17 மாதங்களாக ரூமில் அடைத்துவைத்து முஸ்லிம் மாணவி கற்பழிப்பு :ஹைதராபாத்தில் பயங்கரம்

ஹைதராபாத், செப்டம்பர் 22: ஹைதராபாத் பாலிடெக்னிக் கல்லூரி ஒன்றில் பயிலும் முஸ்லிம் மாணவி ஒருவரை (பெயர் வெளியிடப்படவில்லை) அந்த கல்லூரியில் கேன்டீன் நடத்தி வரும் முதலாளி கடத்தி சுமார் 17 மாதங்கள் பாலியல் ரீதியாக சீரழித்துள்ளான்.அம்மாணவி அவனிடமிருந்து தப்பித்து வந்து காவல்துறையிடம் புகார் அளித்ததை தொடர்ந்து தற்போது அவன் கைது செய்யப்பட்டுள்ளான். இந்த சம்பவம் ஹைதராபாத் பகுதியில் பெரும் அதிர்ச்சி அலைகளை உருவாக்கியிருக்கிறது.

அது குறித்த போலிசில் அம்மாணவி அளித்துள்ள புகார் பற்றிய விபரம் வருமாறு…

ஹைதராபாத் நகரின் டி.ஆர்.ஆர் என்ற பாலிடெக்னிக் கல்லூரி ஒன்றில் கல்வி பயின்று கொண்டிருந்த இந்த முஸ்லிம் மாணவி கடந்த 2012 ஆம் ஆண்டு ஏப்ரல் 3ம் நாள் அந்த கல்லூரியின் கேண்டீனில் உணவருந்த சென்ற வேளையில்,அந்த கேன்டீன் முதலாளி சத்யபிரகாஷ் சிங் என்பவன் அவர் சாப்பிட்ட உணவில் மயக்க மருந்தை கலந்து மயக்கமுறச் செய்து அம்மாணவியை கடத்தி சென்றுள்ளான்.ரகசிய இடங்களில் மறைத்து வைத்து இவரை சுமார் 17 மாதங்களாக சங்கிலியால் கட்டி வைத்து கொடுமைப்படுத்தியும் தொடர்ச்சியாக பாலியல் ரீதியாக சீரழித்துள்ளான்.

தாம் சீரழிக்கப்படுவதை கண்டு அழுது புலம்பிய இம்மாணவிக்கு உதவி செய்வார் யாருமில்லாத நிலையில் தொடர்ந்து அந்த மாணவியை கொடுமைப்படுத்துவதிலும் பாலியல் ரீதியாக சீரழிப்பதிலும் தான் அவன் குறியாக இருந்துள்ளான். சில மாதங்கள் கழித்து இம்மாணவி அடைத்து வைக்கப்பட்டிருந்த அந்த வீட்டு முதலாளியின் நெருக்கடியை தொடர்ந்து இந்த மாணவியை வேறு இடத்திற்கு மாற்றியிருக்கிறான்.

முஸ்லிம் என்பதால் தான் உன்னை சீரழிக்கிறேன்..

தொடர்ந்து பாலியல் தாக்குதலை தொடர்ந்து கொண்டிருந்த அவன் எல்லா முஸ்லிம் பெண்களையும் இது போலவே நான் சீரழிப்பேன்.நான் சீரழிக்கும் ஐந்தாவது முஸ்லிம் பெண் தான் நீ என்றும்,மற்ற பெண்களையும் உன்னைப் போலவே சீரழித்து கொலை செய்து ஆற்றில் வீசிவிட்டேன் என்றும் அடிக்கடி கூறியிருக்கிறான். தமது தந்தை பாதுகாப்புத் துறையில் வேலை பார்ப்பதாகவும் தமது சகோதரன் ஒரு கிரிமினல் வழக்கறிஞர் என்பதாலும் இத்தகைய குற்றச் செயல்களுக்காக சட்டத்தின் பிடியில் சிக்காமல் தொடர்ந்து தப்பி வருவதாக சொல்லியிருக்கிறான்.

பல்வேறு நெருக்கடிகளை,தாண்டி கடத்தப்பட்டு ஒரு மாதம் ஆன நிலையில் மே 2012ல் தனது அம்மாவை தொலைபேசியில் தொடர்பு கொண்டு தாம் கடத்தப்பட்டு சீரழிக்கப்படுவதை பற்றி கூறியிருக்கிறார்.இதனையடுத்து அவரது குடும்பத்தினர் இது பற்றி காவல் துறையில் புகார் கொடுத்துள்ளனர்.ஆயினும் இந்த புகார் குறித்து காவல் துறை எந்த நடவடிக்கையும் எடுக்கவில்லை.

இம்மாணவி அவனது செல்போன் மூலமாக தனது அம்மாவை தொடர்பு கொள்ள முயன்ற போது நீ என்ன தான் முயன்றாலும் காவல் துறை என்னை அழைத்து செல்லும்.ஆனால் என்னை உடனடியாக வெளியே அனுப்பி விடுவார்கள்.தெலுங்கு தேச கட்சியின் பிரமுகரும் ஹைதராபாத் நகர முன்னாள் மேயருமான தீகலா கிருஷ்னா ரெட்டி தம்மை காப்பாற்றி விடுவார் என்று சொல்லியிருக்கிறான்.இந்த ரெட்டி தான் அந்த கல்லூரியின் உரிமையாளரும் கூட.

காவல் துறையினரும் கூட….

ஒரு முறை இந்த மாணவி தடுத்து வைக்கப்பட்டு கொடுமைப்படுத்தப்படுவதை பற்றி அக்கம் பக்கத்தில் இருப்போர் காவல் துறையிடம் புகார் அளித்துள்ளனர்.இந்த புகாரை விசாரிப்பதற்காக அந்த வீட்டிற்கு வந்த போலிசார் மூன்று பேரும் இம்மாணவியை சீரழித்த கொடுமையும் நடந்திருக்கிறது.அந்த போலிசாரும் அவனுக்கு வேண்டப் பட்டவர்கள் என்கிறார் அந்த மாணவி.

பாதிக்கப்பட்ட அந்த மாணவி காவல்துறையிடம் நேரில் புகார் அளித்த போது…

இதனையைடுத்து அந்த மாணவி கர்ப்பமடைந்துள்ளார்.உடனே ஒரு மருத்துவமணைக்கு அழைத்து சென்று கர்ப்பத்தை கலைத்திருக்கிறான்.அந்த மருத்துவமணை டாக்டர்களிடமும் ஊழியர்களிடமும் தனது நிலையை விளக்கியுள்ளார்; அந்த மாணவி.அவர்கள் கூட இந்த அபலை மாணவிக்கு உதவத் தயாராக இல்லை.

இந்நிலையில் கடந்த செப்டம்பர் 4 ம் தேதி குடித்து விட்டு வீட்டைப் பூட்டாமல் அப்படியே மயங்கி இருக்கிறான்.இதனை பயன்படுத்திக் கொண்டு அம்மாணவி அவன் பிடியிலிருந்து தப்பி வந்து தற்போது போலிசில் புகார் அளித்துள்ளார்.

இப்புகாரையடுத்து அந்த மிருகத்தை காவல்துறை கைது செய்து பாலியல் குற்றங்கள் தடுப்பு சட்டத்தின் கீழ் வழக்குப் பதிவு செய்திருக்கிறது.(கடந்த டிசம்பர் மாதம் டெல்லியில் மாணவி பாலியல் பலாத்காரம் செய்யப்பட்டு உயிரிழந்ததை தொடர்ந்து இந்த சட்டத்தை மத்திய அரசு கொண்டு வந்தது.இந் சட்டத்தின் படி அந்த டெல்லி மானவியை சீரழித்தவர்களுக்கு மரண தண்டனை விதிக்கப்பட்டுள்ளது)

இது குறித்து ஆந்திர மாநில மனிதஉரிமை ஆணையம் காவல்துறைத் தலைவர் மற்றும் வருவாய்துறைக்கும் உரிய நடவடிக்கை எடுத்து விசாரனை நடத்தி அறிக்கை சமர்ப்பிக்குமாறு உத்தரவிட்டுள்ளது.மேலும் பாதிக்கப்பட்ட அம்மாணவிக்கு பொருளாதார உதவி செய்யுமாறு ஹைதராபாத் மாவட்ட ஆட்சியருக்கு மனித உரிமைகள் ஆணைய தலைவர் அம்ஜதுல்லா கான் உத்தரவிட்டுள்ளார்.

டெல்லியிலும்,மும்பையிலும் பெண்கள் சீரழிக்கப்பட்டால் அது குறித்து முழு தகவல்களையும் அவ்வப்போது பதிவு செய்து வரும் ஊடகங்கள் சுமார் 17 மாத காலங்கள் முஸ்லிம் என்பதால் கடத்தி பாலியல் சீரழிவுக்கு உட்படுத்தப் பட்ட விவகாரத்தை நமது இந்திய ஊடகங்கள் இருட்டடிப்பு செய்து விட்டன.இந்த விரிவான தகவல் கூட துபையிலிருந்து வெளிவரும் கல்ஃப் நியூஸ் ஆங்கில ஏட்டின் இணைய தளத்திலிருந்து மொழிபெயர்க்கப்பட்டவை.
முஸ்லிம்களை மாற்றாந் தாய் மனப்பான்மையுடன் அனுகும் இந்த விபச்சார ஊடகங்கள் தமது செயலை திருத்திக் கொள்ள முன் வரவேண்டும்.

   தொகுப்பு    :ஜே .ஷேக்பரீத்

Read More

மோடியை இந்துக்கள் ஆதரிக்கவில்லை :மனிதநேய மக்கள் கட்சி கருத்து !!

மோடிதான் பாஜகவின் பிரதமர் வேட்பாளர் என்ற அறிவிப்பு நாடெங்கிலும் பரபரப்பாக விவாதிக்கப்படுகிறது!

பலர் மகிழ்ச்சியடைகிறார்கள்! பலர் கவலைப்படுகிறார்கள்! பலர் பதறுகிறார்கள்! நாடெங்கிலும் வெவ்வேறு விதமான உணர்வுகள் பிரதிபலிக்கிறது என்பது உண்மை!

இந்தியா பன்முகத்தன்மை கொண்ட நாடு! வெறித்தனம் கொண்டவர்களை இந்தியர்கள் அங்கீகரிப்பதில்லை!

அரசியல் தெளிவுள்ளவர்கள் நிதானமாகவே இருக்கிறார்கள். காரணம் பாஜக நிச்சயம் ஆட்சியைக் கைப்பற்றப் போவதில்லை! 200 இடங்களை நெருங்குவதே ஒரு பெரும் போராட்டமாக இருக்கும் என்பது மோடிக்கு நன்றாகவே தெரியும்!

அந்த 200 இடங்களை ஒருவேளை நெருங்கினாலும், அத்வானி ஆதரவு எம்.பி.க்கள் கலகம் செய்வார்கள் என்பதில் ஐயமில்லை. ம.பி.யின் பாஜக முதல்வர் சிவ்ராஜ்சிங் சவ்கான், அத்வானியின் ஆதரவாளர். அவர்தான் அதிகமாக எம்.பி.க்களை பாஜகவுக்கு வென்று கொடுப்பார் என எதிர்பார்க்கப்படுகிறது.

இப்போது பிராந்தியக் கட்சிகளில் மராட்டியத்தில் சிவசேனாவை மட்டுமே பாஜக நம்பியுள்ளது.

மோடி பிரதமர் வேட்பாளர் என்றதும் ஜெயலலிதாவே சற்று அச்சத்தில்தான் இருக்கிறார். அதனால்தான் ‘சோ’ அவரை அவசரமாக சந்தித்துப் பேசியுள்ளதாகத் தெரிகிறது.

‘மோடி‘க்கு ஆதரவாக சில ஊடகங்கள்தான் மாயத்தோற்றத்தை உருவாக்கி வருகின்றன. ‘நன்றி’ விசுவாசம் அவர்களைக் கட்டிப் போட்டிருக்கிறது போல? (பணம் பத்தும் செய்யும்).

ஒரு விளக்கு அணைவதற்கு முன்பு வேகமாக எரியும்! அதன் ஒளி வடிவம் ஆகும்! பிறகு அணைந்து விடும்! மோ(ச)டி வித்தைகளின் இறுதி நிலை அப்படித்தான் ஆகும் என்பதை விரைவில் நடக்கவிருக்கும் 5 வடமாநில தேர்தல் முடிவுகள் உணர்த்தும்!

அதே நேரம் காங்கிரஸ் கட்சி தனது தூக்கத்தைக் கலைத்து வெளிவர வேண்டும்! 81 கோடி மக்களுக்கு உணவுப் பாதுகாப்புச் சட்டத்தை நிறைவேற்றியது, நாட்டின் வளர்ச்சிக்காக நிலம் கையகப்படுத்தும் போது நில உரிமையாளர்களுக்கு 5 மடங்கு நட்டஈடு வழங்குவது, சாலையோர வியாபாரிகளின் வாழ்வுரிமையைக் காத்தது, தகவல் அறியும் உரிமைச் சட்டத்தை வழங்கியது, விவசாயிகளின் கடனைத் தள்ளுபடி செய்தது போன்ற நல்ல சாதனைகளை மக்களிடம் எடுத்துச்செல்ல பிரச்சாரக் குழுக்களை அமைத்து செயல்பட்டால் நல்ல மாற்றங்கள் நிகழ வாய்ப்புள்ளது!

குறிப்பாக ராகுல் காந்தியை பிரதமர் வேட்பாளராகவும், பிரியங்கா காந்தியை பிரச்சாரக்குழு தலைவராகவும் முன்னிறுத்தினால் கிராமப்புறங்கள் மட்டுமின்றி நகர்ப்புற மக்களும் காங்கிரஸை நோக்கி திரள்வார்கள்!

மோடிக்கு நகர்ப்புற மக்களுக்கு மத்தியில்தான் பரபரப்பு இருக்கிறது. ஆனால் நேரு குடும்பத்திற்குத்தான் கிராமப்புறங்களிலும் செல்வாக்கு இருக்கிறது.

சிறுபான்மையினருக்கான இடஒதுக்கீடு விவகாரத்திலும், ஈழத்தமிழர்களுக்கான துரோகம் விவகாரத்திலும் காங்கிரஸ் கட்சி தவறுகளை உணர்ந்து திருத்திக்கொண்டால் அதன் வெற்றி பிரகாசமாகும்!

இன்னும் காலமிருக்கிறது! மோ(ச)டியை முனை மழுங்கச் செய்யும் மாநில கட்சிகளுடனான உறவை அக்கட்சி வலுப்படுத்திக் கொள்வதும் நலம் பயக்கும்!
அதேசமயம், சிறுபான்மையினரும், நலிந்த பிரிவு மக்களும் மோ(ச)டியைக் கண்டு பதறத் தேவையில்லை.

இந்நாட்டின் பெரும்பான்மை மக்கள் உணர்வோடும், சகோதரத்துவத்தோடும் நம்மோடுதான் உள்ளார்கள்!

மோ(ச)டி அலை வீசவில்லை! வீசுவது போல் தோற்றம் உருவாக்கப்படுகிறது!

ராஜபக்ஷே சந்திக்கும் அதே நெருக்கடிகளை மோ(ச)டியும் சந்திக்கும் காலம் வெகுதொலைவில் இல்லை!

அவரை முன்னிறுத்துவது அரசியல் பேரழிவு என அத்வானியே கூறியுள்ளார்! அது யாருடைய அரசியல் என்பது சொல்லித் தெரிய வேண்டியதில்லை!

எனவே சமூக ஊடகங்களில் பணியாற்றும் மத நல்லிணக்க மதச்சார்பற்ற சிந்தனையாளர்கள் குஜராத்தின் கிராமப்புற நிலை குறித்தும், அங்கு மோடியின் தவறான நிர்வாகக் குறைகள் குறித்து புள்ளி விபரங்களைக் கணக்கெடுத்து, ஒப்பீட்டளவில் மோடி, பீஹாரின் நிதிஷ்குமாரின் சாதனைகளை விட பின்தங்கியுள்ள உண்மைகளை அம்பலப்படுத்திட வேண்டும்!

மாறாக, தனிநபர் விமர்சனம் மூலம் மோடிக்கு அனுதாபத்தையோ, விளம்பரத்தையோ ஏற்படுத்திக் கொடுத்திடக் கூடாது!

காரணம் மோடி அதைத்தான் விரும்புகிறார்.

M.தமிமுன் அன்சாரி ,

 மாநில பொது செயலாளர்

 மனிதநேய மக்கள் கட்சி ! !

Read More

3 வயது மகளுடன் பஹ்ரைன் வீதிகளில் தங்கியுள்ள இந்திய இளைஞரின் பரிதாப நிலை..

பஹ்ரைன், செப்டம்பர் 19: 3 வயது மகளுடன் பஹ்ரைன் வீதிகளில் தங்கியுள்ள இந்திய இளைஞரின் பரிதாப நிலை

தொழில் கூட்டாளி மோசம் செய்துவிட்டதால் இந்தியாவை சேர்ந்த ஒருவர் தனது 3 வயது மகளுடன் 6 மாத காலமாக பஹ்ரைன் வீதிகளில் தங்கி வரும் செய்தி அந்நாட்டின் பத்திரிகையில் வெளியாகியுள்ளது.

இந்தியாவை சேர்ந்தவர் முகம்மது சிக்கந்தர் சாம்ராட். இவரது மனைவி அனிஷா. பஹ்ரைனில் நர்சாக வேலை செய்து வந்தார்.

பஹ்ரைன் நாட்டுக்காரர் ஒருவருக்கு கிரானைட் மற்றும் மார்பிள் கற்களை வாங்கி தரும் தரகராக சிக்கந்தர் சாம்ராட்டும் பஹ்ரைனில் தங்கி தொழில் செய்து வந்தார்.

இவரது தொழில் கூட்டாளி சுமார் 65 ஆயிரம் பஹ்ரைன் தினார்களை மோசடி செய்துவிட்டார். அதனால், 2010ம் ஆண்டு பிறந்த மகளுக்கு பணம் இல்லாத காரணத்தால் பாஸ்போர்ட் வாங்க முடியாமல் போனது.

இதற்கிடையில், மனைவியின் நர்ஸ் வேலைக்கான ஒப்பந்தமும் காலாவதியாகி விட்டது. குடும்ப செலவுகளை சமாளிக்க முடியாத சாம்ராட், மனைவி, பிள்ளைகளை இந்தியாவுக்கு அனுப்பிவிட முடிவு செய்தார்.

கடைசி மகளுக்கு பாஸ்போர்ட் எடுக்காததால் அவளை மட்டும் தன்னுடன் வைத்துக்கொண்டு மோசடி செய்த பஹ்ரைன் ஆசாமி மீது கோர்ட்டில் வழக்கு போட்டு விட்டு நீதி தேவனின் தீர்ப்புக்காக காத்திருக்கிறார். வக்கீலுக்கு கொடுக்க பணம் இல்லாததால் பல வக்கீல்கள் இவரது வழக்கில் ஆஜராகாமல் இழுத்தடித்துக்கொண்டு வருகின்றனர்.

குடித்தனம் இருக்கும் வீட்டின் வாடகை பாக்கி ஆயிரம் தினாருக்கு மேல் ஏறிவிட்ட நிலையில் 3 வயது மகளை பார்த்துகொள்ள யாரும் இல்லாததால் வேலைக்கு கூட செல்லாமல் பூங்கா, மசூதி, கார் நிறுத்துமிடம் என கடந்த 6 மாத காலமாக சரியான உணவு இல்லாமல் சிக்கந்தர் வெட்டவெளியில் மகளுடன் காலம் கடத்தி வருகிறார்.

இந்திய தூதரகம் அங்கு என்ன தூங்கிகொண்டா இருக்கு? இவருக்கு உதவ முன் வரவேண்டும்.

Read More

முத்துப்பேட்டை விநாயகர் ஊர்வலம்: பாதையை முற்றிலும் மாற்றுவதே நிறந்தர தீர்வு! TNTJ கூட்டத்தில் முடிவு.

முத்துப்பேட்டை, செப்டம்பர் 19: முத்துப்பேட்டையில் நடைபெற்ற  வினாயகர் ஊர்வலத்தின் போது விஷமிகள் ஒரு வீட்டின்மீது கல்வீசி தாக்குதல் நடத்தியது சம்மந்தமாகவும் ஊர்வலத்திற்க்கு அனுமதி கொடுத்த நேரத்தில் வராமல் வேண்டுமென்றே இரவு வேளையில் ஊர்வலம் வந்தது சம்மந்தமாகவும் இதே நிலை வருங்காலங்களில் தொடராமல் இருக்க என்ன செய்யலாம் என முடிவு எடுக்க முத்துப்பேட்டை தவ்ஹித்ஜமாத் கிளைகளின் ஒருங்கினைந்த கூட்டம் ரஹ்மத் பள்ளிவாசலில் நடந்தது.

பல வருடங்களாக இந்த பிரச்சனை நீடித்துவர காரனம் இந்துக்கள் அதிகமக வாழும் பகுதிக்குள் ஊர்வல பாதையை அமைத்து கொள்ளாமல் முஸ்லிம்கள் அதிகமாக வாழும் பகுதிக்குள் பிரச்சனை செய்ய என்றே ஊர்வலம் வருவதுதான் காரனம் என்பது தெளிவாக தெறிகிரது.

நாளைக்கு முஸ்லிம்கள் எதாவது ஒரு ஊர்வலம் எனும் பேரில் இந்து பகுதிக்குள்தான் போவோம் என சொன்னால் எப்படி சட்டம் ஒழுங்கை காரனம் காட்டி அனுமதி கொடுக்க மாட்டார்களோ அதே போல இவர்கள் வினாயகரை தூக்கிகொண்டு முஸ்லிம்கள் வசிக்கும் பகுதிக்குள் வர அனுமதிக்ககூடாது.

எத்தனையோ தடவை எத்தனையோ வாக்குறுதிகள் அவர்களிடம் பெற்றுகொண்டு அனுமதி கொடுத்தும் அதை அவர்கள் கொஞ்சம்கூட மதிக்காமல் மீறியே வருகிறார்கள்.

காவல்துறையும் இதற்க்காக அவர்கள் மீது நடவடிக்கை எடுக்காமல் இனி அடுத்தவருடம் நடக்காது என நம்மை சமாதனபடுத்துவதுதான் வாடிக்கையாகி விட்டது.

இதனால் இனிவரும் காலங்களில் மக்கள் அமைதியாக வாழ  ஊர்வல பாதையை மாற்றி அமைப்பதுதான் ஒரே வழி என கருதுகிறோம்.

ஊர்வல நேரத்தை காலை 10 மனிமுதல் பகல் 2 மனிக்குள்ளாகவும்  மன்னார்குடி ரோடு வழியாக ECR ரோட்டில் போக பாதையை மாற்றி அனுமதி கொடுக்கும்படியும்,நேற்று தாக்குதல் நடத்தியவர்களை கைது செய்து சட்ட நடவடிக்கை எடுக்கும் படியும் மனு கொடுக்கப்பட்டது.

இந்த புகாரின் நகல்  டிஎஸ்பி,  எஸ்பி,  டிஐஜி, ஐஜி,  இன்னும் முதலமைச்சரின் தனிபிறிவு அதிகாரி ஆகியோருக்கும் தவ்ஹித்ஜமாத்  மாவட்ட,  மாநில தலமைக்கும் அனுப்பிவைக்கப்பட்டுள்ளது.

Read More

முத்துப்பேட்டை இஸ்லாமிய நல சங்கத்தின் 31-ஆம் ஆண்டிற்கான புதிய நிர்வாகிகள் தேர்ந்தெடுப்பு கூட்டம்.

துபாய், செப்டம்பர் 18: அல்லாஹ்வின் மாபெரும் கிருபையைக் கொண்டு வெள்ளி விழாவை கடந்து பொன் விழாவை நோக்கி சிறப்பாக செயலாற்றி வரும் நமது முத்துப்பேட்டை இஸ்லாமிய நல சங்கத்தின் (REG NO:32/2009). 31 ஆம் ஆண்டிற்கான புதிய நிர்வாக குழு தேர்ந்தெடுப்பு கூட்டம் இன்ஷா அல்லாஹ் வருகிற 20-09-2013 வெள்ளிக்கிழமை அன்று மாலை சரியாக 7 மணியளவில்  (HOR AL ANZ) தலால் சூப்பர் மார்கெட் பில்டிங் T.E.S. யூசுப் சுஹைல் & நண்பர்கள் ரூமீல் நடைபெற உள்ளது. எனவே நமது சங்க உறுப்பினர்கள் மற்றும் நமதூர்வாசிகள் அனைவரும் தவறாது கலந்து கொண்டு புதிய நிர்வாக குழுவை தேர்ந்தேடுத்து தர வேண்டுமாய் அன்புடன் கேட்டுக் கொள்கிறோம்.   

மேலும் தொடர்புக்கு:

M .ஷாகுல் ஹமீது              N.ஷேக் தாவூது              A.ஹாஜா நஜிபுதீன்       

   (052 – 7140077)                        (055 – 1878908)              (055 – 7122698)

 T.E.S.யூசூப் சுஹைல்               H. தாவூது கான்          N. நாசர்                                      

  (050 – 9806207)                      (055 -  4725223)        (050  - 6406390)      

தொகுப்பு:

A. முஹம்மது இலியாஸ், ASNS. அப்துல் பாரி.

Read More

தமிழக பிஜேபியின் தலைவராகிறார் ரஜினி. மோடியை முன்னிறுத்தி ஜெயலலிதாவுடன் கூட்டணி. சோ மெகா திட்டம்.

சென்னை, செப்டம்பர் 18: கடந்த இரண்டு நாட்களுக்கு முன் துக்ளக் ஆசிரியர் சோ அவர்கள் முதல்வர் ஜெயலலிதாவை சந்தித்தார். அப்போது அவர்களின் சந்திப்பு எதனால் நடந்தது என்பது குறித்த தகவல்கள் ஏதும் வெளியாகவில்லை. இதுகுறித்து தற்போது திடுக்கிடும் தகவல் வெளிவந்துள்ளது.

சோ அவர்கள் பிஜேபியிடன் ஒரு மெகா திட்டத்தை வரும் பாராளுமன்ற தேர்தலில் ஈடுபடுத்த யோசனை கூறியுள்ளார். அதுதான் மும்மூர்த்திகள் திட்டம். ஜெயலலிதா, ரஜினி, மோடி ஆகிய மூவரும் ஒன்று சேர்வதுதான் இந்த மெகா திட்டம். தமிழக பாரதிய ஜனதாவுக்கு ரஜினியை தலைவராக்கி, முதல்வர் ஜெயலலிதாவுடன் கூட்டணி பேச்சுவார்த்தை நடத்தி ஒரு கெளரவமான எண்ணிக்கையுடைய சீட்டுகளை பெற்று, மோடியை பிரதமர் வேட்பாளராக முன்னிறுத்தி தேர்தலை சந்திப்பதுதான் சோவின் மெகா திட்டம்.

 இந்த திட்டத்திற்கு முதலில் ரஜினி தயங்கினாலும் பின்னர் ஒப்புக்கொண்டுவிட்டுவிட்டார் என்றுதான் தெரிகிறது. ரஜினிக்கு மோடி நெருங்கிய நண்பர் என்பதால் அவர் உடனடியாக இந்த திட்டத்திற்கு சம்மதம் தெரிவித்துவிட்டார். எனவேதான் இதுகுறித்து பேச்சுவார்த்தை நடத்துவதற்கு ஜெயலலிதாவை சந்தித்துள்ளார் சோ.

ஆனால் ஜெயலலிதா உடனடியாக பதில் கூறவில்லையாம். ஆலோசித்து பதில் சொல்வதாக கூறியுள்ளார். பிரதமர் கனவில் இருக்கும் ஜெயலலிதா இதற்கு ஒப்புக்கொள்வாரா என தெரியவில்லை. ஆனால் மோடி கட்டாயப்படுத்தினால் ஜெயலலிதா மறுக்க மாட்டார் என்றே சோ நம்பிக்கையுடன் உள்ளாராம்.

இந்த திட்டத்தின்படி வரும் லோக்சபா தேர்தலில் ரஜினியை ஏதாவது ஒரு தொகுதியில் நிற்கவைத்து அவருக்கு மத்திய அமைச்சரவையில் ஒரு முக்கிய பதவியும் கொடுக்க மோடி உறுதியளித்துள்ளதாகவும் தெரிகிறது.

Read More

முத்துப்பேட்டைவிநாயகர் ஊர்வலம் -உயர்நீதிமன்ற உத்தரவை மீறிய இந்து முன்னணி கலவர கும்பல் :

முத்துப்பேட்டை, செப்டபர் 18: முத்துப்பேட்டையில் பா.ஜ.க. இந்து முன்னணி சார்பில் 21 ஆம் ஆண்டு விநாயகர் ஊர்வலம் நேற்று நடைபெற்றது. 

ஊர்வலத்தில் தில்லைவிளாகம், வடக்காடு, கல்லடிக்கொல்லை, செங்கங்காடு, உப்பூர், மங்களூர், கீலனமங்குரிச்சி, மருதங்கவெளி உட்பட இடங்களிலிருந்து சிலைகள் எடுத்துவரப்பட்டன. இந்த ஊர்வலம் ஜாம்புவோனோடை வடகாட்டிளிருந்து புறப்பட்டு தர்கா மேலக்காடு கோரையாறு பாலம் வழியாக ஆசாத் நகர் திருத்துறைப்பூண்டி ரோடு, பழைய பேருந்து நிலையம், பட்டுக்கோட்டை ரோடு பங்கலாவாசல், செம்படவங்காடு, வழியாக பாமினி ஆறு சென்று கரைக்கப்பட்டன. இந்த ஊர்வலத்தில் 12 கண்காணிப்பு கேமரா பொருத்தப்பட்டிருந்தது. கண்காணிப்பு கோபுரங்கள் அமைக்கப்பட்டிருந்தன. 

திருச்சி ஐ.ஜி. ராமசுப்ரமணியம் தலைமையில் தஞ்சை டி.ஐ.ஜி.அமல் ராஜ் மேற்பார்வையில் திருவாரூர் எஸ்.பி. காளிராஜ் மகேஷ் குமார், தஞ்சை எஸ்.பி. தர்மராஜன், நாகை எஸ்.பி. சி.பி. சக்ரவர்த்தி, அரியலூர் எஸ்.பி. ஜாவுல் ஹக், தலைமையில் 50 டி.எஸ்.பி. 100 இன்ஸ்பெக்டர், 200 சப் இன்ஸ்பெக்டர் உட்பட சுமார் 3000 த்திற்கும் மேற்பட்ட போலிசார் பாதுகாப்பு பணியில் ஈடுபட்டனர். கலவரத்தை தடுப்பதற்கு ஏராளமான வஜிரா வாகனம், கண்ணீர் புகை வாகனம், தீ அணைப்பு வண்டிகள் ஆங்காங்கே நிறுத்தப்பட்டிருந்தன. 

முத்துப்பேட்டையில் இந்துக்களும் ,முஸ்லீம்களும் பழங்காலந் தொட்டே அண்ணன் தம்பிகளாகவும் ,மாமன் மச்சான் களாகவும் சகோதர வாஞ்சையுடன் வாழ்ந்து வருகின்றனர் .இதனை பொறுக்க முடியாத இந்துமுன்னணி ,ஆர் எஸ் எஸ் போன்ற மதவாத தேசவிரோத ,கும்பல்கள் வருடாவருடம் விநாயகர் ஊர்வலம் என்ற பெயரில் ஒரு வன்முறை ஊர்வலத்தை நடத்தி வருகின்றனர் .


இவர்கள் நடத்தும் இந்த வன்முறை ஊர்வலத்திற்கு முத்துப்பேட்டையில் உள்ள பெரும்பான்மையான  இந்துக்கள் ஆதரிக்கவில்லை என்ற காரணத்தினால் வெளியூர்களிலிருந்து ஆட்களை அழைத்து வருகின்றனர் 



.இந்த ஊர்வலத்தில் பங்கேற்க வருபவர்களுக்கு தாராளமாக சாராய சப்ளை செய்யப்பட்டு ,இஸ்லாமியர்களுக்கு எதிராக கொம்பு சீவி விடப்படுகிறார்கள் .இந்திய தவ்ஹீத் ஜமாத்தின் உதவியால்  சர்ச்சை குள்ளான பகுதியான பங்களா வாசல் வழியாக பேட்டைவரை  நடந்துகொண்டிருந்த வழித்தடத்தை மாற்றியமைக்க உத்தரவிட்டது  உயர்நீதி மன்றம் .


உயர்நீதிமன்றம் வழங்கிய உத்தரவில் -ஊர்வலம் சரியாக 4.30 மணிக்கெல்லாம் இஸ்லாமியர்கள் வசிக்கும் பகுதிகளை கடந்துவிட வேண்டும் என்றும் ,வணக்கஸ்தலங்கள் அருகில் ஊர்வலம் செல்லும் போது  வெடி வெடிப்பதோ ,மேல தாளங்கள் முழங்குவதோ ,கூடாது என்றும் -பிற மதத்தவரை புண்படுத்தும் கோஷங்கள்  போடுவதோ கூடாது என்றும் சென்னை உயர்நீதி மன்றம் உத்தரவிட்டது .


ஆனால் இந்த உத்தரவுகளை எல்லாம் சற்றும் பொருட்படுத்தாமல் "இந்தியா இந்து நாடு" பத்து காசு முறுக்கு -பள்ளிவாசலை நொறுக்கு என்றும் சட்ட விரோதமான கோஷங்களை எழுப்பி சென்றனர் .இதுமட்டுமில்லாமல் வழக்கத்திற்கு மாறாக சரியாக நான்கரை ,ஐந்து மணிக்குள்ளாக பழைய பேருந்து நிலையம் ,பங்களா வாசல் பகுதிகளை கடக்காமல் ,சரியாக 8 மணிக்குத்தான் பழைய பேருந்து நிலையம் வந்தடைந்தனர் .


இது உயர்நீதி மன்ற உத்தரவிற்கு எதிரானதாகும் .வருடாவருடம் இவர்கள் நடத்தும் இந்த அராஜகத்தை முத்துப்பேட்டையில் வாழும் முஸ்லீம்கள் மட்டுமல்ல ,மனிதநேயத்தை ,மதநல்லிணக்கத்தை விரும்பக்கூடிய இந்துக்களும் வன்மையாக கண்டிக்கிறார்கள் . முத்துப்பேட்டையில் மட்டுமல்ல இந்த நாடு முழுவதுமே அமைதியும் ,மதநல்லிணக்கமும் நிலவ வேண்டுமானால்  ஆர் எஸ் எஸ் ,இந்து முன்னணி ,பாஜக போன்ற மதவாத ,தேசவிரோத ,பயங்கரவாத அமைப்புகள் தடை செய்யப்படவேண்டும் .

தொகுப்பு :ஜே.ஷேக்பரீத் 

Read More

முத்துப்பேட்டை விநாயகர் ஊர்வலத்தில் முஸ்லிம் வீடு மீது தாக்குதல்.! PFI கடும் கண்டனம்.

முத்துப்பேட்டை, செப்டம்பர் 17: முத்துப்பேட்டையில் இன்று விநாயகர் ஊர்வலம் நடைபெற்றது. இந்த ஊர்வலம் சரியாக 8 மணிக்கு மேலே தான் முஸ்லிம்கள் வசிக்கக்கூடிய பகுதிக்கு வந்தது. அப்போது கடுமையான மழையும், மின்சாரம் துண்டிக்கப்பட்டும் இருந்தது. அந்த சந்தர்பத்தை பயன்படுத்தி ஊர்வலத்தில் வந்த ஃபாசிஸ கும்பலை சேர்ந்தவர்கள் பங்களா வாசல் அருகில் உள்ள வீட்டிற்குள்  கற்களை எறிந்துள்ளனர், இதனால் அந்த வீட்டில் உள்ள முன்வாசால் கேட்டு பெரிய சப்தத்துடன் உடைந்து காணப்பட்டது. இதனால் முத்துப்பேட்டையில் பெரும் பரபரப்பு ஏற்பட்டது. இந்த தகவல் அறிந்த பாப்புலர் ப்ரண்ட் ஆப் இந்தியாவின் மாநில செயற்குழு உறுப்பினர் ஜனாப். A. அபூபக்கர் சித்திக் அவர்கள் நேரில் சென்று பார்வையிட்டார். 

இதனைத் தொடர்ந்து முத்துப்பேட்டை எக்ஸ்பிரஸ் இணையத்தளத்திற்கு பேட்டியளித்த அவர், இந்தியா முழுவதிலும் இஸ்லாமியர்களிடம் கலவரத்தை தூண்டி வன்முறையை அதிகப்படுத்த வேண்டும் என்ற பெயரில் வருடா வருடம் இந்த விநாயகர் ஊர்வலம் நடைபெறுவது வழக்கம் என்றும், ஆனால் முத்துப்பேட்டையை பொருத்தவரையில் காவிக்கும்பல் கலவரத்தை தூண்டி வன்முறையை வளர்த்து சொத்துக்களை சூறையாட நினைக்கிறார்கள் என்றும், இன்று நடைபெற்ற இந்த ஊர்வலத்தில் முஸ்லிம் வீட்டை கல்லெறிந்து தாக்கிய ஃபாசிஸ கும்பலை சேர்ந்தவர்களை காவல்துறை உடனடியாக கைது செய்து சட்டரீதியான நடவடிக்கை எடுக்க வேண்டும் என்று அவர் தெரிவித்தார். 

தகவல்:  ஜே: ஷேக் பரீத் 

Read More

முத்துப்பேட்டையில் கனமழை. மழையில் நுழைந்த பிள்ளையார், தாமதாமான ஊர்வலம்.

முத்துப்பேட்டை, செப்டம்பர் 17: முத்துப்பேட்டையில் மாலை 7 மணி முதல் தொடர்ந்து 20 நிமிடம் கனமழை பெய்து வருகிறது, இதனால் ஊரில் மின்சாரம் துண்டிக்கப்பட்டுள்ளதால் முத்துப்பேட்டை நகர் முழுவதும் இருட்டில் மூழ்கி உள்ளது. இதானால் கலவர பிள்ளையார் மலையில் பாதிலேயே நுழைந்தும் கரைந்தும் நடு ரோட்டிலேயே கரைந்தும் செல்கிறார்.

Read More

முத்துப்பேட்டையில் இன்று தேசவிரோதிகளின் ஊர்வலம்!

முத்துப்பேட்டை, செப்டம்பர் 17: முத்துப்பேட்டையில் விநாயகர் ஊர்வலம் என்றாலே ஒரு வித பதற்றம் தொற்றிக்கொள்ளும் காரணம் காவிகளின் கலவர திட்டங்களும், காவல்துறையின் நெருக்கடிகளும்தான். ஆம் தமிழகம் முழுவதும் இந்த ஊர்வலம் நடந்துவிட்டாலும் கடைசியாகத்தான் முத்துப்பேட்டையில் நடத்த தேதி குறிப்பார்கள் காவிகளின் இராமகோபலன்,சிபிஆர்,ஹெச் ராஜா போன்ற வெறியர்கள் தலைமையில் காவிகள் குடிகாரர்களாக மாறி காவிதுணிகளை தலையில் கட்டிக்கொண்டு முஸ்லிம்களின் பகுதிகளுக்குள் ஊர்வலமகா வருவார்கள். அப்படி வருபவர்கள் அமைதியாகவோ அல்லது சாமிகளில் கோஷங்களையோ போட்டுச்சென்றால் அதனால் யாருக்கும் எந்த இடையூறும் இல்லை ஆனால் இவர்கள் போடும் கோஷமா மததுவேசத்தை வெளிப்படுத்தி கலவரத்தை தூண்டுவதாக அமையும் பத்துகாசு முறுக்கு பள்ளிவாசலை நொறுக்கு, இந்தியா இந்து நாடு ஓடு ஓடு பாகிஸ்தானுக்கு ஓடு, இந்த படை போதுமா இன்னம் கொஞ்சம் வேனுமா போன்ற கோஷங்களையும் அறுவருக்கத்தக்க செயல்களையும் செய்துகொண்டே செல்வார்கள். இடையில் சில இடங்களில் கற்களை கொண்டு முஸ்லிம் சொத்துக்கள் தாக்கப்படும். 

ஊர்வலத்திற்கு இரண்டு மூன்று நாட்களுக்கு முன்பே 3000 த்துக்கும் காவலர்கள் பாதுகாப்பு பணிகளுக்கு இறக்கப்படுவார்கள், ஐ.ஜி தலைமையில் பல மாவட்ட எஸ்.பிக்களின் கண்காணிப்பில் பல்வேறு டிஸ்பிக்களின் மேற்பார்வையில் நூற்றுக்கணக்கான இன்ஸ்பெக்டர்கள் மற்றும் சப் இன்ஸ்பெக்டர்கள் தலைமையில் தனி குழு அமைக்கப்பட்டு ஆங்காங்கே நிறுத்தப்படுவார்கள். மெயின் ரோட்டிற்கு வரும் அனுத்து சாலைகளும், வழிகளும் தட்டிகளை கொண்டும், கம்புகளை கொண்டும் அடைக்கப்படும். பல்வேற்று கண்காணிப்பு கேமராக்கள் சுழன்று கொண்டே இருக்கும், வஜ்ரா வாகனங்கள், தீயணைப்பு வாகனங்கள் என தயார் நிலையில் நிறுத்தப்படும். ஊர்வலத்தன்றோ அல்லது அதற்கு முன்பு நாள் மாலையோ காவல்துறையின் பிரமாண்ட ஊர்வலம் வலம் வரும். ஊர்வலத்தின் இரு பக்கமும் காவல்துறை அணிவகுத்து செல்வார்கள். இருந்தாலும் கலவரக்காரர்களை கட்டுபடுத்த முடியாது அந்தளவிற்கு அவர்களின் கூச்சலும் செயல்களும் அமைந்திருக்கும். 

இதோ அன்றைய வந்துவிட்டது இன்றுதான் 17-09-2013 மாலை 3.00 மணிக்கு ஜாம்புவனோடையிலிருந்து புறப்படும் காவிகளின் ஊர்வலம் ஜாம்புவனோடை தர்ஹா வழியாக கோரையாற்று பாலத்தை கடந்து ஆசாத்நகர் பள்ளிவாசல்,கடைத்தெருக்களை அடையும் பின்னர் அங்கிருந்து மீராஉசேன் மருத்துவமனைக்கு செல்லும் அப்போது அங்கே கோவிலூர், மருந்தங்காவெளி, காளியம்மன் கோவில் தெரு போன்ற பல பகுதிகளில் இருந்து வருகை தந்து தயாற் நிலையில் நின்றுகொண்டிருக்கும் பிள்ளையார்களின் காவிக்கூட்டம் இந்த ஊர்வலத்தோடு இணைந்துகொள்ளும் அதோடு பழைய பேரூந்து நிலையத்தை அடைந்து நியூ பஜார் வழியாக புதுப்பள்ளிவாசல், பங்களாவாசல், ஓடக்கரை, அரக்காசு அம்மா தர்ஹா, ரஹ்மத் ஸ்கூல், ரஹ்மத் பெண்கள் பள்ளிவாசல், ரஹ்மத் பள்ளிவாசல், யாகூப்சாரின் பிரிலியன்ட் ஸ்கூல் வழியாக முஸ்லிம்களின் பகுதிகளுக்குள் சென்று செம்படவான் காடு வழியாக சென்று அங்கிருந்து பாமினியாற்றில் கரைக்கப்படும். ((இதற்கு முன்பு பங்களாவாசலில் இருந்து முஸ்லிம்களின் முக்கிய பகுதிகளான பெரியக்கடைத்தெரு வழியாக முகைதீன் பள்ளிவாசல், குட்டியார் ஜூம்ஆ பள்ளிவாசல், அரபு சாகிபு பள்ளிவாசல் வழியாக சென்றுகொண்டிருந்த ஊர்வலத்தினர் கடுமையாக பிரச்சணைகளை உருவாக்கியதால் நீதிமன்றத்தில் உத்தரவுப்படி மேலே கூறிய வழிகளை மாற்றிவிட்டனர்))

நேற்றய முன்தினம் முதல் முத்துப்பேட்டையில் பரபரப்பு தொற்றிக்கொண்டது. காவலர்களின் கடுமையான கட்டுபாடுகள் முஸ்லிம்களை மன உலைச்சலுக்கு ஆளாக்கியுள்ளன. பெரியக்கடைத்தெரு மற்றும் ஏனைய பகுதிகளில் உள்ள முஸ்லிம்கடைகளை மட்டும் குறிவைத்து உரிமையாளர்கள் மற்றும் தொழிலாளிகளின் முகவரிகள்,தொலைபேசி நம்பர்கள் விசாரிக்கப்பட்டு காவல்துறையால் வாங்கப்பட்டுள்ளன. ஏவனோ ஊர்வலம் நடத்துவதற்கு முஸ்லிம்கள் என்ன செய்தார்கள் என்று தெரியவில்லை. அனைத்து பகுதிகளும் கண்காணிப்பு கேமராக்கள் என்று தற்போது புதிதாக கண்கானிப்பு கூண்டுகள் அமைக்கபட்டும் கண்கானிக்கபடுகின்றன. இரண்டுநாட்களாக அறிவிக்கப்படாத காவல்துறையின் கட்டுப்பாட்டுக்கள் முத்துப்பேட்டை கொண்டுசெல்லப்பட்டுள்ளன. 

காவல்துறையின் பாதுகாப்பு நடவடிக்கைகள் சிலவற்றை பாராட்டலாம் ஆனாலும் பாதுகாப்பு என்ற பெயரில் சில அத்து மீறல்களையும் நாம் கண்டிக்கிறோம். இத்தனை ரணகளங்களையும் தாண்டி, அரசுக்கு பல்லாயிரம் கணக்கில் செலவுகள் வைக்கப்பட்டும், பொதுமக்களின் அன்றாட வாழ்கைக்கு சவால் விடபட்டும், சில அச்சுறுத்தலுக்கு ஆளாக்கப்பட்டும், பொதுமக்களின் கலவர பயத்திற்கு நடுவிலும் நடைபெறும் இந்த காவிகளின் ஊர்வலம் தேவைதானா... அரசோ அல்லது கவால்துறையோ இதனை இரும்புக்கரம் கொண்டு தடுத்து நிறுத்தாமல் ஏன் இவ்வளவு சிறமங்கள் எடுக்க வேண்டும். 

இன்று 17-09-2013 இன்னும் சற்று நேரத்தில் துவங்கி வர இருக்கும் காவிகளின் ஊர்வலம் மூலம் எந்த பதற்ற சூழ்நிலைகளும் உருவாகிவிடாமல் இருக்க அனைத்து தரப்பும் அமைதிகாக்க வேண்டும் எனவும் அன்பு வேண்டுகோள் வைக்கிறோம். நாய்கள் ரோட்டில் கற்றிக்கொண்டு சென்றாலும் அதனை காவல்துறை பார்த்துக்கொள்ளும் என்று முஸ்லிம்களும் மவுனம் காப்பதே சாலச்சிறந்தது. அதனையும் மீறி காவிகள் கலவரங்களை தூண்டினால் சட்ட நடவடிக்கைகளை மேற்கொள்ள தயாரான நிலையிலும் இருக்க வேண்டும் எனவும் கேட்டுக்கொள்கிறேன். 

இனிவரும் காலங்களிலாவது இதுபோன்ற கலவர ஊர்வலங்களுக்கு அரசு தடை விதிக்க வேண்டும் என்பதே முத்துப்பேட்டை அல்ல தமிழக அனத்தை தரப்பு மக்களின் வேண்டுகோள்.....

நமது நிருபர்:

முத்துப்பேட்டை முகைதீன்

Read More

மோடியின் கூட்டத்துக்காக முஸ்லிம்கள் அணியும் தொப்பி - ஸ்கார்ப் - புர்கா ஆர்டர்! பாஜக வின் நாடகம் அம்பலம் !!

ராஜஸ்தான் மாநிலம் 'ஜெயய்ப்பூரில்'  நடக்கவிருக்கும் நரேந்திர மோடியின் பொதுக்கூட்டத்துக்காக, 

முஸ்லிம்கள் அணியும் தொப்பி, பெண்கள் அணியும் ஸ்கார்ப் - புர்கா போன்ற ஆடைகள் ஆயிரக்கணக்கான எண்ணிக்கையில் ஆர்டர் கொடுக்கப்பட்டுள்ளது தெரிய வந்துள்ளது.

இதுகுறித்து, ராஜஸ்தான் பாஜக தலைவரான 'வசுந்தரா ராஜே'விடம் கேட்கப்பட்டபோது, இதை ஒப்புக் கொண்ட வசுந்தரா,

ஆம்,

மோடியின் கூட்டத்துக்காக முஸ்லிம்கள் அதிகளவில் அழைக்கப்பட்டுள்ளனர்.

பேரணியில் கலந்துக் கொள்ளும் முஸ்லிம் ஆண்கள், தொப்பி அணிந்தும், பெண்கள், பர்தா அணிந்தும் வரவேண்டும் என பாஜக மேலிட ஆலோசனையின் பேரில் முஸ்லிம்களுக்கான "டிரஸ் கோட்" முடிவு செய்யப்பட்டுள்ளது, என்றார்.

'அஜ்மீர் தர்கா' ஊழியர்கள், அங்கு வரும் யாத்ரீகர்கள் என பெருமளவில் முஸ்லிம் தலைகளை பேரணியில் கலந்துக் கொள்ள செய்ய திட்டம் தீட்டி செயல்படுகின்றனர்.

இப்படி, பெயர் தாங்கி முஸ்லிம்கள் சிலரையும்,

வேறு சிலரை, முஸ்லிம்கள் அணியும் தொப்பி, புர்கா அணிவிக்கப்பட்டு 'ஆள்மாறாட்டம்' செய்தும், கூட்டத்தை காண்பிக்கும் முயற்சியில் ராஜஸ்தான் பாஜக ஈடுபட்டுள்ளது.

இதற்காக, 8,000 தொப்பி, 12,000 புர்கா, சில ஆயிரம் ஸ்கார்ப் களுக்கு ஆர்டர் செய்யப்பட்டுள்ளது.

இதன் மூலம்

'மோடியின் கூட்டத்தில் அலை மோதிய முஸ்லிம்களின் கூட்டம்'

என்ற தலைப்பில் மீடியாக்களின் விளம்பரம் பெற்று, முஸ்லிம்களும் பாஜக பக்கம் வரத்துவங்கி விட்டது போன்ற ஒரு மாயை ஏற்படுத்தும் முயற்சியில் உள்ளனர்.

குறிப்பு :

மோடியின் 'ஹைதராபாத்' கூட்டத்துக்காக முதலில் பதிவு செய்ததே ஒரு முஸ்லிம் பெண் தான், என ஏற்கனவே இவர்கள் செய்த பித்தலாட்டவெட்ட வெளுச்ச்சமாகி உள்ளது.

தொகுப்பு :ஜே .ஷேக்பரீத்  .

Read More

கலவரத்தை தடுக்க தீவிர முயற்சி எடுக்க வேண்டும்: முலாயம் சிங் வீட்டை நோக்கி SDPI கட்சி மாபெரும் கண்டன பேரணி:

 உத்தர பிரதேசம், செப்டம்பர் 17: உத்தர பிரதேசத்தில் நடைபெறும் கலவரத்தை கட்டுப்படுத்தக்கோரி SDPI கட்சியின் சார்பில் இன்று(10.9.2013) டெல்லி ஜந்தர் மந்தரில் முலாயம் சிங் வீட்டை நோக்கி மாபெரும் கண்டன பேரணி நடைபெற்றது.

கலவரத்திற்கு காரணமான குற்றவாளிகளை விரைவாக கைது செய்யக்கோரியும், சுதந்திரமான விசாரணை கோரியும், வகுப்புவாத வன்முறை தடுப்பு சட்டத்தை அமல்படுத்தக்கோரியும், வகுப்புவாத அரசியலை பா.ஜ.க மற்றும் சமாஜ்வாதி பார்ட்டி நிறுத்த வேண்டும் என்ற கோரிக்கைகளை முன்வைத்து இந்த பேரணி நடைபெற்றது.பேரணியாக சென்ற எஸ்.டி.பி.ஐ கட்சியினரை காவல்துறையினர் தடுத்து நிறுத்தினர்.

இந்த கண்டன பேரணியை எஸ்.டி.பி.ஐ கட்சியின் டெல்லி பிரதேச தலைவர் வழக்கறிஞர் முஹம்மது அப்பாஸ் தலைமை தாங்கி நடத்தினார்.இதில் ஏராளனமான பொதுமக்களும் சமூக ஆர்வலர்களும் கலந்து கொண்டனர்.

செய்தி  :ஜே .ஷேக்பரீத் 

Read More

முத்துப்பேட்டை: எல்லோர் முகத்திலும் கலவர தீ

முத்துப்பேட்டை, செப்டம்பர் 17: காரணம் இன்று நடக்க உள்ள விநாயகர் சதூர்த்தி


முத்து பேட்டை சந்திக்குமா ஏதும் அழிவை

என்ற பயத்தில் இழந்து நிற்கிறது பொலிவை

கொய்யா வளைவிலும் இன்னும் சில தெருவிலும்
அமைக்க பட்டு இருக்கிறது பாதுகாப்பு கூண்டு

வெளிய தெருவு போகமுடியல போன கேட்குறான்
முகவரியோடு அப்பன் பேரு என்னாண்டு

அன்னைகன்னாடு உழைப்பவன்

கட்டிடம் கடை தெருவில் பிழைப்பவன்

வேலை இழந்து கையில் காசு இன்றி நிற்கிறான்

பிள்ளையாரை தூக்குபவனோ பில்லர்
தூணாட்டம் நிற்குறான்

நீதியும் நியாமும் நிற்கிறது கைகட்டி

படமெடுத்து நிற்கிறது நல்ல பாம்பு ஊரை சுற்றி

அடிப்பதற்கு அல்ல..... விரட்டுவதற்கு கூட ஆள் இல்லை

காவல் துறையோ..!! பாம்பிற்கு ஆனது செல்ல பிள்ளை

வேண்டாம் என்று சொல்ல வில்லை

பவலரகம் போட்டு கொண்டு !! உடுத்திகொள் பட்டாடை

நாங்கள் சொல்வது எங்கள் நிலத்தில்
புகுந்து கொண்டு புடுங்க வராதே எங்கள் பட்டாவை

அண்ணனும் தம்பியும் அடித்து கொள்ள

பிள்ளையாரை கொண்டு வருகிறாய் பங்கலாவாசலுக்குல்ல

ஒரு நாளைக்காய் ஊரையே கட்டு பாட்டுக்குள் எடுத்து கொள்கிறது காவல் துறை

மீண்டும் அமைதி ஏற்பட ..!!! ஆரம்ப நிலை வர..!!!
ஆகிறது காலம் ஒரு மாத பிறை

எல்லோருக்கும் தெரிகிறது இது பிழை

உனக்கு தெரியாதது தான் மாபெரும் பிழை

நான்கு பள்ளி கடந்து
நான்கு மைல் நடந்து

வந்து..!!!! நீ மேலாரில் கரைக்க
ஊரார் அமைதியை அடியோடு பறிக்க

இந்த ஊர்வலம் தேவையா
சிந்தித்து பாரையா

ஒற்றுமை ஒன்றை தவிர மற்றதெல்லாம் எடுபடாது

மாறு வேஷம் போட்டு கொண்டு மகுடம் ஏற முடியாது

எனவே மாறு வேஷம் கலைப்போம்

தவறு எவன் செய்தாலும் தடுப்போம்

எந்த சமூகமும் எங்கிருந்தோ வருபவனுக்கு
ஊருக்குள் ஆட்டம் போட அனுமதி கொடுப்பது

சமாகும் இருக்கின்ற பொருளை இழப்பது

இன்று ஒருநாள் இந்த ஊர்வலம் முடியும்
நாளை மறுநாள் விடியும்

உன் முகத்தில் நானும் என்
முகத்தில் நீயும் முழிக்கணும்

அந்த ஒற்றை காரனத்திர்க்காவது ஊரின் நல தேரை
இணைந்து நாம் இழுக்கணும்

நான் உன்னை அழைப்பது ஏதோ அல்ல பயந்து

நான் உன்னை அழைப்பது நமது வருகால சமூகத்தை
நமது காலத்திலேயே வைப்போம் ஒற்றுமையாய் சேர்த்து

இல்லையேல் எனக்கு மட்டும் அல்ல
உனக்கும் சேர்த்து வரும் ஆபத்து

நம் தரப்பில் அமைதி காப்போம்
இறைவனிடம் அமைதிக்கு பிராத்திப்போம்

என இறைவனை நினைவு கூர்ந்து
நிறைவு செய்கிறேன்

''''ஏதேனும் கலவரம் வந்தால்'''?????
பொறுப்பாளர்கள் அல்ல அப்பாவிகள்..!!!!!!!!!
பொறுப்பாளர்கள் கலவரகாரர்கள் ...!!!!!!!!!
என சொல்லி விடை பெறுகிறேன்

கலவரம் ஏதும் வராமல் இருக்க
இறைவனை பிராத்திக்கிறேன்

நன்றி: பஷீர்

Read More

தி மெசேஜும் முஸ்லிம்களுக்கான மெசேஜும்.

உலகம் செப்டம்பர் 16: தி.மெசேசெஜ் THE Message ஆங்கில திரைப்படம் தமிழ் பின்னணி குரலுடன் தயாரிக்கப்பட்டு,முஸ்லிம் பிரமுகர்கள்,சமூக ஆர்வலர்கள்,பத்திரிகையாளர்களுக்கு கடந்த வாரம் சென்னை வடபழனியிலுள்ள ஆர்.கே.வி திரையரங்கில் திரையிட்டு காட்டப்பட்டது.

இந்த படம் குறித்து,இன்றைய (16/9/20130)தேதியிட்ட தி ஹிந்து நாளிதழ் சிறப்பாக செய்தியை வெளியிட்டுள்ளது.

பொதுவாக திரைப்படங்கள் குறித்து முஸ்லிம்கள் மத்தியில் சரியான புரிதல் இல்லை.திரைப்படம் ஹராம்(விலக்கப்பட்டது) என்ற சிந்தனை முஸ்லிம்கள் மத்தியில் திணிக்கப்பட்டிருக்கிறது.(ஆனாலும் இப்படி புரிதல் இல்லாமல் ஹராம் தீர்ப்பு கொடுக்கும் பலர் திரைப்படங்களை பார்கிறார்கள் என்பது தனி விஷயம்) ஒரு திரைப்படத்தில் வரும் காட்சிகள் இஸ்லாமிய வரையறைகளை மீறும் வகையில் உள்ளதா என்பது தான் கவனிக்கப் பட வேண்டிய விஷயம்.

சினிமா என்பது மிகப்பெரிய வெகுஜன ஊடகம்.அதன் மூலம் இஸ்லாமிய செய்திகளையும்,சமூக சீர்திருத்தக் கருத்துகளையும் மனித குலத்திற்கு கொண்டு செல்ல முடியும்.

தி மெசேஜ் திரைப்படம் குறித்து தி ஹிந்துவிற்கு நாளிதழிடம் பேரா.ஜவாஹிருல்லாஹ், ''செய்திகளை மக்களிடம் முழுமையாக கொண்டு செல்வதில் காட்சி ஊடகங்களில் மிகப்பெரிய வெற்றிடம் உள்ளது.இஸ்லாத்தின் செய்திகளையும் நபிகள் நாயகம்(ஸல்) அவர்களின் போதனைகளையும் காட்சி ஊடகங்கள் மூலம் சொல்வதில் எந்த தவறும் இல்லை.ஒரு திரைப்படம் ஹராமா இல்லையா என்பதை அந்த திரைப்படத்தின் உள்ளடக்கத்தை அறிந்த பின்னர் தான் தீர்மானிக்க முடியும்.அதனால்,திரைப்படங்கள் ஹராம் என கண்மூடித்தனமாக வகைப்படுத்த முடியாது.''என்று சரியான கருத்தை தெரிவித்துள்ளார்.

இந்த படத்தை தமிழாக்கம் செய்த முஹம்மது தம்பி,''இஸ்லாத்தை பற்றிய மிகப்பெரிய அளவில் தவறான புரிதல் முஸ்லிம் அல்லாத மக்கள் மத்தியில் நிலவுகிறது.முஸ்லிம்களில் பலரும் கூட நபிகள் நாயகத்தைப் பற்றியோ,அவர்களின் போதனையைப்பற்றியோ தெளிவான பார்வை இல்லை.இந்த படம் பலரது மனநிலையில் படிந்து போயுள்ள தவறான கருத்துக்களை அகற்றும்'' என ஹிந்து நாளிதழிடம் தெரிவித்துள்ளார். இந்த திரைப்படங்கள் குறித்த முஸ்லிம்களின் பார்வையில் தெளிவு பிறக்க வேண்டும்.

Read More

திருமணச் செய்தி: "A. முஹம்மது மர்சிகீன், M. மாஜிதா"

முத்துப்பேட்டை, செப்டம்பர் 16: ஹிஜ்ரி 1434 துல்கைதா பிறை 8, 15.09.2013 காலை 11.30 மணியளவில் முத்துப்பேட்டை மரைக்காயர்  தெரு ஜனாப். செய்யது அஹமது அவர்களின் புதல்வன் தீங்குலச்செல்வன் S. முஹம்மது மர்சிகீன், SPKM தொட்டவளாகம், தீங்குலச்செல்வி M.மாஜிதா மணாளிக்கும் இரு வீட்டார் அனுமதி பெற்று மாப்பிள்ளையுடைய 2 பவுன் மகருக்கு வக்கீலாக இருந்து மக்கா பள்ளி இமாம் ஜனாப். இமாமுதீன், அவர்கள் திருமணத்தை நடத்தி வைத்தார். (பாரக்கல்லாஹூ லக வபாரக அலைக்க வஜமஅ பைனகுமா ஃபீஹைர்.)

source from: www.muthupettaiexpress.com

நமது நிருபர்: 

AKLT. அப்துல் ரஹ்மான்.BBA.

வாழ்த்துக்கள் தெரிவிக்க:

முஹம்மது மர்சிகீன்.

தொலைபேசி எண்: 0091 72007 69840...

Read More