமிய இயக்க தலைவர்களை ஒருங்கிணைத்த நிகழ்ச்சியாகவும் ஆனது! எஸ்.எம். பாக்கர், காதர்மைதீன், ஜவாஹிருல்லாஹ்,தேசிய லீக் பஷீர், இஸ்லாமிய கூட்டமைப்பின் தலைவர் அப்போலோ ஹனிபா ஆகியோரை ஒரே மேடையில் பார்த்த போது சமுதாயம் ஒன்றிணைந்தது போல் சந்தோஷம் ஏற்பட்டது! அல்ஹம்து லில்லாஹ்.
source from:www.muthupettaiexpress.blogspot.com, www.mttexpress.com
நமது நிருபர்

மதுரை மூசா

Read More

திருச்சி ஏர்போர்ட்டில் தலை விரித்தாடும் லஞ்ச ஊழல்.

திருச்சி, மே 27 : இரண்டு சாரைப்பாம்புகள் ஒன்றோடொன்று பிண்ணிப் பிணைவது போல் பிண்ணிப் பிணைந்து கிடக்கிறது லஞ்சமும் இந்தியர்களின் ரத்தமும்! நியாயமான அரசாங்க சேவைகளைப் பெறுவதற்குக் கூட இன்று லஞ்சம் கொடுக்காமல் எதையும் நாம் சாதித்துவிட முடியாது என்ற சூழ்நிலையில்தான் நாம் வாழ்ந்துகொண்டு இருக்கிறோம். கொடுக்கப்பட்டது எவ்வளவு லஞ்சம் என்ற வகையில்தான் நாம் அடுத்தவர்களோடு நம்மை ஒப்பிட்டுப் பார்த்து ஆறுதல் அடைய வேண்டியிருக்கிறது. படங்களில் ஊழல் செய்பவனை கதாநாயகன் தண்டிக்கும்போது முதல் ஆளாக கைதட்டும் நாம்தான், நமக்கும் லஞ்சம் வாங்கும் சந்தர்பம் வரும்போது கை தட்ட நீட்டிய கையை உள்ளே இழுப்பதில்லை என்பதே உண்மை!

லஞ்சம் வாங்கி வாழ்பவனே பிழைக்கத் தெரிந்தவன் என்ற இந்திய மனப்பான்மைக்கு நாம் ஒவ்வொருவரும் நம்மை அறியாமலே மாறிக்கொண்டு இருக்கிறோம்! என் வேலை எனக்கு சீக்கிரம் முடிய வேண்டும்! அதற்கு நான் என்ன வேண்டுமானாலும் செய்வேன் எவ்வளவு லஞ்சம் வேண்டுமானாலும் கொடுப்பேன் என்றுதான் ஒவ்வொருவரும் இந்திய நேர்மையில் இருந்து ஒவ்வொரு செங்கலாக உருவிக் கொண்டிருக்கிறோம்! என்றாவது ஒட்டுமொத்தமாக தலையில் விழும்போது காப்பாற்ற யாருமே இருக்கப்போவதில்லை என்பது மட்டும் நிதர்சனம்! சரி.. இந்த கதையெல்லாம் வேணாம் தலைப்புக்கு வாங்கன்னு சொல்றீங்களா? அதுவும் சரிதான்... சமீபத்தில் சிங்கையில் இருந்து இந்தியா சென்றிருந்தேன், என்னைப்போல தென் மாவட்டங்களில் உள்ளவர்களுக்கெல்லாம் திருச்சி விமான நிலையம்தான் முதல் தேர்வு!

அவ்வாறே நானும் திருச்சிக்கு சென்றேன். விமான நிலையம் புது கட்டிடத்துக்கு மாறி வெகு நாட்கள் ஆகிவிட்டது, ஆனால் அங்கு வேலை பார்க்கும் அதிகாரிகள் மற்றும் ஊழியர்களின் மன அழுக்கு மட்டும் இன்னும் அப்படியே உள்ளது. விமானத்தை விட்டு இறங்கி குடிநுழைவுச் சோதனைக்கு சென்றதில் இருந்தே நமக்கு அதிர்ச்சி மேல் அதிர்ச்சி காத்துக்கொண்டு இருக்கிறது. அவைகளை மொத்தமாகச் சொல்லாமல் ஒவ்வொரு சம்பவமாகத் தொகுத்துச் சொல்கிறேன், நீளம் கொஞ்சம் அதிகமாக இருக்கும், ஆனாலும் கண்டிப்பாக சொல்லியே ஆகவேண்டிய சூழ்நிலைதான் இப்போது அங்கே நிலவுகிறது! ஏற்கனவே ஒருமுறை ABT ட்ராவல்ஸின் அராஜகம்! என்ற பதிவிற்கு கிடைத்த உங்கள் ஆதரவின் உந்துதலால் இதையும் எழுதுகிறேன். தீர்வு கிடைக்கிறதோ இல்லையோ இனி அங்கு செல்பவர்களுக்கு இது ஒரு எச்சரிக்கையாகவாது இருக்கட்டும்!


சம்பவம் ஒன்று.
விமானத்தை விட்டு இறங்கி ஒரு பேருந்தில் கொண்டு போய் குடிநுழைவு வாசலில் ( Immigration Check point ) இறக்கிவிட்டனர். என்னதான் அடிக்கடி வந்துபோனாலும் விமானத்தில் ஏறியதுமுதல் சொந்த பந்தங்களை காணும் ஆவல்தான் வீடு போய் அவர்களை பார்க்கும்வரை இருக்கும்! ஒவ்வொருவருமே அந்த ஆசைகளை சுமந்துதான் நீண்ட வரிசையில் நிற்கிறார்கள். ஒரு விமானம் முழுவதும் வந்த பயணிகளுக்கு மூன்றே மூன்று அதிகாரிகள்தான்! அதுகூட மிட்நைட் என்பதால் அதிகாரிகள் குறைவு என்று எடுத்துக்கொள்ளலாம்! ஆனால் அதன்பிறகு நடந்ததுதான் கொடுமை!

நாங்கள் வரிசையில் நிற்கும்போதே ஒருவர் உள்ளே இருந்து வந்து ஒரு பெயரை சொல்லி அழைத்துக்கொண்டே வந்தார், உடனே அவர் பெயர் சொல்லி அழைத்த நபர் தன் மனைவியோடு வரிசையின் கடைசியில் இருந்து வந்து எந்தவித கூச்சமும் இல்லாமல் வாயெல்லாம் பல்லாக வரிசையில் நிற்பவர்களை கடந்து அந்த ஊழியரை பின்தொடந்து சென்றார்! அதிகாரிகளும் அவர்களுக்கு முதலில் செக் செய்து அனுப்புகின்றனர்! அந்த ஒருவர் மட்டும் அல்ல அதன் பிறகும் இதேபோல இன்னும் இரண்டுபேரை அந்த ஊழியர் அழைத்துக்கொண்டு சென்றார்! எந்த நாட்டு இன்டர் நேசனல் ஏர்போர்ட்டிலும் காணக்கிடைக்காத காட்சி அது! அருகில் நின்று கொண்டிருந்தவர் சொன்னார், அவர்கள் அந்த விமான நிலையத்தில் வேலை பார்க்கும் ஏதாவது ஒரு அதிகாரிக்கு உறவாக இருக்கும் என்று! அப்படியே உறவு இல்லையென்றாலும் இதேபோல் செல்ல வாய்ப்புள்ளது என்று அவர் சொன்னதுதான் அதிர்ச்சியின் உச்சம்!

அதாவது, நம்மை வரவேற்க வந்தவர்கள் இதற்கென சிலரை பிடித்து தள்ளுவதை தள்ளி நாம் பெயரை அவர்களிடம் கொடுத்துவிட்டால் போதும், அவர்களும் கடமை தவறாமல் நம்மை வரிசையில் நிற்கவிடாமல் உறவு என்று சொல்லி அழைத்துவிடுவார்கள்! இந்த நேரத்தில் இன்னொன்றையும் இங்கே சொல்ல வேண்டும், சிங்கபூர் நான் பிழைக்க வந்த நாடுதான், ஆனால் நிரந்தரவாசியாக இருந்தால்கூட போதும் எந்த நாட்டிற்கு போனாலும் எந்த நாட்டில் இருந்து வந்தாலும் குடிநுழைவுக்கு எந்த வரிசையிலும் நிற்க வேண்டாம், எனது இந்தியன் பாஸ்போர்ட்டை வைத்து ஆட்டோ ஸ்கேனிங்கில் வந்து விடலாம். ஆனால் சொந்த நாட்டில் சொந்த நாட்டு பாஸ்போர்ட்டை வைத்துகொண்டு இந்த அவலங்களை எல்லாம் சகித்துக்கொள்ள வேண்டியிருக்கிறது!

சம்பவம் இரண்டு.

ஒருவழியாக இமிக்ரேசன் முடிந்து வந்தால் அடுத்து லக்கேஜ் கலெக்சன். இந்த முறை எனக்கு ஒரே ஒரு செக் இன் லக்கேஜ் மட்டுமே, இங்கு ஐ.டி. ஷோவில் வாங்கிய ஒரு LED T.V . இங்கு அதை செக் இன் செய்து கன்வேயரில் அனுப்புவதில் எந்தப் பிரச்னையும் இல்லை. ஏனென்றால், இதுபோல எலக்ட்ரிகல் மற்றும் எலக்ட்ரானிக்ஸ் ஐட்டங்களுக்கு தனி கன்வேயர்! ஆனால் திருச்சி கன்வேயர் பற்றி சொல்லவே வேணாம், புது விமான நிலையத்தில் இப்படி ஒரு டிசைனிங்?! அந்த கன்வேயரில் வரும் உங்கள் லக்கேஜ் சேதப்படாமல் வந்தால் நீங்கள் அதிர்ஷ்டசாலிதான்! சரி.. அதைப்பற்றி தனியாகவே எழுதலாம் அவ்வளவு இருக்கு! பார்த்தவர்களுக்கு தெரிந்திருக்கும்.

இந்த காரணங்களால் டிவி போன்ற ஹேண்டில் கேர் ஐட்டங்களை கன்வேயரில் அனுப்பாமல் தனியாக சைடில் உள்ள வாசல் வழியாக எடுத்து வைப்பார்கள், எனது டிவி யையும் எடுத்து வைப்பார்கள் என்று காத்துகொன்டிருந்தேன், ஆனால் எடுத்துவைத்தபாட்டைக் காணும்! ஆனால் மற்றவர்கள் ஒவ்வொருவராக எடுத்துகொண்டு சென்றார்கள். சரி.. அருகில் சென்று கேட்கலாம் என்று அங்கு சென்றேன், நான் போனதுமே அங்கு உள்ள ஒரு ஊழியர் வந்து " உங்களது என்ன பொருள் சார்?" என்றார், நானும் டிவி என்று மாடலையும் சொன்னேன், கேட்டுக்கொண்டு வேகமாக உள்ளே சென்றார், நானும் பரவாயில்லை நல்ல சர்வீஸ் என்று நினைத்தேன்! ஆனால் கொஞ்ச நேரத்திலே என் நினைப்பில் அவர் மண் அள்ளிப்போட்டார்! வேகமாக வெளியில் வந்து " இருக்கு சார், கொஞ்சம் கவனிங்க எடுத்துட்டு வர்றேன்" என்றார்!

எனக்கு முதலில் புரியவில்லை, பின்னர்தான் கவனித்தேன் அருகில் இருப்பவர்கள் நூறு ரூபாயை அவர் கைகளில் திணித்துவிட்டு தங்கள் பொருட்களை எடுத்துக்கொண்டனர்! நான் அவரிடம் கேட்டேன் " ஏன் சார்..பணம் கொடுக்கலைனா நம்ம திங்க்ஸ எடுக்க முடியாதா? எடுத்து வைக்கிறதுதானே அவங்க வேலை? என்றேன், அவரும் " சார்.. நாம சண்டை போடலாம்.. முதலில் நமக்கு நேரம் இல்லை. இரண்டாவது உங்க டிவி 40,000 ரூபாய்னு வைங்க, இந்த நூறு ரூபாய்க்கு பார்த்தா, உள்ளேயே வச்சு சம்திங் டேமேஜ் பண்ணிட்டு கன்வேயர்ல டேமேஜ் ஆயிருச்சுன்னு சொல்வாங்க" என்றார்! அதிர்சியுடனே அந்த நாய்களுக்கு எலும்புத்துண்டை வீசிவிட்டு டிவியை எடுத்துகொண்டு வந்தேன்! இதையும் மீறி நகரும்போது அங்கு பாதுகாப்புக்கு இருந்த கான்ஸ்டபிள் " தம்பி.. கொடுக்கவேண்டியதை கொடுத்திட்டிங்களா? என்றார்! இத்தனையும் கன்வேயர் ரூமுக்குள் இருந்த ஒரு கஸ்டம் ஆபிசர் நன்றாக கண்காணித்துக் கொண்டிருந்தார்! யார் எவ்வளவு கொடுக்கிறார்கள் என்று! கூட்டுக்கொள்ளை!

சம்பவம் மூன்று.

டிவியை எடுத்துகொண்டு அடுத்து சுங்கச் சோதனை! கண்டிப்பாக டிவி போன்ற சாதனங்களுக்கு சுங்கவரி ( TAX ) உண்டு என்று தெரியும். ஏற்கனவே ஒருமுறை கட்டி இருப்பதால் அதற்கு தயாராகவே வந்தேன். தனியாக இதற்கென இரண்டு அதிகாரிகள் இருந்தனர். அவர்களிடம் சென்று எனது டிவி மாடல் மற்றும் விலைகளை சரி பார்த்து 3750 ரூபாய் கட்ட சொன்னார்கள்! எனக்கும் சந்தோசமே, ஏனென்றால் இதற்குப் பில் கொடுத்துவிடுவார்கள்! ஒரு பைசா கூட அந்த அதிகாரிகள் எடுக்க முடியாது! சரி என்று கட்டப் போகும்போது அதில் இருந்த ஒரு அதிகாரி எனக்கு பின்னால் வந்து மெதுவாக " தம்பி, கொஞ்சம் வெயிட் பண்ணுங்க, அந்தப்பக்கம் சைட்ல சோபால உட்காந்திருக்கதுதான் எங்க சீனியர் ஆபிசர்! அவர் இப்ப போயிருவார், அவர் போனதும் 2000 மட்டும் கொடுத்திட்டு உங்க டிவிய எடுத்துக்கிட்டு போய்கிட்டே இருங்க" என்றார்!

மேலும் " நேரம் காலம் தெரியாம இங்க வந்து உக்காந்துகிட்டு எங்க பொழப்புல மண்ண போடறான்" என்று அந்த சீனியர் ஆபிசரையும் திட்டிக்கொண்டே சென்றார்! இந்தியன் படத்துல நிழல்கள் ரவிய கமல் கொல்லப்போகும் போது அவருக்கே லஞ்சம் கொடுக்கிறேன்னு நிழல்கள் ரவி சொல்லும்போது கமல் ஆயாசமா கன்னத்துல கைய வச்சிக்கிட்டு சொல்லுவாரே " உன்னை கொல்றதுல தப்பே இல்லடான்னு" அதுதாங்க அப்ப மனசுல வந்துச்சு! சரி நீ ஆணியே புடுங்க வேண்டாம்னு முழு தொகையும் கட்டிட்டு டிவியை எடுத்துக்கிட்டு வெளில வந்துட்டேன்!

சம்பவம் நான்கு.

எல்லாத் தொல்லைகளும் முடிந்து அப்பாடான்னு வெளில வந்து லக்கேஜ் எல்லாவற்றையும் காரில் ஏற்றிவிட்டு திரும்பினா, நான் கொண்டுவந்த ட்ராலிய வாங்குறதுக்காக ஒரு ஊழியர் தயாராக நின்றார்! பரவாயில்ல... இந்த சர்விசாவது நல்லா இருக்கு என்று நினைப்பதற்குள் அதற்கும் ஒரு சம்மட்டி அடி! ட்ராலியை எடுத்துகொண்டு தலைய சொரிந்தார் அந்த ஊழியர், " என்னப்பா என்ன வேணும்?" என்றேன், "பார்த்து கவனிங்க சார், ட்ராலிய தள்ளிட்டு உள்ள போகணும்" என்றார்! நானும் விடாமல் " போங்க.. அதுக்குதானே உங்களுக்கு சம்பளம் கொடுத்து வச்சிருக்காங்க?" என்றேன்,

" என்ன சார் நீங்க? ஒவ்வொருத்த ரெண்டு வெள்ளி, பத்து வெள்ளின்னு கொடுத்துட்டுப் போறாங்க, இதுக்குப் போய் கணக்கு பார்க்குறீங்க?" என்றார் சாதரணமாக! எனக்கு வந்த கோபத்தைக் கட்டுப்படுத்திக் கொண்டு அவரிடம் சொன்னேன் " அண்ணே. இன்னும் சிங்கபூர்ல தினக்கூலிக்கு வர்ற நம்ம ஆளுங்களுக்கு ஒரு நாள் சம்பளமே 18 வெள்ளிதான்! இங்க ட்ராலி தள்ளியே அவ்வளவு சம்பாதிக்க முடியும்னா எனக்கும் ஒரு வேலை இங்க வாங்கித் தாங்க, நானும் வந்து ட்ராலி தள்ளுகிறேன்" என்றேன்! அந்த முனகியபடியே திரும்பிச் சென்றார்! கண்டிப்பாக கெட்ட வார்த்தையில் திட்டியபடியே சென்றிருப்பார்!

சம்பவம் ஐந்து.

எல்லாவற்றையும் கடந்து வீட்டுக்குச் செல்லும் ஆர்வத்தோடு விமான நிலையத்தை விட்டு வெளியில் வந்தால், கொஞ்ச தூரத்தில் போலிஸ் செக் போஸ்ட்! அதை தொடும் முன்னரே ஒரு போலிஸ் வந்து நிறுத்தச் சொல்லி கை காட்டினார், நிறுத்தியவுடன் டிரைவர் சீட் பக்கம் குனிந்தார் அவர், என்னவோ என்று கண்ணாடியை இறக்கினால் குப்பென்று அடித்தது சரக்கு வாடை! டிரைவர் சீட்டில் இருந்த என் மாமாவிடம் " என்ன புதுசா? கவனிச்சிகிட்டு போய்க்கிட்டே இருங்க, ஐயா உள்ளதான் இருக்காரு" என்றார்!

உடனே என் மாமாவும் ஒரு ஐம்பது ரூபாயை எடுத்து நீட்டவும் " ஓக்கே ரைட்..போய்க்கிட்டே இருங்க" என்று கை காட்டி அனுப்பி வைத்தார்! நான் கொஞ்சம் எட்டிப்பார்த்தேன், அவர் சொன்ன ஐயா, நன்றாக தூங்கியபடி டியூட்டி பார்த்துக் கொண்டிருந்தார்! மாமாவிடம் கேட்டேன் " நாம பணம் கொடுக்கலைனா என்ன பண்ணுவாங்க?" என்று, "என்ன பண்ணுவாங்க? சந்தேகமா இருக்கு செக் பண்ணனும்னு லேட் பண்ணுவாங்க, இன்னும் கொஞ்சம் மோசமான ஆளுங்களா இருந்தா, கஞ்சா பாக்கெட்ட அவங்களே போட்டு நம்ம கார்ல இருந்துதான் எடுத்ததா வழக்கு போடுவாங்க" என்றார்! அரசாங்க அதிகாரிகளைப் பற்றிய மக்களின் இந்தப் பயம்தான் அவர்களை மேலும் லஞ்சமயமாக வாழவைத்து கொண்டிருக்கிறது!

சம்பவம் ஆறு.

விடுமுறையை சந்தோசமாக கழித்துவிட்டு திரும்ப சிங்கை வர அதே திருச்சி விமான நிலையம்! சரி.. எந்தப் பிரச்னையும் இருக்காது, ஏனென்றால் என்னிடம் செக் இன் லக்கேஜ் இல்லை! ஒரு ஹேன்ட் லக்கேஜ் மற்றும் லேப் டாப் மட்டுமே என்று நினைத்துதான் வந்தேன். ஆனால் அப்போதும் லஞ்சம் தன் கோரப் பற்களை காட்டியபடி என்னை வரவேற்றது! இந்தமுறையும் இமிக்ரேசனில் நீண்ட வரிசை! இன்னும் கொடுமை என்னவென்றால், மூன்று விமானங்கள் குறைந்த நேர இடைவெளியில் கிளம்பும், மூன்று விமான பயணிகளையும் கையாள அதே மூன்று அதிகாரிகள் மட்டுமே! நான் சிங்கைக்கு வரும் பயண நேரத்தைவிட விமான நிலையத்தில் செலவழிக்கும் நேரம் அதிகம்! ஒருவழியாக இமிக்ரேசன் முடிந்து உள்ளே போகும் முன் ஒரு கஸ்டம் ஆபிசரும் அவருக்கு துணையாக ஒரு போலிசும் இருந்து பாஸ்போர்ட்டை செக் செய்து அனுப்புவார்கள்.

என் பாஸ்போர்ட்டை வாங்கி புரட்டிப் பார்த்த அந்த போலிஸ் " என்ன தம்பி.அடிக்கடி வந்து போவீங்க போல? உங்களுக்கெல்லாம் நான் சொல்ல வேண்டியதே இல்லை, கவனிச்சிக்கிட்டு போய்கிட்டே இருங்க" என்றார்! அந்த நேரம் பார்த்து டைகர் ஏர்வேசின் செக்கிங் எஜன்ட் வர, நான் நழுவி எஸ்கலேட்டரில் ஏற ஆரம்பித்தேன், அவரும் விட வில்லை என் பின்னாடியே வந்துவிட்டார்! " தம்பி..கவனிச்சிட்டு போங்க" என்று! திரும்பவும் மேலே ஒரு பெண் என் போர்டிங் பாஸை செக் செய்து ஓக்கே சொல்லவும் உடனே உள்ளே போய் விட்டேன்! உள்ளே போய் எல்லா ஃபார்மாலிடீஸ் முடிந்தபின் திரும்பிப் பார்த்தேன், அப்பவும் அவர் இடுப்பில் கை வைத்து என்னை முறைத்தபடியே நின்றார்! என்னைப்போல அடிக்கடி வந்து செல்பவர்களையே இவர்கள் இந்தப் பாடு படுத்தினால், அதிகம் படிக்காமல் முதல் முறை வெளிநாடு செல்பவர்களை இவர்கள் என்ன பாடு படுத்துவார்கள்? பணம் கொடுத்தால்தான் பயணமே சாத்தியம் என்று சொன்னாலும் சொல்வார்கள்! இவர்களுக்கு ஏன் இந்தப் பிழைப்பு? இந்த நீண்ட கட்டுரையை படித்து முடிக்கும் உங்களுக்கே இவ்வளவு ஆயாசமாக இருக்கும்போது, இதை ஒவ்வொரு பயணத்திலும் அனுபவிக்கும் பயணிகளின் நிலையை நினைத்துப்பாருங்கள்! பல வெளிநாட்டினர் வந்துபோகும் இது போன்ற இடங்களில் நம் மானத்தை நேரடியாக விமானத்தில் ஏற்றிக் கொண்டிருக்கின்றனர் இந்த ஊழல் அதிகாரிகள்! இந்தியனாக பிறந்த ஒவ்வொருவரும் லஞ்சத்தை தவிர்த்து வாழவே முடியாத சூழ்நிலையில் கொண்டுவந்து தள்ளிவிட்டது இந்த அதிகார வர்க்கம்! லஞ்சம் என்றால் என்னவென்றே தெரியக்கூடாத குழந்தைகளை லஞ்சம் கொடுத்துதான் பள்ளியில் சேர்க்கிறோம்! லஞ்சம் வாங்குவதும் கொடுப்பதும் தவறு என்று போதிக்க வேண்டிய ஆசிரியரே லஞ்சம் கொடுத்துதான் அந்த வேலைக்கு வருகிறார்! லஞ்சம் வாங்குவதை கண்காணித்து கண்டிக்க வேண்டிய காவல்துறை லஞ்சத்தில் திளைத்து கொண்டிருக்கிறது! சட்டங்களை கடுமையாக்க வேண்டிய மந்திரிகள் லஞ்சத்தை கமிஷன் என்று பெயர் மாற்றி வைத்து வாங்குகின்றனர்! ஆக மொத்தம் இந்தியாவிற்கு தேசிய வியாதி என்று ஒன்றை தேர்வு செய்தால் அதற்கு சரியான தேர்வு இந்த லஞ்சம்!
source from: www.muthupettaiexpress.blogspot.com
நமது நிருபர்

சேக் முஹைதீன்

Read More